చిన్న హీరోనే కానీ రియల్ హీరో, మనసున్న మంచి మనిషి, ఆపదలో ఉన్నారంటే సాయం చేయడంలో ఎప్పుడూ ముందే అని నిరూపించుకుంటున్నారు . సాటి మనిషి కష్టాల్లో ఉంటే తట్టుకోలేని ఆయన, ఇప్పటికే చాలా సందర్భాల్లో ఔదార్యం చాటుకున్నారు. కరోనా విపత్కర పరిస్థితుల్లో సీసీసీకి, అలాగే వరద బాధితుల సహాయార్థం సీఎం రిలీఫ్ ఫండ్‌కి, రీసెంట్‌గా సినీ జర్నలిస్టు TNR అకాల మరణంతో వారి కుటుంబానికి ఆర్ధిక సాయం అందించిన సంపూర్ణేష్ బాబు.. తాజాగా తల్లిదండ్రులు కోల్పోయిన ఇద్దరు పిల్లలకు సాయం చేసి మంచి మనసున్న హీరో అనిపించుకున్నారు. దుబ్బాక పురపాలక పరిధిలో ఉంటున్న నరసింహచారి దంపతులు అప్పుల భారం మోయలేక ఆత్మహత్య చేసుకున్నారు. దీంతో వారి ఇద్దరు కుమార్తెలు అనాథలుగా మారారు. ఈ విషయం తెలుసుకొని సంపూర్ణేష్ బాబు వారికి 25 వేల రూపాయల ఆర్ధిక సాయం అందించారు. ప్రతి మనిషికి జీవితంలో కష్టం, ఆర్ధిక ఇబ్బందులు ఉంటాయని, వాటికి ధైర్యంగా ఎదుర్కోవాలే తప్ప ఆత్మహత్యకు పాల్పడి కుటుంబాన్ని రోడ్డున పడేయొద్దని సంపూ అన్నారు. ఈ మేరకు తన ఫేస్‌బుక్ ఖాతాలో పోస్ట్ పెట్టిన సంపూర్ణేష్ బాబు.. ''దుబ్బాకలో నరసింహచారి గారి కుటుంబంలో జరిగిన ఈ వార్త చూసి గుండె తరుక్కుపోయింది. కరోనా కష్టకాలంలో ఎంతో మంది పనులు కోల్పోయి వీధిన పడుతున్నారు. తల్లితండ్రులు కోల్పోయిన ఆ పిల్లలకు Rs.25000/- నేను మరియు మా హృదయకాలేయం, కొబ్బరిమట్ట నిర్మాత Sai Rajesh అందిచడం జరిగింది. ఎంత వరకు చదువుకుంటే అంత పూర్తి ఖర్చులు మేము చూసుకుంటాం అని వారికి మాట ఇవ్వటం జరిగింది. ఈ కష్టకాలంలో తోటి వ్యక్తులకు మన వంతు సహాయం అందిచడం మన కర్తవ్యం'' అని పేర్కొన్నారు. దీంతో చిన్ననటుడే అయినా సంపూది పెద్ద హృదయమని, ఆయన చేసిన ఈ సాయం అభినందనీయం అని పలువురు పేర్కొంటున్నారు. ప్రస్తుతం సంపూ 'క్యాలీఫ్లవర్' సినిమా చేస్తున్నారు. రీసెంట్‌గా షూటింగ్ ఫినిష్ చేసుకున్న ఈ మూవీ విడుదలకు రెడీగా ఉంది.
from Telugu Movie News | Movie News in Telugu | Movie Gossips in Telugu https://ift.tt/3y9IZaZ
v
ఎప్పటికప్పుడు సినిమాలకు సంబంధించిన విషయాలతో పాటు సెలబ్రిటీల క్రేజీ అప్‌డేట్స్ ఈ సినిమా రౌండప్ ద్వారా మీ ముందుకు తెస్తున్నాం. టాలీవుడ్, బాలీవుడ్, కోలీవుడ్ ఇండస్ట్రీల్లోని ముఖ్య విషయాలను సంక్షిప్తంగా ఇలా ఒక్కచోట చేర్చి అందిస్తున్నాం. ఈ రోజు (జూన్ 30) సినిమా రౌండప్‌లో అల్లు అర్జున్ 'పుష్ప' ప్రమోషన్స్, బాబీ దర్శకత్వంలో చిరంజీవి చేయబోతున్న సినిమాపై ఇంట్రెస్టింగ్ అప్డేట్, కార్తీ సినిమాలో సిమ్రాన్‌, మరో బాలీవుడ్ ఆఫర్ దక్కించుకున్న రకుల్.. తదితర విషయాలను పొందుపరిచాం. మరి ఇంకెందుకు ఆలస్యం ఈ విషయాలపై ఓ లుక్కేయండి.
మూవీ ఆర్టిస్టు అసోషియేషన్ (మా) ఎన్నికలు రోజుకో మలుపు తిరుగుతున్నాయి. మొదటగా త్రిముఖ పోటీ అనుకున్నారు. కానీ నాలుగో వ్యక్తి కూడా ఎంటరయ్యారు. అయితే ఇవన్నీ కూడా కావు.. చివరకు ఓ మహిళను ఏకగ్రీవం చేయనున్నారనే టాక్ బయటకు వచ్చింది. అలా మొత్తానికి మా ఎన్నికలు మాత్రం మంచి రంజు మీదున్నాయి. ఈ నేపథ్యంలో ఒకరి తరువాత ఒకరు మీడియా ముందుకు వస్తున్నారు. అందరూ మా ఎన్నికల మీద విమర్శలు సంధిస్తున్నారు. మరీ ముఖ్యంగా నాగబాబు వ్యాఖ్యలపై కామెంట్ చేస్తున్నారు. ప్రస్తుతం మా ఎన్నికల్లో అధ్యక్ష పదవీ కోసం సీనియర్ నటుడు ప్రకాష్ రాజ్, మంచు విష్ణు, జీవిత రాజశేఖర్, హేమ , సీవీఎల్ నరసింహా రావులు పోటీ చేసేందుకు సిద్దంగా ఉన్నారు. ఇప్పటికే ఎవరికి తగ్గట్టు వారు తమ తమ వ్యూహాలను రచించుకుంటున్నారు. అందరి కంటే ఎక్కువగా ప్రకాశ్ రాజ్, మంచు విష్ణులు దూసుకుపోతోన్నారు. ప్రకాశ్ రాజ్ ఏకంగా తన ప్యానెల్‌తో కలిసి మీడియా ముందుకు వచ్చేశారు. ఇక మంచు విష్ణు సైతం తాను రంగంలోకి దిగబోతోన్నట్టు ప్రెస్ నోట్ ద్వారా అధికారికంగా ప్రకటించేశారు.
