అమ్మ హిందూ, నాన్న ముస్లిం.. క్యాన్సర్ రావడంతో అలా.. హీరోయిన్ సదా కామెంట్స్

హీరోయన్ గురించి దక్షిణాది ప్రేక్షకులకు ప్రత్యేకంగా పరిచయం అక్కర్లేదు. జయం సినిమాతో టాలీవుడ్ ప్రేక్షకులను అందరినీ ఆకట్టుకున్నారు. అయితే జయం సినిమా అంత పెద్ద హిట్ అయినా కూడా వెంటనే ఆఫర్లు రాలేదట. ఇక తన ఫ్యామిలీ కూడా సినిమా పరిశ్రమకు ఏ మాత్రం సంబంధం లేదని, ఎక్కడి నుంచి వచ్చిన తాను ఇలా సినీ రంగంలోకి ఎంట్రీ ఇచ్చానని సదా చెప్పుకొచ్చారు.తాజాగా షోలోకి గెస్ట్‌గా వచ్చిన సదా ఎన్నో విషయాలను చెప్పుకొచ్చారు. మరీ ముఖ్యంగా తన వ్యక్తిగత జీవితానికి సంబంధించిన విశేషాలను అందరి ముందు బయటపెట్టేశారు. ముంబై గోవా మధ్యలో ఉండే రత్నగిరి ప్రాంతానికి చెందిన వారమని తమ ఫ్యామిలీ గురించి సదా వివరించారు. అమ్మ ప్రభుత్వ ఉద్యోగి. నాన్న డాక్టర్ అని సదా తెలిపారు. సినీ పరిశ్రమకు ఎటువంటి సంబంధం లేదని అన్నారు. అయితే చిన్నప్పటి నుంచి మాత్రం డ్యాన్సులు చేయడం ఇష్టం. స్కూల్ యానివర్సరీ ఫంక్షన్‌లో ముందుండేదాన్ని. చదువుల్లో కూడా ఎప్పుడూ ఫస్టే. ఇంటర్‌లో 92 శాతం వచ్చింది. ఓసారి మా స్కూల్‌కు ఎమ్మేల్యే వచ్చారు. మా ప్రిన్సిపాల్‌తో నా గురించి మాట్లాడారు. సినిమా అవకాశాలు ఏమైనా కావాలంటే చెప్పండి అని అన్నారట. అదే విషయాన్ని మా పేరెంట్స్‌తో చెప్పారు. ఇప్పుడు చదువుతోంది.. చిన్న పిల్ల కదా ఇప్పుడే వద్దులేండి అని అన్నారట. అయితే సినిమాల్లోకి వెళ్తానంటే వద్దనరు.. వెళ్లే చాన్స్ ఉందని అప్పుడు ఫిక్స్ అయ్యానని సదా చెప్పుకొచ్చారు. రక్తం అంటే భయం ఉండటంతో మెడిసిన్ కాకుండా ఇంజనీరింగ్ కోసం బాంబే వెళ్లాను. నాతో పాటు అమ్మగారు వచ్చారు. అయితే అక్కడే యాక్టింగ్ స్కూల్‌లో జాయిన్ అయ్యాను. అలా కెరీర్ ప్రారంభమైందని సదా అన్నారు. అమ్మ హిందూ.. నాన్న ముస్లిం. వాళ్లది లవ్ మ్యారేజ్. పెళ్లి తరువాత ఇరు కుటుంబాలు దూరమయ్యాయి. వారిద్దరే తమ కాళ్ల తాము నిలబడ్డారు. ఒంటరిగానే బతికారు. అలా మేం ముగ్గురమే ఇంట్లో ఉండేవాళ్లం. 2015లో అమ్మకు క్యాన్సర్ అని తెలిసింది. ఆమె రిటైర్మెంట్‌కు ఇంకో పది రోజులు ఉందనే సరికి ఈ విషయం బయటపడింది. అలా ఆ సమయంలో నా సినిమా కెరీర్‌ను కూడా పక్కనపెట్టేశాను. అవతల ఫోన్ చేసింది ఎవరు అని కూడా కనుక్కోకుండానే.. నో చెప్పేదాన్ని అంటూ సదా తన పర్సనల్ విషయాలను బయటపెట్టేశారు. అపరిచితుడు సినిమాకు ఇచ్చిన డేట్స్ వల్ల.. చంద్రముఖిని వదులుకున్నాను అని, కొత్త డైరెక్టర్, కొత్త ప్రొడక్షన్ అని ఆనంద్ సినిమాను వదులుకున్నానని సదా తెలిపారు. అలా కొత్త డైరెక్టర్ అని ప్రాణం సినిమాను చేసిన ఎఫెక్ట్‌తోనే ఆనంద్ చిత్రాన్ని చేయలేదని అసలు విషయం బయటపెట్టేశారు.

from Telugu Movie News | Movie News in Telugu | Movie Gossips in Telugu https://ift.tt/3y72PE6
v