విక్రమ్ శంకర్ కాంబినేషన్‌లో వచ్చిన అపరిచితుడు సినిమా ఎంతటి సెన్సేషన్ క్రియేట్ చేసిందో అందరికీ తెలిసిందే. తమిళ, తెలుగు నాట ఈ సినిమా రికార్డులు ఎప్పటికీ చెక్కుచెదరవు. డబ్బింగ్ సినిమా అయినా కూడా తెలుగులో ఈ చిత్రం కాసుల వర్షాన్ని కురిపించింది. టేకింగ్, నటన, సదా అందాలు ఈ సినిమాను బ్లాక్ బస్టర్‌ను చేసేశాయి. అయితే తాజాగా ఈ మూవీ గురించి మాట్లాడుతూ సదా కొన్ని విషయాలను బయటపెట్టేశారు. అలీతో సరదాగా షోలో గెస్ట్‌గా రాబోతోన్న సదా ఎన్నో విషయాలను పంచుకున్నారు. మామూలుగానే కాంట్రవర్సీలకు ఎంతో దూరంగా ఉండే.. సదా సోషల్ మీడియాలోనూ ఎక్కువ యాక్టివ్‌గా ఉండరు. అలాంటి సదా తాజాగా తన పర్సనల్, ప్రొఫెషన్ విషయాల గురించి బయటపెట్టేశారు. అందులో భాగంగా జయం, అపరిచితుడు సినిమా విశేషాలను పంచుకున్నారు. ఈమేరకు వదిలిన ప్రోమో నెట్టింట్లో తెగ వైరల్ అయింది. ఇందులో అపరిచితుడు సినిమా షూటింగ్ సమయంలో జరిగిన వింత సంఘటన గురించి చెప్పుకొచ్చారు. మామూలుగా కొందరు హీరో హీరోయిన్లు స్క్రీన్ మీద ఎలా కనిపిస్తారో స్క్రీన్ వెనకాల అలానే ఉంటారు. అయితేకొందరు మాత్రం తెరపై హీరో హీరోయిన్లుగా నటించినా కూడా తెర వెనుక బ్రదర్ సిస్టర్ అని పిలుచుకుంటారు. అలా విక్రమ్ కూడా సదాను సోదరి అని అనేవారట. ఈ విషయం తెలుసుకున్న శంకర్ షాక్ అయ్యారట. నేను ఏదో మిమ్మల్ని సీతారాముడిలా చూపిద్దామని ప్రయత్నిస్తుంటే మీరేంటి ఇలా పిలుస్తున్నారు.. ఈ విషయం మీడియాకు లీకై బయటకు తెలిస్తే నా సినిమా ఎవరైనా చూస్తారా? అని శంకర్ ఆవేదన చెందారట. నాటి విషయాన్ని చెబుతూ సదా తెగ నవ్వేశారు.
from Telugu Movie News | Movie News in Telugu | Movie Gossips in Telugu https://ift.tt/3qwmV7R
v
No comments:
Post a Comment