జబర్దస్త్ వర్ష పెళ్లి తంతు.. అలా రెచ్చిపోయిన హైపర్ ఆది! పోలీసులు ఎంటర్ కావడంతో..

అదేంటో.. ఈ మధ్యకాలంలో నటీనటుల లవ్ ఎఫైర్లకు, పెళ్లి డ్రామాలకు సోషల్ మీడియాలో మాంచి గిరాకీ ఉంటోంది. నటీనటుల మధ్య ఉండే సంబంధాలు తెలుసుకునేందుకు ప్రాధాన్యత ఇస్తున్నారు ఆడియన్స్. దీంతో బుల్లితెర ప్రోగ్రాం నిర్వాహకులు దీన్ని క్యాచ్ చేస్తూ ఇదే అంశాన్ని హైలైట్ చేస్తున్నారు. బుల్లితెర రొమాంటిక్ జోడీలను పెళ్లి పీటలపై కూర్చోబెట్టి టీఆర్ఫీ దక్కించుకునే ప్లాన్ చేస్తున్నారు. ఇలా ఇప్పటికే చాలాసార్లు రష్మీ- సుధీర్ పెళ్లి చేయడం చూసాం. ఇప్పుడు అదే సీన్ ఇమ్మానుయేల్- వర్షలతో కానిచ్చేశారు. జబర్దస్త్ జోడీల్లో ఇమ్మానుయేల్- జోడీకి భారీ డిమాండ్ నెలకొంది. నలుపు, తెలుపు కాంబినేషన్ కావడం, పైగా ఇద్దరూ కెమెరా ముందు పండించే కెమిస్ట్రీ హైలైట్ అవుతుండటంతో ఫుల్ పాపులారిటీ దక్కించుకున్నారు. దీంతో ఇదే పాయింట్ తీసుకొని 'శ్రీదేవి డ్రామా కంపెనీ' వారు ఇమ్మానుయేల్- వర్ష పెళ్లి డ్రామా వేసేశారు. ఇందులో హైపర్ ఆది, గెటప్ శీను, ఆటో రామ్ ప్రసాద్ కామెడీ పండించే ప్రయత్నం చేశారు. సరిగ్గా వర్ష మెడలో ఇమ్మానుయేల్ తాళి కట్టే సమయంలో పోలీసులు వచ్చి పెళ్లి ఆపడం, ఆ టైమ్‌లో వేసిన పంచ్ డైలాగ్ కాస్త నవ్వించాయి. ఆ తర్వాత వేదికపై హైపర్ ఆది, గెటప్ శీను, ఆటో రామ్ ప్రసాద్, ఇమ్మానుయేల్, వర్ష అందరూ కలిసి 'అనితా.. ఓ అనిత' పాట పాడారు. ఈ స్కిట్‌లో ఎప్పటిలాగే తనదైన ఎనర్జీతో హైపర్ ఆది రెచ్చిపోవడం చూడొచ్చు. కాగా, ఈ వీడియోను ప్రమోట్ చేయడంలో భాగంగా వర్ష తన సోషల్ మీడియా ఖాతాలో రీసెంట్‌గా తాళిబొట్టు ఫొటో చేసింది. దీంతో ఇలాంటి పెళ్లి ట్రిక్స్ ప్లే చేస్తూ చీఫ్ పబ్లిసిటీ చేయడమేంటని నెటిజన్స్ ట్రోల్ చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/35YwZNB
v