సాక్రిఫైజింగ్ స్టార్, ట్రెండింగ్ స్టార్ ఇలాంటి స్టార్లు చాలానే ఉన్నాయి మనోడికి.. పెట్టుకున్నవే కాబట్టి ఎన్నైనా స్టార్లు ఉంటాయి కానీ.. ఈ స్వయం ప్రకటిత స్టార్ తాట తీసేందుకు టాలీవుడ్ స్టార్ హీరోలు రంగంలోకి దిగడంతో క్షమించండి మహాప్రభో అంటూ వాళ్ల కాళ్లపై పడ్డాడు. ఇంతకీ ఈ స్టార్ ఎవరంటే . లావణ్య త్రిపాఠితో నాకు పెళ్తైంది.. తమన్నాతో కాపురం చేశా.. బాహుబలి సినిమా నాతో చేయాల్సింది.. బాహుబలి హీరో ముందు నేనే.. ఆర్ ఆర్ ఆర్ ఛాన్స్ నాకే.. అసలు మహేష్ బాబు, ఎన్టీఆర్, ప్రభాస్‌లు హీరోలే కాదు.. రాజమౌళి దర్శకుడే కాదు.. ఇలాంటి కామెంట్స్‌తో యూట్యూబ్‌లో హల్ చల్ చేసిన సునిశిత్ ఆ మధ్య కాలంలో జైలుకి కూడా వెళ్లొచ్చాడు. నోటికి వచ్చినట్టు వాగడంతో హీరోయిన్ లావణ్య త్రిపాఠి ఇతగాడిపై పోలీసులకు ఫిర్యాదు చేసింది. దీంతో శ్రీరామోజు సునిశిత్ అనే వ్యక్తిని పోలీసులు అరెస్ట్ చేసి జైలుకు పంపారు. అయితే జైలు నుంచి వచ్చిన తరువాత కూడా మనోడిలో మార్పురాలేదు. పాత పాటే పాడుతూ స్టార్ హీరోలందరిపైన నోటికొచ్చినట్టు వాగడం మొదలుపెట్టాడు. రీసెంట్‌గా హరికృష్ణ గురించి నోటికొచ్చినట్టు పేలడంతో ఇతని తాట తీసేందుకు రంగంలోకి దిగారు నందమూరి అభిమానులు. ఈ స్వయం ప్రకటిత హీరో పట్టుకుని నాలుగు తగిలించడానికి రెడీ కావడంతో.. నన్ను క్షమించండి ఇంకెప్పుడూ అలా చేయను అంటూ ఫేస్ బుక్‌లో వీడియో పెట్టాడు. ‘నేను గారి గురించి ఒక పోస్ట్ పెట్టడం జరిగింది.. నందమూరి అభిమానులు హర్ట్ కావడంతో ఆ పోస్ట్‌ని డిలీట్ చేస్తూ నందమూరి హరికృష్ణ గారికి.. నందమూరి అభిమానులకు క్షమాపణలు తెలియజేస్తున్నాను. ఇకపై నేను నందమూరి హరికృష్ణ గారినే కాదు.. టాలీవుడ్‌కి సంబంధించిన ఏ హీరోనీ కూడా హర్ట్ చేయను. ఎవర్నీ విమర్శించను.. ప్రతిఒక్క హీరోకి.. వారి అభిమానులకు క్షమాపణలు తెలియజేస్తున్నాను’ అంటూ వీడియో విడుదల చేశాడు సునిశిత్. చూడాలి మరి మనోడు ఎంత వరకూ మాట మీద ఉంటాడో.
from Telugu Movie News | Movie News in Telugu | Movie Gossips in Telugu https://ift.tt/3hc2MBj
v
No comments:
Post a Comment