ద‌ర్శ‌క‌ధీరుడు రాజౌళి ద‌ర్శ‌క‌త్వంలో యంగ్ టైగర్ ఎన్టీఆర్, మెగా ప‌వ‌ర్ స్టార్ రామ్ చ‌ర‌ణ్ న‌టించిన పాన్ ఇండియా మూవీ RRR. తెలుగు, త‌మిళ, క‌న్న‌డ, మల‌యాళ, హిందీ భాష‌ల్లో మార్చి 25న ప్ర‌పంచ వ్యాప్తంగా విడుద‌ల‌వుతుంది. ఈ సినిమా ప్రమోషన్స్ పీక్ స్టేజ్‌కు చేరుకుంటోంది. ఎంటైర్ యూనిట్ ఇండియాలోని ప్ర‌ధాన న‌గ‌రాల్లో ఇప్ప‌టికే RRR సినిమాను ప్ర‌మోట్ చేసుకుంటూ వ‌చ్చారు. ఇదంతా ఒక వైపు కొన‌సాగుతుంటే, మరో వైపు ఇటు మెగా ఫ్యాన్స్..అటు నంద‌మూరి ఫ్యాన్స్ పోటీ ప‌డి త‌మ అభిమాన హీరోలు న‌టించిన సినిమాల‌ను ప్ర‌మోట్ చేస్తూ వ‌స్తున్నారు. ముఖ్యంగా ఓవ‌ర్ సీస్ అభిమానుల అభిమానం అయితే మాట‌ల్లో చెప్ప‌లేనిదిగా ఉంది. యంగ్ టైగర్ ఎన్టీఆర్ ఫ్యాన్స్ విష‌యానికి వ‌స్తే ఓ అభిమాని ఓ షోకు సంబంధించిన టికెట్స్ అన్నింటినీ బుక్ చేసుకున్నాడు. మరో అభిమాని అయితే ఏకంగా ఓ షో కోసం 75 టికెట్స్‌కొన్నాడు. కార్ల‌తో RRR, ఎన్టీఆర్ అనే పేర్లు డిజైన్ చేసి హ‌ల్ చ‌ల్ చేస్తున్నారు కొంద‌రు. మ‌రి కొంద‌రైతే మరో అడుగు ముందుకేసి ఫ్లైట్ బుక్ చేసి దాని చివ‌ర‌లో తొక్కుకుంటూ పోవాలే అనే డైలాగ్ రాసిన బ్యాన‌ర్‌ను క‌ట్టి, జై ఎన్టీఆర్ అంటూ తిరిగారు. ఇక మెగా ప‌వ‌ర్ స్టార్ రామ్ చ‌ర‌ణ్ విష‌యానికి వ‌స్తే.. మేం మాత్రం ఎందులో త‌క్కువ అని అంటున్నారు. 15 కుటుంబాల‌కు చెందిన అమెరికాలో పిట్‌బ‌ర్గ్స్‌లో -11 డిగ్రీల చ‌లిలో 30 మైళ్ల వేగంతో వీస్తున్న చ‌లి ఈదుర గాలుల మ‌ధ్య రామ్ చ‌ర‌ణ్‌కు అభినంద‌న‌లు చెప్పారు. ఆ ఫొటోలు ఇప్పుడు నెట్టింట వైర‌ల్ అవుతున్నాయి. ఒక‌రి హీరోను మ‌రొక హీరో అభిమానులు తిట్టుకుంటున్న రోజుల్లో అభిమానులు ఇలా పోటీ ప‌డి త‌మ హీరోల‌ను ప్ర‌మోట్ చేయ‌డం అనేది అభినందించాల్సిన విష‌యం. ప్ర‌స్తుతం ఎంటైర్ సినీ ఇండ‌స్ట్రీ ఎంతో ఆస‌క్తిగా, ఆతృత‌గా ఎదురు చూస్తోన్న చిత్రం ఏదైనా ఉందా! అంటే ట‌క్కున వినిపించే స‌మాధానం RRR. ఇందుకు చాలా కార‌ణాలే చెప్పొచ్చు. అందులో బాహుబ‌లి త‌ర్వాత రాజ‌మౌళి తెర‌కెక్కించిన సినిమా కావ‌డం ఒక‌టైతే, ఎన్టీఆర్, రామ్ చ‌ర‌ణ్ వంటి టాలీవుడ్ అగ్ర హీరోల‌తో పాటు బాలీవుడ్‌కి చెందిన ఆలియా భ‌ట్‌, అజ‌య్ దేవ‌గ‌ణ్‌.. హాలీవుడ్ స్టార్స్ రే స్టీవెన్ స‌న్, అలిస‌న్ డూడి, ఒలివియా మోరిస్ త‌దిత‌రులు ఈ చిత్రంలో న‌టించారు.
from Telugu Movie News | Movie News in Telugu | Movie Gossips in Telugu https://ift.tt/BiP4MO7
v
No comments:
Post a Comment