అభిమానులు ముద్దుగా ఉస్తాద్ అని పిలుచుకునే టాలీవుడ్ ఎన‌ర్జిటిక్ హీరో రామ్ పోతినేని. ఇప్పుడు ఈయ‌న ఒక సమస్యతో బాధ‌ప‌డుతున్నార‌ట. ఆ స‌మ‌స్య కారణంగా ఓ పెద్ద త‌ప్పే జ‌రిగిపోయింది. త‌న త‌ప్పు తెలుసుకున్న ఆయ‌న దాన్నెలా స‌రిచేసుకునే ప్ర‌య‌త్నం చేస్తున్నార‌ట. ఇదేంటి? ఏ సమస్యతో బాధ‌ప‌డుతున్నారు. దాని కారణంగా ఆయ‌న చేసిన త‌ప్పేంటి? అని అభిమానుల్లో కాస్త కంగారు రావ‌చ్చు. కానీ.. టెన్ష‌న్ ప‌డొద్దు. అస‌లు విష‌య‌మేమంటే, రామ్ పోతినేని సమస్యతో బాధ‌ప‌డుతుంది రియ‌ల్ లైఫ్‌లో కాదు రీల్ లైఫ్‌లో. వివ‌రాల్లోకి వెళ్తే.. రామ్ హీరోగా లింగుస్వామి ద‌ర్శ‌క‌త్వంలో రూపొందుతోన్న చిత్రం ‘ది వారియ‌ర్‌’. యాక్ష‌న్ ఎంట‌ర్‌టైన‌ర్ మూవీ. ఈ చిత్రాన్ని మ‌రి మాస్ కోణంలోనే కాకుండా రామ్ పాత్ర ద్వారా కాస్త కామెడీని క్రియేట్ చేయాల‌ని డైరెక్ట‌ర్ లింగుస్వామి భావించి రామ్ పాత్ర‌లో చిన్న డిఫెక్ట్‌ను పెట్టారు. అదే మ‌తి మ‌రుపు. సిన్సియ‌ర్ పోలీస్ ఆఫీస‌ర్ అయిన రామ్‌కు ‘ది వారియ‌ర్‌’ చిత్రంలో మ‌తి మ‌రుపు ఉంటుంది. దాంతో ఆయ‌న స‌మ‌స్య‌ల‌ను ఎదుర్కొంటూ ఉంటారు. త‌న మ‌తి మ‌రుపుతో చేసే పనుల కారణంగా క‌థ‌లో కామెడీ కూడా జ‌న‌రేట్ అవుతుంద‌ట. అంతా బాగానే ఉంది. కానీ.. అదే మ‌తి మ‌రుపు కారణంగా రామ్ అనుకోకుండా ఓ త‌ప్పు చేస్తారు. దాని వ‌ల్ల పెద్ద స‌మ‌స్య వ‌చ్చి ప‌డుతుంది. త‌న మ‌తి మ‌రుపు వ‌ల్ల జ‌రిగిన త‌ప్పును తెలుసుకున్న రామ్.. దాన్నెలా స‌రిదిద్దుకున్నార‌నే క‌థాంశంతో ‘ది వారియ‌ర్‌’ మూవీని తెర‌కెక్కిస్తున్నార‌ట డైరెక్ట‌ర్ లింగుస్వామి. తెలుగు, త‌మిళ భాష‌ల్లో ఏక కాలంలో సినిమా రూపొందుతోంది. ఈ చిత్రంలో ఆది పిని శెట్టి విల‌న్‌గా క‌నిపించ‌నున్నారు. హీరోయిన్‌గా నటిస్తోంది. తెలుగు, త‌మిళ భాష‌ల్లో సినిమా రూపొందుతోంది. శ్రీనివాసా సిల్వ‌ర్ స్క్రీన్ ప‌తాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు. రాక్ స్టార్ దేవిశ్రీ ప్ర‌సాద్ సంగీతం అందిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/9kUyFS6
v
No comments:
Post a Comment