అమ్మాయిల‌ను ఆయుధాలుగా వాడుకుంటారు.. రామ్ గోపాల్ వర్మపై పూన‌మ్ కౌర్‌ ఘాటు వ్యాఖ్యలు!

సినిమాల కంటే వివాదాల్లో ఎక్కువ‌గా నిలిచే హీరోయిన్స్ ఎవ‌రంటే మ‌న‌కు వినిపించే పేర్ల‌లో పూన‌మ్ కౌర్ ఒక‌రు. సోష‌ల్ మీడియాలో ఆమె చాలా యాక్టివ్‌గా ఉంటారు. ఆమె సోష‌ల్ మీడియాలో చేసే వ్యాఖ్య‌లు వైర‌ల్ అవుతుంటాయి. వివిధ ప‌రిస్థితుల‌ను ఉద్దేశించి ఆమె చేసే వ్యాఖ్య‌లు హాట్ టాపిక్‌గా మారుతుంటాయి. తాజాగా ఇప్పుడు పూన‌మ్ కౌర్ చేసిన ఓ ట్వీట్ వైర‌ల్ అయ్యింది. ఏదో సాదా సీదా ట్వీట్ అనుకుంటే మ‌నం పొర‌బ‌డ్డ‌ట్టే. ఎందుకంటే ఆమె టార్గెట్ చేసింది వివాదాస్ప‌ద ద‌ర్శ‌కుడు రామ్ గోపాల్ వ‌ర్మ‌ని. సాధార‌ణంగా ఆర్జీవీ ఎవ‌రినో ఒక‌రిని టార్గెట్ చేసి కామెంట్స్ చేస్తుంటాడు. ఇప్పుడు ఆయ‌నే టార్గెట్ కావ‌డం అనేది టాక్ ఆఫ్ ది ఇండ‌స్ట్రీగా మారింది. అయితే ఈ వ్యాఖ్యల‌కు ప‌వ‌న్ క‌ళ్యాణ్ సెంటరాఫ్ ఎట్రాక్ష‌న్ మార‌డం గ‌మ‌నార్హం. అస‌లు కాంట్ర‌వ‌ర్సియ‌ల్ డైరెక్ట‌ర్ రామ్ గోపాల్ వ‌ర్మ‌ను పూన‌మ్ కౌర్ ఏమ‌ని కామెంట్ చేసింది? ఎందుకు కామెంట్ చేసింది? అనే వివ‌రాల్లోకి వెళితే, నిన్న భీమ్లా నాయ‌క్ ప్రీ రిలీజ్ ఈవెంట్ జ‌రిగింది. అందులో ప‌వ‌న్ క‌ళ్యాణ్ ఎవ‌రిపైనా విమ‌ర్శ‌లు చేయ‌కుండా చాలా జెంటిల్‌గా మాట్లాడారు. దీనిపై ఆర్జీవీ ట్విట్ట‌ర్ సాక్షిగా రియాక్ట్ అయ్యారు. తాను చూసిన బెస్ట్ స్పీచెస్‌లో ప‌వ‌న్ క‌ళ్యాణ్ మాట్లాడింది ఒక‌టని తెలియ‌జేస్తూ ఆర్జీవీ ఓ యూ ట్యూబ్ లింకును షేర్ చేశారు. అంత వ‌ర‌కు బాగానే ఉంది. అయితే ఆ త‌ర్వాత పూన‌మ్ కౌర్ రామ్ గోపాల్ వ‌ర్మ ట్వీట్‌కు రిప్లై ఇస్తూ.. ‘‘ఒక ద‌ర్శ‌కుడు ఆయ‌న వ్య‌క్తిగ‌త జీవితాన్ని కామెంట్ చేస్తారు. మూల‌గా, సైలెంట్‌గా ఉండిపోతారు. మ‌రో ద‌ర్శ‌కుడు ఆయ‌న్ని రాజ‌కీయంగా నాశ‌నం చేయ‌డానికి సిద్ధంగా ఉంటాడు. ట్విట్ట‌ర్‌లో న‌వ్వుతుంటాడు. ఇద్ద‌రూ డ‌బ్బులిచ్చి బాడుగ‌కు తెచ్చుకోబ‌డిన ఏజెంట్లే. వారు మ‌హిళ‌ల‌ను ఆయుధాలుగా వాడుకుంటారు’’ అని తెలిపారు. పూన‌మ్ ఇలా రామ్ గోపాల్ ట్వీట్‌ను షేర్ చేస్తూ కామెంట్ చేయ‌డం ఓ ర‌కంగా చాలా మందికి షాకింగ్‌గా అనిపించింది. పూన‌మ్ పంచ్ ఇచ్చిన వారిలో ఓ డైరెక్ట‌ర్ రామ్ గోపాల్ వ‌ర్మ అయితే, మ‌రో ద‌ర్శ‌కుడు ఎవ‌ర‌నేది ఓ ప్ర‌శ్న‌గానే ఆమె వ‌దిలేసింది. మ‌రి దీనిపై ఆర్జీవీ ఏమైనా రియాక్ట్ అవుతాడా? లేక సైలెంట్‌గా ఉండిపోతాడా? అని చూడాలి.

from Telugu Movie News | Movie News in Telugu | Movie Gossips in Telugu https://ift.tt/RbtV0ix
v