‘తగ్గేదే లే’ అంటున్న జక్కన్న.. RRR ప్రమోషన్స్‌‌కి కొత్త ప్లాన్ సిద్ధం చేసిన రాజమౌళి

ఎంటైర్ ఇండియా ఆస‌క్తిగా ఎదురు చూసే పాన్ ఇండియా చిత్రాల్లో RRR ఒక‌టి. టాలీవుడ్ టాప్ స్టార్స్ అయిన యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ హీరోలుగా ద‌ర్శ‌క ధీరుడు రాజ‌మౌళి తెర‌కెక్కించిన చిత్రమిది. ఈ సినిమాను ఈ ఏడాది సంక్రాంతి సందర్భంగా జ‌న‌వ‌రి 7న విడుద‌ల చేయాల‌ని ప్లాన్ చేసుకున్నారు. దానికి త‌గ్గ‌ట్టు పాన్ ఇండియా రేంజ్‌లో ప్ర‌ధాన న‌గరాల‌కు వెళ్లి RRR సినిమాను ప్ర‌మోట్ చేసుకుంటూ వ‌చ్చారు. తీరా సినిమా రిలీజ్‌కు ఐదు రోజులు ఉంద‌న‌గా.. క‌రోనా థ‌ర్డ్ వేవ ప్ర‌భావంతో సినిమా రిలీజ్‌ను వాయిదా వేయాల్సి వ‌చ్చింది. ఫ్యాన్స్ స‌హా అంద‌రికీ నిరాశ క‌లిగినా త‌ప్ప‌లేదు. క‌రోనా థ‌ర్డ్ వేవ్ పరిస్థితులు చ‌క్క‌బ‌డిన త‌ర్వాత మార్చి 25న ప్ర‌పంచ వ్యాప్తంగా RRRను విడుద‌ల చేయడానికి రెడీ అయ్యారు. మ‌రి ఇది వ‌ర‌కు దాదాపు ఇర‌వై కోట్ల రూపాయ‌ల‌కు పైగానే ప్ర‌మోష‌న్స్‌కు జ‌క్క‌న్న అండ్ టీమ్ ఖ‌ర్చు పెట్టారు. RRR రిలీజ్ కాక‌పోవ‌డంతో ఆ డ‌బ్బుల‌న్నీ వృథా అయ్యాయి. ఇప్పుడు సినిమా రిలీజ్ అవుతుంది. పోనీ వ‌దిలేద్దామా అంటే సినిమా ప్ర‌మోష‌న్స్ చేసి రెండు నెల‌లు దాటేస్తుంది కాబ‌ట్టి.. ప్ర‌మోష‌న్స్ చేసుకుంటే కానీ.. సినిమాకు మ‌ళ్లీ హైప్ క్రియేట్ చేయ‌లేరు. ఆ కార‌ణంతో ఎన్టీఆర్‌, చ‌ర‌ణ్‌, రామ్ చ‌ర‌ణ్ ఇప్ప‌టికే RRR ప్ర‌మోష‌న్స్ ప‌రంగా డిస్క‌ష‌న్స్ చేసుకున్నార‌ట‌. మార్చి 1 నుంచి మ‌ళ్లీ సినిమా ప‌బ్లిసిటీని స్టార్ట్ చేయాల‌నుకుంటున్నార‌ట‌. దీనికి సంబంధించిన ప్లానింగ్ కూడా త్వ‌ర‌లోనే రెడీ కానుంద‌ట‌. RRR సినిమాలో గోండు వీరుడు కొమురం భీమ్‌గా యంగ్ టైగ‌ర్ ఎన్టీఆర్‌.. మ‌న్యం వీరుడు అల్లూరి సీతా రామ‌రాజుగా మెగా ప‌వ‌ర్ స్టార్ రామ్ చ‌ర‌ణ్ క‌నిపించ‌బోతున్నారు. చ‌రిత్ర‌లో ఎప్పుడూ క‌లుసుకోని ఇద్ద‌రు యోధులు క‌లుసుకుని బ్రిటీష్ వారిని ఎదిరిస్తే ఎలా ఉంటుంద‌నేదే క‌థాంశం. 1920 నేప‌థ్యంలో సాగే పీరియాడిక్ డ్రామా ఇది. ఇందులో బాలీవుడ్ స్టార్స్ అజ‌య్ దేవ‌గ‌ణ్‌, ఆలియా భ‌ట్‌ల‌తో పాటు హాలీవుడ్ స్టార్స్ అలిసన్ డూడి, రే స్టీవెన్ స‌న్‌, ఒలివియా మోరిస్ న‌టించారు.

from Telugu Movie News | Movie News in Telugu | Movie Gossips in Telugu https://ift.tt/BZ5In9W
v