యు.ఎస్ బాక్సాఫీస్ ద‌గ్గ‌ర ‘భీమ్లా నాయ‌క్‌’ జోరు.. ప్రీమియ‌ర్స్ క‌లెక్ష‌న్స్‌లో సరికొత్త రికార్డ్ దిశ‌గా ప‌వ‌ర్ స్టార్‌!

ప‌వ‌ర్ స్టార్ ప‌వ‌న్ క‌ళ్యాణ్ టైటిల్ పాత్ర‌లో న‌టించిన చిత్రం ‘భీమ్లా నాయ‌క్‌’. రానా దగ్గుబాటి కూడా మరో హీరోగా నటించారు. ఈ చిత్రం ఫిబ్రవరి 25న రిలీజ్ అవుతుంది. పవర్ స్టార్ ఫ్యాన్స్ ఎంతో ఆతృత‌గా సినిమా కోసం ఎదురు చూస్తున్నారు. ఒక రోజు మాత్ర‌మే బ్యాలెన్స్ ఉంది. అన్ని చోట్ల ఆన్ లైన్ బుకింగ్స్ ఓపెన్ అయ్యాయి. టికెట్స్ హాటు కేకుల్లా అమ్ముడైపోతున్నాయి. తెలుగు రాష్ట్రాల్లోనే కాదు.. ఓవ‌ర్ సీస్ బాక్సాఫీస్ ద‌గ్గ‌ర కూడా భీమ్లా నాయ‌క్ జోరు చూపిస్తున్నాడు. ప్రీమియ‌ర్ వ‌సూళ్ల‌లో భీమ్లా నాయ‌క్ బాక్సాఫీస్‌ను షేక్ చేస్తుంది. సినీ స‌ర్కిల్స్‌లో వినిపిస్తోన్న స‌మాచారం మేర‌కు యు.ఎస్‌లో.. 325 లొకేషన్స్‌లో రిలీజ్ అవుతుంది. ఇన్ని లొకేష‌న్స్‌లో ఇప్ప‌టి వ‌ర‌కు 618000 డాల‌ర్స్‌ను రాబ‌ట్టుకుంది. అంటే ప్రీమిర్స్ ద్వారానే నాలుగు కోట్ల‌కు పైగానే ఇప్ప‌టికే భీమ్లా నాయ‌క్ రాబ్ట‌టేశాడు. వ‌న్ మిలియ‌న్ దిశ‌గా అడుగులేస్తున్నాడు. క‌రోనా మూడు వేవ్స్ దెబ్బ‌కు తెలుగు సినిమాల ఓవ‌ర్ సీస్ మార్కెట్ బాగానే దెబ్బ‌తింది. అఖండ‌, పుష్ప సినిమాలు బాగానే అక్క‌డి ప్రేక్ష‌కుల‌ను ఆక‌ట్టుకున్నాయి. అయితే అవి రిలీజ్ త‌ర్వాత‌నే మంచి వ‌సూళ్ల‌ను సాధించాయి. కానీ భీమ్లా నాయ‌క్ విష‌యం పూర్తిగా వేరుగా క‌నిపిస్తోంది. సినిమా రిలీజ్‌కు ముందు ప్రీమియ‌ర్స్‌కు ఈరేంజ్ క‌లెక్ష‌న్స్ రావ‌డం ప‌వ‌ర్ స్టార్ స్టామినాకు నిద‌ర్శ‌న‌మ‌ని అంటున్నారు. క‌రోనా త‌ర్వాత బాలీవుడ్ స‌హా మ‌రే సినిమాకు ఈ రేంజ్ కలెక్ష‌న్స్ యు.ఎస్‌లో రాలేదు మ‌రి. మ‌రి భీమ్లా నాయ‌క్ వ‌న్ మ‌లియ‌న్ మార్క్‌ను చేరుకుటాడో లేదో తెలియాలంటే మ‌రికొన్ని గంట‌లు ఆగాల్సిందే. మ‌ల‌యాళ చిత్రం అయ్య‌ప్ప‌నుమ్ కోశియ‌మ్ సినిమాకు ఇది రీమేక్‌. ప‌వ‌న్ క‌ళ్యాణ్ ఇందులో పోలీస్ ఆఫీస‌ర్‌గా క‌నిపిస్తే.. రాజ‌కీయాల్లో ఎద‌గాల‌నుకునే వ్య‌క్తిగా రానా క‌నిపించ‌బోతున్నారు. సితార ఎంట‌ర్‌టైన్మెంట్స్ బ్యాన‌ర్‌పై సూర్య‌దేవ‌ర నాగ‌వంశీ ఈ చిత్రాన్న నిర్మించారు. సాగ‌ర్ కె.చంద్ర ద‌ర్శ‌కుడు. త్రివిక్ర‌మ్ ఈ చిత్రానికి మాట‌లు, స్క్రీన్‌ప్లే అందించ‌డంతో పాటు ఓ పాట కూడా రాయ‌డం విశేషం.

from Telugu Movie News | Movie News in Telugu | Movie Gossips in Telugu https://ift.tt/gb2Iwe7
v