83 Trailer: మైదానంలో ఎగిరిన భారత కీర్తిపతాకం.. భావోద్వేగ సన్నివేశాలతో వీడియో వైరల్

1983లో టీమిండియా సాధించిన విక్టరీ ఎన్నటికీ మరువలేనిది. ఎలాంటి అంచనాలు లేని జట్టును నాయకుడిగా ముందుకు నడిపించి విశ్వవిజేతగా అందలమెక్కించారు. టీమిండియాకు సారథ్యం వహించి ప్రపంచకప్‌ను ముద్దాడారు . అయితే ఆ సమయంలో జరిగిన సంఘటనలు, భారత దేశం విశ్వ విజేతగా నిలిచిన విధానాన్ని '83' సినిమాలో చూపించబోతున్నారు. తాజా ఈ సినిమా ట్రైలర్ రిలీజ్ చేసి క్రీడాభిమానుల దృష్టిని లాగేశారు మేకర్స్. ఇండియ‌న్ క్రికెట్ చ‌రిత్ర‌లో 1983 వ‌ర‌ల్డ్ క‌ప్‌ సువ‌ర్ణాక్ష‌రాల‌తో లిఖించ‌బడింది. దేశం గర్వించేలా ప్రపంచ కప్ సాధించి భారతదేశ కీర్తి పతాకాన్ని ఎల్లలు దాటించారు అప్పటి క్రికెట్ జట్టు కెప్టెన్ కపిల్ దేవ్. ఆ రోజుతో ఇండియా చిరకాల స్వప్నం సాకారమైంది. ఈ అపూర్వ ఘ‌ట్టాన్ని వెండితెర‌పై ఆవిష్క‌రిస్తూ `83` పేరుతో ఓ భారీ సినిమాకు శ్రీకారం చుట్టారు బాలీవుడ్ డైరెక్టర్ క‌బీర్‌ ఖాన్. చిత్రంలో కపిల్‌ దేవ్ పాత్రను పోషించారు. ఆయన సతీమణి పాత్రలో దీపికా పదుకొణె నటించింది. ఈ మూవీ నిర్మాణంలో నాగార్జున భాగం కావడం విశేషం. ఎప్పటినుంచో షూటింగ్ జరుపుకుంటూ కరోనా కారణంగా వాయిదా పడుతూ వచ్చిన ఈ పాన్ ఇండియా మూవీని ఎట్టకేలకు డిసెంబర్‌ 24వ తేదీన రిలీజ్ చేస్తున్నారు. ఈ నేపథ్యంలో ప్రమోషన్‌ కార్యక్రమాలను వేగవంతం చేసిన చిత్రయూనిట్.. తాజాగా చిత్ర ట్రైలర్‌ విడుదల చేసింది. ఈ వీడియోలో 23 ఏళ్ళ కపిల్ దేవ్ టీమిండియాని తన భుజాలపై వేసుకొని ఎలా విజయ తీరాలకు చేరాడు అనేదాన్ని చూపించారు. ఇంగ్లిష్‌ మాట్లాడటం రాక అప్పట్లో క్రికెటర్లు ఇబ్బంది పడడం, మీడియా, విదేశీ జట్లు హేళన చేయడం లాంటి సన్నివేశాలతో కట్ చేసిన ఈ ట్రైలర్ సినిమాపై హైప్ పెంచేసింది. హిందీతో పాటు తెలుగు, తమిళం, కన్నడ, మలయాళ భాషల్లో ఈ సినిమా రిలీజ్ కాబోతోంది.

from Telugu Movie News | Movie News in Telugu | Movie Gossips in Telugu https://ift.tt/3FUwFiI
v