Nagarjuna Akkineni: నాగార్జునకు అప్పుడు కలిసి రాలేదు.. మరి ఈసారైనా హిట్ వచ్చేనా?

ఒకానొక ద‌శ‌లో మ‌న టాలీవుడ్ హీరోలు సాధార‌ణంగా ఇమేజ్ చ‌ట్రంలో కూరుకుంటే, ఓ త‌ర‌హా మూస సినిమాలు చేస్తూ వ‌చ్చారు. అయితే ఇప్పుడు ట్రెండ్ మారింది. వైవిధ్య‌మైన సినిమాలు చేస్తూ వ‌స్తున్నారు. సీనియ‌ర్ హీరోలు కూడా డిఫ‌రెంట్ కాన్సెప్ట్ మూవీల‌కే ఓటేస్తున్నారు. కెరీర్ ప్రారంభం నుంచి విభిన్న‌మైన సినిమాలు చేస్తూ వ‌చ్చిన అగ్ర క‌థానాయ‌కుడు మ‌న్మ‌థుడు 2 సినిమాతో ఓ వైవిధ్య‌మైన ప్ర‌య‌త్నం చేశాడు. కానీ, ఆ ప్ర‌య‌త్నం స‌క్సెస్ కాలేదు.త‌ర్వాత వైల్డ్ డాగ్‌, ఘోస్ట్, బంగార్రాజు వంటి సినిమాలు చేశాడు. ఈ చిత్రాల త‌ర్వాత మ‌రోసారి ఫ్యామిలీ ప్రేక్ష‌కుల కోసం ఓ విభిన్న‌మైన సినిమాను చేయ‌బోతున్నారు నాగార్జున అక్కినేని. సినీ వ‌ర్గాల్లో వినిపిస్తోన్న స‌మాచారం మేర‌కు, మ‌ల‌యాళ చిత్రం గ్రేట్ ఇండియ‌న్ కిచెన్‌ను తెలుగులో రీమేక్ చేయాల‌ని నాగార్జున భావిస్తున్నార‌ట‌. సాధార‌ణంగా నాగార్జున రీమేక్‌ల‌కు పెద్ద‌గా ఆస‌క్తి చూపించ‌రు. కానీ, గ్రేట్ ఇండియ‌న్ కిచెన్ మూవీలోని ఎమోష‌న్స్ ఆయ‌న‌కు న‌చ్చ‌డంతో దాన్ని తెలుగు ప్రేక్ష‌కుల‌కు న‌చ్చేలా మార్పులు చేర్పులు చేసి రీమేక్ చేయాల‌నుకుంటున్నార‌ని టాక్. మ‌రి మ‌న్మ‌థుడు 2లో ఫ్యామిలీ ఆడియెన్స్‌ను ఆక‌ట్టుకునే ప్ర‌య‌త్నం బెడిసి కొట్టింది. మ‌రి గ్రేట్ ఇండియ‌న్ కిచెన్‌తో అయినా ఆ లోటును నాగార్జున పూర్తి చేసుకుంటారా? అని తెలియాలంటే కొన్నిరోజులు ఆగాల్సిందే. వైల్డ్ డాగ్ వంటి యాక్ష‌న్ మూవీ త‌ర్వాత ఘోస్ట్ అనే యాక్ష‌న్ మూవీలో రా ఆఫీస‌ర్‌గా న‌టిస్తోన్న నాగార్జున..ఇటీవలే సొగ్గాడే చిన్ని నాయ‌నా ప్రీ క్వెల్ మూవీ బంగార్రాజు షూటింగ్‌ను స్టార్ట్ చేశాడు. ఈ సినిమాల షూటింగుల‌తో బిజీగా ఉంటూనే మ‌రో వైపు తెలుగు రియాలిటీ షో బిగ్‌బాస్ సీజ‌న్ 5కు హోస్ట్‌గా వ్య‌వ‌హ‌రిస్తున్నాడు కింగ్ నాగార్జున‌.

from Telugu Movie News | Movie News in Telugu | Movie Gossips in Telugu https://ift.tt/2YWhvte
v