అక్కినేని నాగచైతన్యతో విడిపోయిన తర్వాత వ్యక్తిగత జీవితంలో వచ్చే ప్రశ్నలకు తనదైన రీతిలో సమాధానం చెబుతూనే ప్రొఫెషనల్ జీవితంలో వరుస అవకాశాలను అందిపుచ్చుకునే ప్రయత్నం చేస్తోంది సమంత. విజయ దశమి రోజున రెండు కొత్త ప్రాజెక్ట్స్ చేయబోతున్నట్లు అధికారిక ప్రకటన వెలువడిన సంగతి తెలిసిందే. అయితే ఇప్పుడు లేటెస్ట్ సమాచారం మేరకు మరో వెబ్ సిరీస్లోనూ నటించే అవకాశం ఉందని అందుకు సంబంధించిన చర్చలు జరుగుతున్నాయని టాక్ ఫిలిం నగర్ వర్గాల్లో చక్కర్లుకొడుతోంది. వివరాల్లోకెళ్తే.. తెలుగు ఓటీటీ మాధ్యమమైన ఆహా.. ఇప్పుడు ప్రేక్షకులకు ఎంటర్టైన్మెంట్ను అందించే ప్రయత్నంలో భాగంగా పలువురు స్టార్స్తో టాక్ షోస్, వెబ్ సిరీస్లను రూపొందిస్తోన్న సంగతి తెలిసిందే. ఆ క్రమంలో ఇప్పుడు సమంతతో ఓ వెబ్ సిరీస్ను రూపొందించడానికి చర్చలు జరుపుతున్నారట. త్వరలోనే ఈ విషయంపై ఓ క్లారిటీ రానుందంటున్నాయి సినీ వర్గాలు. ఇప్పటికే ఆహా ఓటీటీలో సామ్ జామ్ టాక్ షోతో సమంత ఆడియెన్స్ను అలరించిన సంగతి తెలిసిందే. మరీ సారి ఎలాంటి వెబ్ సిరీస్లో నటిస్తుందనే విషయంపై క్లారిటీ రావాలంటే కొన్నిరోజులు ఆగాల్సిందే. అయితే షూటింగ్ మాత్రం చెన్నైలో చేయాలని.. ఒకవేళ హైదరాబాద్లో చిత్రీకరణ చేస్తే ఇండోర్లోనే షూటింగ్ చేాయాలని కండీషన్స్ పెడుతుందట. అందుకు కారణం ఆమె నయనతారను ఫాలో కావడమే అంటున్నారు. ఎందుకంటే ప్రభుదేవాతో నయనతార బ్రేకప్ చేసుకున్నప్పుడు ఇలాంటి కండీషన్స్కు ఒప్పుకున్న నిర్మాతలకే సినిమాలు చేసింది. ఇప్పుడలాగే కూడా కండీషన్స్ పెట్టి సినిమాలకు ఓకే చేస్తుందని వార్తలు వినిపిస్తున్నాయి. రీసెంట్గా ఓ సినిమాను డ్రీమ్ వారియర్ పిక్చర్స్ సంస్థపై ఎస్.ఆర్. ప్రభు, ఎస్.ఆర్.ప్రకాశ్ నిర్మిస్తుంటే.. మరో సినిమాను శ్రీదేవి మూవీస్ బ్యానర్పై శివలెంక కృష్ణ ప్రసాద్ నిర్మిస్తున్నారు. దీంతో పాటు త్వరలోనే సమంత బాలీవుడ్ ఎంట్రీ ఇవ్వబోతున్నట్లు కూడా వార్తలు వినిపిస్తున్నాయి.
from Telugu Movie News | Movie News in Telugu | Movie Gossips in Telugu https://ift.tt/3lPl7Gv
v
No comments:
Post a Comment