Anasuya Bharadwaj: నీ అనుభవం ఇంత నీచమా? ... కోట శ్రీనివాసరావుపై అనసూయ ఫైర్

చ‌క్కగా మ‌స‌లుకుంటున్న న‌టీన‌టుల మ‌ధ్య రీసెంట్‌గా జ‌రిగిన మూవీ ఆర్టిస్ట్ అసోసియేష‌న్ ఎన్నిక‌లు పెద్ద చిచ్చు పెట్టింది. ఎన్నిక‌ల స‌మయంలో ఒక‌రిపై ఒక‌రు చేసుకున్న విమ‌ర్శ‌ల వేడి ఇంకా చ‌ల్లార‌డం లేదు. అప్పట్లో ఓ ప్రెస్‌మీట్‌లో అన‌సూయ ఎవ‌రో త‌న‌కు తెలియ‌ద‌ని కోట శ్రీనివాస‌రావు చెప్పిన సంగ‌తి తెలిసిందే. అలాగే రీసెంట్ ఇంట‌ర్వ్యూలో ఆయ‌న అన‌సూయ భ‌రద్వాజ్ డ్రెస్సింగ్ గురించి మాట్లాడారు. ఆవిడ మంచి న‌టి అని, చ‌క్క‌గా హావ‌భావాలు ప‌లికిస్తార‌ని, చ‌క్క‌గా డాన్సులు చేస్తార‌ని చెప్పిన కోట‌.. ఆవిడ వేసుకునే డ్రెస్సులు త‌న‌కు న‌చ్చ‌వ‌ని అన్నారు. ఈ విష‌యంపై అన‌సూయ భ‌రద్వాజ్ స్పందించారు. కోట శ్రీనివాస‌రావు పేరుని ప్ర‌స్తావించ‌కుండా ఆయ‌న తీరుని ట్విట్ట‌ర్ వేదిక‌గా విమ‌ర్శించారు. ‘‘రీసెంట్‌గా ఓ సీనియ‌ర్ యాక్ట‌ర్ నాపై కొన్ని కామెంట్స్ చేశార‌ని తెలిసింది. ఆయ‌న నా వ‌స్త్ర‌ధార‌ణ గురించి మాట్లాడారు. అలాంటి అనుభ‌వ‌మున్న వ్య‌క్తి అలా నీచంగా మాట్లాడ‌టం అనేది నాకు చాలా దుఃఖాన్ని క‌లిగించింది. ఒక‌రు ధ‌రించే దుస్తులు వారి వ్య‌క్తిగ‌తం, అలా వృత్తిప‌ర‌మైన ప‌రిస్థితుల‌ను అనుస‌రించి కూడా అలా చేయ‌వ‌చ్చు. అది వారి స్వ‌విష‌యం. కానీ సోష‌ల్ మీడియా అలాంటి వార్త‌ల‌ను ప్ర‌చారం చేస్తుంది. అలాంటి సీనియ‌ర్ న‌టుడు మందు తాగుతూ, అధ్వాన‌మైన దుస్తుల‌ను ధ‌రించి ఎలా పేరు తెచ్చుకున్నాడో అర్థం కాలేదు. ఆయ‌న వెండితెర‌పై స్త్రీల‌ను కించ‌ప‌రిచిన స‌న్నివేశాలు కూడా ఎన్నో ఉన్నాయి. కానీ అలాంటి వార్త‌ల‌ను సోష‌ల్ మీడియా ఎందుకు ప‌ట్టించుకోలేద‌నేది ఆశ్చ‌ర్య‌క‌రంగా అనిపిస్తుంది. ఇలాంటి తార‌ల‌ను ఎవ‌రూ ఎందుకు ప్ర‌శ్నించ‌రు? ఎవ‌రైతే పెళ్లి చేసుకున్నారో, పిల్ల‌ల‌ను క‌లిగి ఉన్నారో, సిల్వ‌ర్ స్క్రీన్‌పై న‌టీమ‌ణుల‌తో రొమాన్స్ చేస్తున్నారో, ష‌ర్టులు వేసుకోండా త‌న దేహాన్ని చూపించే తార‌ల‌నెందుకు ప్ర‌శ్నించ‌రు. నేనొక పెళ్లైన మ‌హిళ‌ను.. ఇద్ద‌ర పిల్ల‌ల త‌ల్లిని.. నా వృత్తిలో విజ‌యాన్ని సాధించ‌డానికి ఎంతో క‌ష్ట‌ప‌డుతున్నాను. అయితే మీరు మీ అభిప్రాయాల‌ను ప్ర‌జ‌ల‌కు చెప్ప‌డం కంటే మిమ్మ‌ల్ని మీరు సంస్క‌రించుకోవ‌డానికి ప్ర‌య‌త్నించాలి’’ అని ట్వీట్ చేసింది అనసూయ. మరి దీనిపై ఏమైనా స్పందిస్తారేమో చూడాలి.

from Telugu Movie News | Movie News in Telugu | Movie Gossips in Telugu https://ift.tt/3vkVjFg
v