రిపబ్లిక్ ప్రీ రిలీజ్ ఈవెంట్‌లో చేసిన వ్యాఖ్యలు ఎంతటి దుమారాన్ని రేపాయో అందరికీ తెలిసిందే. ఇక ఆ ప్రసంగంలో కులాన్ని కూడా ఎత్తి చూపాడు పవన్ కళ్యాణ్. దిల్ రాజు రెడ్డి అంటూ పదే పదే అన్నాడు. పవన్ కళ్యాణ్ స్పీచ్ కొనసాగుతున్న సమయంలో దిల్ రాజు కొన్ని సార్లు పగలబడి నవ్వేశాడు. ఇంకొన్ని సార్లు ముభావంగా ఉన్నాడు. అయితే దిల్ రాజు పరిస్థితిపై ఆ తరువాత మంత్రి కౌంటర్లు కూడా వేశాడు. కక్క లేక మింగ లేక ఉన్నట్టుందని దిల్ రాజు మీద నాని సెటైర్లు వేశాడు. అయితే తాజాగా మంత్రి పేర్ని నానితో ఇండస్ట్రీ నిర్మాతలు భేటీ అయ్యారు. డీవీవీ దానయ్య, మైత్రి నవీన్, దిల్ రాజు వంటి వారు మంత్రితో చర్చించారు. అనంతరం మీడియాతో దిల్ రాజు మాట్లాడుతూ.. ‘వకీల్ సాబ్ సినిమా సమయంలోనే జీవోలు రావడం, వాటిపై మిస్ కమ్యూనికేషన్స్ జరిగాయి. అయితే సినిమా అనేది చాలా సున్నితం.. దాని వల్ల ఇబ్బంది పడేది నిర్మాతలు, డిస్ట్రిబ్యూటర్లు, థియేటర్లు. ఆ ప్రభావం అంతా కూడా మా మీదే పడుతుంది. సినిమా పరిశ్రమను కాంట్రవర్సీగా తీసుకెళ్లకండి. మా సమస్యలు పరిష్కరిస్తేనే ఇండస్ట్రీ బాగుంటుంది. రెండు రాష్ట్ర ప్రభుత్వాలు మమ్మల్ని సున్నితంగా చూస్తూ మా సమస్యలు పరిష్కరిస్తున్నారు. గత నెలలో సమావేశం జరిగినప్పుడు ఆన్ లైన్ టిక్కెట్లు, వంద శాతం ఆక్యుపెన్సీ వంటి వాటిని మాట్లాడాం. ఏపీ ప్రభుత్వం అన్నింటిపై సానుకూలంగా స్పందించింది. ఆ విషయాన్ని మేం ఇండస్ట్రీలో సరిగ్గా చెప్పలేకపోయాం. దాని వల్ల రకరకాల ఇన్సిడెంట్‌లు జరుగుతున్నాయి. వాటిని మనం చూస్తున్నాం. ఆ ఘటనల తరువాత అందుకే మంత్రి గారిని కలిసేందుకు వచ్చాం. కరోనా వల్ల నిర్మాతల, ఎగ్జిబిటర్లు పడ్డ బాధలను మంత్రి గారికి విన్నవించుకున్నాం. వాటిని ముఖ్యమంత్రి గారి వద్దకు తీసుకెళ్లమని కోరాం. ఇదే జరిగింది. దీన్ని కాంట్రవర్సీ చేయకండి.. రాజకీయాలు వేరు. సినిమాలు వేరు. ప్రభుత్వాలు మాకు ఎప్పుడూ సానుకూలంగా ఉంటాయి. రాజకీయాల వల్ల సినిమాకు ఏ రకంగా డ్యామేజ్ జరగకుండా చూడాల్సిన బాధ్యత మీడియా మీద కూడా ఉంది. మా ఇండస్ట్రీ తరుపున మీకు ఇది మా రిక్వెస్ట్’ అని అన్నాడు.
from Telugu Movie News | Movie News in Telugu | Movie Gossips in Telugu https://ift.tt/3ihaoma
v
No comments:
Post a Comment