పోసాని రాసలీలలు..! నువ్వు పెద్ద మోసగాడివి.. బండ బూతులు తిడుతూ టాలీవుడ్ నిర్మాత సంచలన కామెంట్స్

పోసాని Vs ఇష్యూ చిలికి చిలికి గాలి వానలా తయారైంది. ఎప్పుడైతే 'రిపబ్లిక్' ఈవెంట్‌లో ఆంధ్రప్రదేశ్ గవర్నమెంట్‌పై జనసేనాని పవన్ కళ్యాణ్ కామెంట్స్ చేశారో అప్పటినుంచి వాదోపవాదాలు నడుస్తున్నాయి. మధ్యలో పోసాని ఎంటరై పవన్ కళ్యాణ్‌పై సంచలన వ్యాఖ్యలు చేస్తూ విరుచుకుపడటంతో ఇష్యూ పెద్దదైంది. దీనిపై పలువురు సినీ ప్రముఖులు బాహాటంగా రియాక్ట్ అవుతున్నారు. ఓ వైపు జనసేన కార్యకర్తలు, మరోవైపు పవన్ కళ్యాణ్ ఫ్యాన్స్ పోసాని మాట్లాడిన తీరుపై ధ్వజమెత్తుతున్నారు. ఈ నేపథ్యంలోనే తాజాగా పోసానితో సినిమా చేసిన ఓ నిర్మాత ఆయనను బండ బూతులు తిడుతూ సంచలన ఆరోపణలు చేశారు. అప్పట్లో నటించిన ''మెంటల్ కృష్ణ, రాజవారి చేపల చెరువు'' సినిమాలకు డిస్ట్రిబ్యూషన్ చేసి ఆ తర్వాత ఆయనతో 2010లో 'పోసాని జెంటిల్మెన్' అనే సినిమాను నిర్మించిన తాజాగా ఓ వీడియో ద్వారా మీడియా ముందుకొచ్చి రెచ్చిపోయారు. పోసానిపై మాటల్లో చెప్పలేని పదజాలం వాడుతూ పవన్ కళ్యాణ్‌కి మద్దతు పలికారు. పోసాని జెంటిల్మన్ సినిమా సమయంలో తనను దారుణంగా మోసం చేశాడంటూ ఓపెన్ అయ్యారు. మంచి సినిమా చేస్తానని చెప్పి డీ- గ్రేడ్ సినిమా తీసి నా చేతిలో పెట్టావు. నీలాంటి వాడిని నమ్మడమే నేను చేసిన తప్పు అంటూ ఫైర్ అయ్యారు. ''నువ్వా మాట్లాడేది.. నాలాంటోళ్ళ దగ్గర ఎంత మంది దగ్గర డబ్బులు దొబ్బావో చెప్పాలా? పోసాని జంటిల్మన్ సినిమా షూటింగులో ఎంత మంది అమ్మాయిలతో రాసలీలలు నడిపావో బయట పెట్టాలా? నా కళ్ల ముందు చేసిన పనుల లిస్ట్ చెప్పనా? నువ్వు చేస్తే సంసారం.. ఎదుటోడు చేస్తే వ్యభిచారమా? ఒకప్పుడు నాకు ఏమీ తెలియని సమయంలో నీ దగ్గరకొచ్చి మోసపోయిన ప్రొడ్యూసర్‌ని నేను. నీవు నిర్మాతల గురించి, పవన్ కళ్యాణ్ వ్యక్తిత్వం గురించి మాట్లాడుతావా? ఇంకోసారి పవన్ కళ్యాణ్ గారి గురించి మాట్లాడితే పిచ్చి పిచ్చిగా కొడతా. పవన్ కళ్యాణ్ రెమ్యునరేషన్ గురించి నువ్వు ప్రశ్నిస్తావా? ఆయన తీసుకునే రెమ్యునరేషన్‌కి పక్కాగా ట్యాక్స్ కడుతున్నారు. నీకు దమ్ముంటే నాతో డిబేట్‌కి రా. నువ్వు చేసిన ప్రతి పనిని ఆధారాలతో సహా బయటపెడతా'' అంటూ విరుచుకుపడిన నల్లం శ్రీనివాస్ పోసానిపై తీవ్ర స్థాయిలో ధ్వజమెత్తారు. ప్రస్తుతం ఆయన చేసిన ఈ కామెంట్స్ నెట్టింట దుమారం రేపుతున్నాయి.

from Telugu Movie News | Movie News in Telugu | Movie Gossips in Telugu https://ift.tt/3F3fJHh
v