పార్టీ విస్తృత స్థాయి సమావేశంలో జనసేనాని కీలక వ్యాఖ్యలు చేశారు.. ఇప్పటి వరకూ సోషల్ యాక్టివిస్ట్‌గానే ఉన్నానని.. ఇప్పటి నుంచి రాజకీయాలు మొదలుపెడతానంటూ వైసీపీ నాయకులకు సవాల్ చేశారు. నా ఇంటి నుంచి మీ ఇంటికి ఎంత దూరమో.. మీ ఇంటి నుంచి నా ఇంటికి అంతే దూరం అనే విషయాన్ని వైసీపీ నాయకులు గుర్తించుకోవాలన్నారు. ఈ సందర్భంలో వైసీపీ పార్టీ నాయకులు తనపై చేస్తున్న వ్యాఖ్యల్ని తిప్పికొడుతూ తనదైన శైలిలో ప్రసంగించారు పవన్ కళ్యాణ్. ఆయన మాట్లాడుతూ.. వైసీపీ ప్రభుత్వం కమ్మవారి సమాజాన్ని దాడి చేసుకుంటూ వెళ్లిపోతే ప్రతి ఒక్కరూ ఏదో ఒక కులానికి చెందాలి కదా.. మాకు వేరే ఛాయిస్ లేదు. కాశ్మీర్ పండింట్‌లను తరిమేసినట్టుగా.. ఒక జాతిని ఆంధ్రప్రదేశ్ నుంచి తరిమేస్తానంటే తప్పు కదా.. అలా చేయకూడదు.. మానవత్వం కాదు. ఇలాంటి దాడులు, బాధితులకు అండగా ఉంటానని మాట ఇస్తున్నా. వైసీపీ పార్టీకి వాళ్లు నన్ను యుద్దానికి రమ్మని పిలిచారు.. నేను అడగలేదు.. మీరే కవ్వించారు.. మీరే పిలిచారు.. మీరే మా వాళ్లని కొట్టారు.. మా ఆడ బిడ్డల ఒంటిపై చేయి వేశారు.. అక్రమ కేసులు పెట్టారు. ఎస్‌సి ఎస్టీ అబ్రాసిటీ కేసులు పెట్టిస్తున్నారు. మీలాంటి వాళ్లని ఆంధ్రప్రదేశ్ నుంచి తరిమేయాల్సిన సమయం ఆసన్నమైంది. వైసీపీ నాయకత్వానికి సవాల్ విసురుతున్నా.. రండి.. మీరు నా గురించి ఏం మాట్లాడతారో మాట్లాడండి.. ఏం చేస్తారో చేయండి.. ఛాలెంజ్ విసురుతున్నా మీకు ఏం చేస్తారో చేయండి... దమ్ముతో మాట్లాడుతున్నా.. సినిమాలు ఆపుతారా నావి.. ఆపుకోండి.. అంటూ తలపై వెంట్రుకను లాగి చూపించారు పవన్ కళ్యాణ్. ‘దమ్ముంటే నా సినిమాలు ఆపుకోండి.. మిమ్మల్ని వదలను.. భవిష్యత్‌లో ఉంటుంది.. యుద్దానికి మీరు పిలిచారు. నేను కవ్వించలేదు.. కాకినాడలో మీ ఎమ్మెల్యే మా ఆడబిడ్డలపై దాడి చేశాడు.. మేం అడగలేదు.. నన్ను పచ్చి బూతులు తిడితే తిరిగి మా వాళ్లనే లాక్కెళ్లి జైలు‌లో వేశారు. ఇలాంటి అన్యాయాలు ఒక్కటి కాదు.. రాష్ట్ర వ్యాప్తంగా ఇబ్బందులుపెడుతున్నారు. గిద్దలూరులో మా కార్యకర్త ఆత్మహత్య చేసుకునేట్టే చేశారు.. నేను మరిచిపోను. మిమ్మల్ని ఎలా ఎదుర్కోవాలో.. లొంగదీసి కింద కూర్చోబెట్టాలో మాకు తెలుసు. యుద్దం సైజ్‌ ఎలా కావాలో కోరుకోండమ్మా.. ఎలా కావాలి యుద్దం.. ఛాయిస్ ఈజ్ యువర్స్.. జనసేనాని మీరు ఇది గుర్తుపెట్టుకోండి’ అని హెచ్చరించారు పవన్ కళ్యాణ్.
from Telugu Movie News | Movie News in Telugu | Movie Gossips in Telugu https://ift.tt/39KoszT
v
No comments:
Post a Comment