హిట్, ఫ్లాప్లతో సంబంధం లేకుండా వరుస సినిమాలు చేస్తున్నారు మ్యాచో స్టార్ గోపీచంద్. నచ్చిన కథకు ఓకే చెప్పేసి రంగంలోకి దూకుతున్న ఆయన.. ఇప్పుడు ‘సీటీమార్’ సినిమాతో అదృష్టం పరీక్షించుకోబోతున్నారు. కబడ్డీ నేపథ్యంలో రాబోతున్న ఈ సినిమాలో జోడీగా మిల్కీ బ్యూటీ నటిస్తోంది. తాజాగా ఈ చిత్ర రిలీజ్ డేట్ ప్రకటించారు మేకర్స్. ''గైస్ గెట్ రెడీ.. '' రిలీజ్ డేట్ ఇదే'' అంటూ సెప్టెంబర్ 3న ఈ సినిమాను థియేటర్లలో విడుదల చేస్తున్నట్లు తెలిపారు. నిజానికి ఏప్రిల్ 2న థియేటర్లలో విడుదల కావాల్సిన ఈ మూవీ కరోనా సెకండ్ వేవ్ కారణంగా వాయిదా పడింది. క్రమంగా పరిస్థితులు చక్కబడి థియేటర్స్ ఓపెన్ కావడంతో ఎట్టకేలకు ఈ సినిమా రిలీజ్ డేట్ అనౌన్స్ చేశారు. గోపీచంద్ కెరీర్లో చెప్పుకోదగ్గ సినిమాగా ఉండాలని ఈ మూవీపై చిత్రయూనిట్ మొత్తం స్పెషల్ కేర్ తీసుకున్నారని తెలుస్తుండటం సినిమాపై హైప్ పెంచేసింది. శ్రీనివాసా సిల్వర్ స్క్రీన్ పతాకంపై ప్రొడక్షన్ నెం.3గా హై బడ్జెట్, అత్యున్నత సాంకేతిక విలువలు జోడించి ఈ 'సీటీమార్' మూవీ రూపొందించారు నిర్మాత శ్రీనివాసా చిట్టూరి. సంపత్ నంది దర్శకత్వం వహించారు. దిగంగన సూర్యవన్షీ, భూమిక, తరుణ్ అరోరా, వెన్నెల కిషోర్ కీలక పాత్రల్లో నటించారు. 'కబడ్డీ, మైదానంలో ఆడితే ఆట.. బయట ఆడితే వేట' అంటూ గతంలో ఈ మూవీ టీజర్తో అందరి దృష్టిని ఆకర్షించారు గోపీచంద్. 'గౌతమ్ నంద' సినిమా తర్వాత గోపీచంద్, సంపత్ నంది కాంబినేషన్లో వస్తున్న సినిమా కావడంతో ఈ సినిమాపై అంచనాలు నెలకొన్నాయి.
from Telugu Movie News | Movie News in Telugu | Movie Gossips in Telugu https://ift.tt/3guL9f3
v
No comments:
Post a Comment