ఆయన బౌలింగ్కే కాదు.. బౌలింగ్ యాక్షన్కి కూడా చాలా మంది ఫ్యాన్స్ ఉన్నారు. క్రికెట్లో స్పిన్ బౌలింగ్ చేయాలనుకొనే చాలా మంది కూడా ఆయన బౌలింగ్ యాక్షన్ని అనుకరించి ఉంటారు. ఆయనే భారత స్పిన్ బౌలర్ హర్భజన్ సింగ్. ఎన్నో మ్యాచుల్లో తన అద్భుతమైన బౌలింగ్తో భారత్కు విజయాలను అందించారు ఆయన. అంతర్జాతీయ క్రికెట్కి దూరంగా ఉంటున్న ఆయన కేవలం ఐపీఎల్ మ్యాచులు మాత్రమే ఆడుతున్నారు. అయితే ఇప్పుడు సినిమాల్లోకి ఎంట్రీ ఇచ్చేందుకు రెడీ అయ్యారు భజ్జీ హర్భజన్ సింగ్, యాక్షన్ కింగ్ హీరోలుగా నటించిన చిత్రం ‘ఫ్రెండ్ షిప్’. జాన్ పాల్ రాజ్, శామ్ సూర్య దర్శకత్వం వహించారు. తెలుగు, తమిళ, హిందీ, కన్నడ, మలయాళ భాషల్లో ఏకకాలంలో ఈ సినిమాని విడుదల చేస్తున్నారు. ఈ చిత్రాన్నితెలుగులో శ్రీ లక్ష్మి జ్యోతి క్రియేషన్స్ బ్యానర్పై రిలీజ్ చేయనున్నారు. ఈ సందర్భంగా నిర్మాత ఎ.ఎన్ బాలాజీ మాట్లాడుతూ ‘సెకండ్ వేవ్ తర్వాత తెలుగు ప్రేక్షకులు సినిమాలను ఎంతో గొప్పగా ఆదరిస్తున్నారు. అందుకు మా ‘ఒరేయ్ బామ్మర్ది’ సినిమానే ఉదాహరణగా చెప్పుకోవచ్చు. ‘’ సినిమాని కూడా అలాగే ఆదరిస్తారని అనుకుంటున్నాను’ అని అన్నారు. ఇక మలయాళంలో సూపర్హిట్గా నిలిచిన ‘క్వీన్’ అనే సినిమా ఆధారంగా ఈ సినిమాని రూపొందించారని తెలిపారు. ఈ సినిమాలో హర్భజన్, అర్జున్లు పోటాపోటీగా నటించారని.. సినిమాలో ఐదు ఫైట్స్, నాలుగు పాటలు ఉంటాయి అని ఆయన తెలిపారు. రాజకీయాలకు, కాలేజ్ స్టూడెంట్స్ మధ్య ఏం జరిగిందనే విషయాన్ని ఆసక్తికరంగా, కమర్షియల్ అంశాలతో దర్శకుడు తెరకెక్కించారని పేర్కొన్నారు. ప్రస్తుతం ఈ సినిమా సెన్సార్ దశలో ఉంది అని.. త్వరలోనే అన్ని వ్యవహారాలు పూర్తి చేసుకొని.. సెప్టెంబర్లో విడుదల అవుతుంది అని ఆయన స్పష్టం చేశారు.
from Telugu Movie News | Movie News in Telugu | Movie Gossips in Telugu https://ift.tt/2Wh1DQI
v
No comments:
Post a Comment