ఏ ఒక్కరికీ పరిచయం అక్కర్లేని పేరు వంటలక్క. ఆమె నిజమైన పేరు అయినా 'వంటలక్క'గా ఫుల్ పాపులర్ అయింది ఈ మలయాళీ నటి. బుల్లితెరపై ప్రసారమవుతున్న కార్తీకదీపం సీరియల్లో క్యారెక్టర్ చేస్తూ తెలుగు ప్రేక్షకులను ఫిదా చేసింది. ప్రతి రోజు అందరి ఇంటి మనిషిగా ప్రేక్షకులను పలకరించిన ఆమె.. ఇకపై థియేటర్స్లో హవా నడిపించనుంది. అదేనండీ.. వంటలక్కకు టాలీవుడ్ నుంచి ఓ క్రేజీ ఆఫర్ వచ్చిందట. కోలీవుడ్ డైరెక్టర్ లింగుస్వామి దర్శకత్వంలో ఎనర్జిటిక్ స్టార్ హీరోగా రూపొందుతున్న కొత్త సినిమాలో వంటలక్కను ఓ కీలక పాత్ర కోసం తీసుకున్నట్లు టాక్ నడుస్తోంది. ఇందుకు గాను వంటలక్కతో చర్చలు జరపగా ఆమె రెడీ అనేసిందని అంటున్నారు. ఇటీవల తన సోషల్ మీడియా అకౌంట్లో దర్శకుడు లింగుస్వామితో పాటు నిర్మాత శ్రీనివాస చిట్టూరి ఫొటోలను షేర్ చేయడంతో రామ్ సినిమాలో వంటలక్క నటించబోతోందనే వార్తలకు బలం చేకూరింది. తాను సినిమాల్లో నటిస్తున్నట్లు గతంలోనే ఓ ఇంటర్వ్యూలో ప్రేమి విశ్వనాథ్ చెప్పడం, రీసెంట్గా లింగుస్వామితో ఆమె మీట్ కావడంతో జనాల్లో చర్చలు ముదిరాయి. రామ్ కెరీర్లో 19వ సినిమాగా ‘రాపో 19’ అనే వర్కింగ్ టైటిల్తో ఈ సినిమా తెరకెక్కిస్తున్నారు. ఇస్మార్ట్ శంకర్ సినిమాతో తన మార్కెట్ పెంచుకున్న రామ్ అదే ఎనర్జీతో ఈ సినిమాలో నటిస్తున్నారు. జూలై 12వ తేదీ నుంచి ఈ మూవీ రెగ్యులర్ షూటింగ్ స్టార్ట్ చేశారు. ఎస్ఎస్ స్క్రీన్స్ బ్యానర్పై శ్రీనివాస చిట్టూరీ ఈ సినిమాని నిర్మిస్తున్నారు. దేవి శ్రీ ప్రసాద్ సంగీతం అందిస్తున్నారు. సో.. నిజంగానే ఇందులో వంటలక్క కూడా భాగమైతే మాత్రం సినిమాకు భారీ డిమాండ్ చేకూరినట్లే!.
from Telugu Movie News | Movie News in Telugu | Movie Gossips in Telugu https://ift.tt/3AXn49u
v
No comments:
Post a Comment