వాళ్ల మాటలే నాలో ఆసక్తిని పెంచాయి.. వెంకటేష్ కూతురు ఆసక్తికర వ్యాఖ్యలు

తెలుగు ఇండస్ట్రీలో పాపులర్ ఫ్యామిలీలలో దగ్గుబాటి ఫ్యామిలీ ఒకటి. రామానాయుడు.. దగ్గరి నుంచి ఇప్పటికి వచ్చిన రానా వరకూ ఇండస్ట్రీలో మంచి గుర్తింపు సంపాదించుకున్నారు. ఇక గురించి అయితే ప్రత్యేకంగా చెప్పాల్సిన అవసరం లేదు. ఎన్నో సంవత్సరాలుగా సినిమాల్లో ప్రేక్షకులను అలరిస్తున్న ఆయన.. త్వరలో ‘నారప్ప’గా ప్రేక్షకుల ముందుకు రానున్నారు. అయితే స్టార్ హీరోల కుటుంబం నుంచి మగవాళ్లు వారసత్వంగా రావడం తరచూ జరుగుతుంది. కానీ, అమ్మాయిలు రావడం మాత్రం అంత ఈజీ విషయం కాదు. అందుకేనేమో.. విక్టరీ వెంకటేష్ తన కుమార్తెను ఇప్పటివరకూ అభిమానులకు పరిచయం చేయలేదు. సాధారణంగా ఎవరైనా స్టార్ ఫ్యామిలీకి చెందిన వాళ్లు ఉంటే.. తమ ఇంటి పేరు చెప్పుకొని పాపులారిటీ సంపాదించుకోవాలని ప్రయత్నిస్తుంటారు. కానీ వెంకటేష్ పెద్ద కుమార్తె మాత్రం అందుకు భిన్నంగా ఉంటారు. తన స్వయంకృషితో పైకి రావాలనేది ఆమె అభిలాష. అందుకే సినిమా ఇండస్ట్రీకి దూరంగా ఫుడ్, ట్రావెల్ వ్లాగ్స్ చేస్తూ.. ఆమె తనకంటూ సొంతంగా పాపులారిటీ సంపాదించుకుంటున్నారు. ఈ మధ్య ఇన్‌స్టాగ్రామ్‌లో అత్యంత ప్రభావవంతమైన సెలబ్రిటీల జాబితాలో ఆశ్రిత ప్రపంచవ్యాప్తంగా 377వ స్థానం, ఆసియాలో 27వ స్థానాన్ని సంపాదించుకున్నారు. ఎప్పుడు పబ్లిసిటీకి దూరంగా ఉండే ఆమె.. తాజాగా ఓ మీడియా సంస్థకు ఇచ్చిన ఇంటర్వ్యూలో పలు ఆసక్తికర అంశాలు వెల్లడించారు. తన తండ్రి, పెద్దనాన్న(సురేష్ బాబు) షూటింగ్‌ల కోసం విదేశాలకు వెళ్లడం.. అక్కడి వాతావరణం, మనుషులు, ఆహారం గురించి తనకి చెప్పడంతో.. ఆ విషయంపై తనకి ఎంతో ఆసక్తి పెరిగిందని ఆమె స్పష్టం చేశారు. ఎకనామిక్స్ లో మాస్టర్స్.. ఆపైన ఎంబీఏ చేశానని. పుడ్.. ట్రావెల్.. ఫోటోగ్రఫీ రంగాలపై ఆసక్తే బ్లాగర్‌గా మారేలా చేశాయని ఆమె పేర్కొన్నారు. తన తండ్రి తనని ఎంతో అర్థం చేసుకుంటారని.. నడక మాత్రమే చూసి తన మూడ్ ఎలా ఉందో ఆయన గెస్ చేస్తారని ఆమె స్పష్టం చేశారు.

from Telugu Movie News | Movie News in Telugu | Movie Gossips in Telugu https://ift.tt/3z7fgA2
v