వకీల్ సాబ్‌ని తొక్కితే.. తిరుపతిలో రివేంజ్.. పది లచ్చల మెజారిటీ అంటగా!

సినిమాలు వేరు.. రాజకీయం వేరు, ప్రేక్షకులు వేరు ఓటర్లు వేరు.. కలెక్షన్లు వేరు ఎలక్షన్ సీట్లు వేరు.. కాస్తో కూస్తో ప్రభావం చూపించవచ్చేమో కానీ సీఎం కుర్చీలో మాత్రం కూర్చోబెట్టలేవు అన్నది గత ఎన్నికల ద్వారా స్పష్ఠం అయ్యింది. అభిమానాన్ని ఓట్లుగా మలుచుకోగలగడం ఒక్క ఎన్టీఆర్‌కి మాత్రమే సాధ్యం అయ్యింది కానీ. ఆ తరువాత వచ్చిన యాక్టర్లు ఎవరూ రాజకీయాల్లో యాక్టివ్ కాలేకపోయారు మన తెలుగు రాష్ట్రాల్లో. ఇప్పుడు ఈ మ్యాటర్ ఎందుకొచ్చిందో తెలియజేస్తూ అసలు మ్యాటర్‌లోకి వెళ్తే.. పవర్ స్టార్ పొలిటికల్ ఎంట్రీ తరువాత రీ ఎంట్రీ మూవీ ‘’ నిన్నటి రోజున విడుదలైంది. మంచి సోల్ ఉన్న కథతో పవన్ కళ్యాణ్ రీ ఎంట్రీ ఇవ్వడంతో ఈ సినిమా బ్లాక్ బస్టర్ హిట్ టాక్ అందుకుంది. ఇదిలా ఉంటే.. ఈ సినిమా విజయవంతం కావడంతో పవన్ కళ్యాణ్ అభిమానులు ఫుల్ ఖుషీలో ఉన్నారు. ఈ సినిమా రికార్డులు పగలగొట్టడం కలెక్షన్లు కుమ్మేయడం ఖాయమే. ఎందుకంటే ఈ కలక్షన్లు, రికార్డులు పవన్ కళ్యాణ్ చూడనివి కాదు.. పగలగొట్టనవీ కాదు. సో వకీల్ సాబ్ చిత్రం కలెక్షన్లు రికార్డుల పరంగా కుమ్మేయడం ఖాయమే. అయితే వకీల్ సాబ్ హిట్ అయ్యింది కాబట్టి.. పవన్ కళ్యాణ్ సీఎం కావడం ఖాయం.. తిరుపతి ఉప ఎన్నికలో జనసేన-బీజేపీ జెండా పాతేయడం ఖాయమే అంటూ ధీమా వ్యక్తం చేస్తున్నారు జనసైనికులు. పైగా పవన్ కళ్యాణ్ సినిమా బెనిఫిట్ షోలను అడ్డుకుని.. కలెక్షన్లపై దెబ్బ కొట్టిన ఏపీ ప్రభుత్వంపై ఫైర్ అవుతున్నారు పవన్ కళ్యాణ్ అభిమానులు. ఈ తరుణంలో జనసేన పొత్తులో ఉన్న బీజేపీ పార్టీ నాయకుడు విష్ణు వర్థన్ రెడ్డి చేసిన ట్వీట్‌ హాట్ టాపిక్ అవుతోంది. వకీల్ సాబ్ సినిమాని.. తిరుపతి ఎన్నికల్ని లింక్ చేస్తూ ఆయన చేసిన ట్వీట్లపై ఆసక్తికరమైన చర్చ నడుస్తోంది. ‘అధికారం ఉంది కదా అని పవన్ కళ్యాణ్ గారి సినిమా వకీల్ సాబ్‌ని అపగలరేమో గాని ... పవన్ కళ్యాణ్ గారిపై అభిమానుల్లో ఉన్న ప్రేమను, తిరుపతి ఉప ఎన్నికల్లో ఓటును ఆపలేరు. 17న రాజకీయ సినిమాను @YSRCParty తిరుపతిలో ఓటు ద్వారా చూపించడానికి @PawanKalyan అభిమానులు సిద్ధంగా ఉన్నారు. ఏపీలో వకీల్ సాబ్ సినిమా టికెట్ వ్యవహారం కాదు నడుస్తోన్నది, తిరుపతి యంపీ టికెట్ ఎన్నికల వ్యవహరం గుర్తుపెట్టుకోండి’ అంటూ వీడియో వదిలారు విష్ణు వర్థన్ రెడ్డి. అయితే అసలు వకీల్ సాబ్ హిట్ అయితే తిరుపతి ఎన్నికల్లో గెలుస్తారా?? మీ ట్వీట్‌లు చూస్తుంటే కడుపుబ్బా నవ్వుకునేలా ఉన్నాయి సారూ.. సరే ఆ ముచ్చటా చూద్దాం.. అవును పది లచ్చల మెజారిటీ అంట కదా.. ఈ ట్వీట్ డిలీట్ చేయకుండా అట్టాగే పెట్టమ్మా.. ఎలక్షన్ రిజల్ట్ రోజున మాట్లాడుకుందాం.. అంటూ విష్ణు వర్థన్ రెడ్డి ట్వీట్‌పై సెటైర్లు వేస్తున్నారు వైసీపీ శ్రేణులు. అయితే జనసైనికులు మాత్రం విష్ణు వర్థన్ రెడ్డి‌కి మద్దతు తెలియజేస్తూ.. తిరుపతి ఎన్నికల్లో మా ప్రతాపం చూపిస్తాం అని శపథాలు చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2PUiR3B
v