బాక్సాఫీస్‌ని షేక్ చేసిన ‘వకీల్‌సాబ్’.. పవన్‌ కెరీర్‌లోనే ఆల్‌టైం రికార్డ్.. తొలి రోజు కలెక్షన్స్ ఎంతంటే..

బోణికపూర్ సమర్పణలో నిర్మాతగా.. వేణు శ్రీరామ్ దర్శకత్వంలో పవర్‌స్టార్ హీరోగా నటించిన చిత్రం ‘వకీల్‌సాబ్’. మూడేళ్ల తర్వాత పవన్‌కళ్యాణ్ రీ ఎంట్రీ ఇస్తున్న సినిమా కావడంతో విడుదలకు ముందే సినిమాపై భారీగా అంచనాలు నెలకొన్నాయి. సాధారణంగా పవన్‌కళ్యాణ్ సినిమా అంటేనే కలెక్షన్ల వర్షం కురుస్తోంది. అలాంటిది పవన్ రీ ఎంట్రీ, మంచి మెసేజ్‌ ఉన్న కథ, కమర్షియల్ విలువలుతో కూడిన వంటి చిత్రానికి మామూలుగా కలెక్షన్లు వస్తాయా..? సరిగ్గా అదే జరిగింది.. శుక్రవారం(ఏప్రిల్) 9న విడుదలైన ‘వకీల్‌సాబ్’ ఏకంగా కలెక్షన్ల సునామీనే సృష్టించింది. వకీల్‌సాబ్ సినిమాకి ఆంధ్రలో ఊహించని అడ్డంకి ఏర్పడింది. తొలిరోజు టికెట్ల హైక్స్ తగ్గిండం, బెనిఫిట్‌లో రద్దు చేయడంతో కలెక్షన్లు తగ్గుతాయని అంతా భావించారు. కానీ, సాయంత్రానికి కోర్టు టికెట్స్ హైక్స్‌ని అంగీకరించింది. దీంతో మొదటి రోజే తెలుగు రాష్ట్రాల్లో సినిమా ఏకంగా రూ.32 కోట్ల షేర్, రూ.44 కోట్ల గ్రాస్ కలెక్షన్లు సాధించింది. ఇది పవన్‌కళ్యాణ్ సినీ కెరీర్‌లోనే ఆల్‌ టైం రికార్డుగా నిలిచింది. ఇక కర్ణాటక, రెస్ట్ ఆఫ్ ఇండియాలో సుమారుగా రూ.1.82 కోట్లు, ఓవర్‌సీస్‌లో రూ.2.40 కోట్ల కలెక్షన్లు ఈ సినిమా తన ఖాతాలో వేసుకుంది. దీంతో ప్రపంచవ్యాప్తంగా మొదటిరోజే రూ.36.46 కోట్ల షేర్, రూ.52.4 కోట్ల గ్రాస్ కలెక్షన్లను సాధించింది వకీల్‌సాబ్. ఇక ఈ సినిమాలో పవన్‌కళ్యాణ్ సరసన శృతి హాసన్ హీరోయిన్‌గా నటించింది. అంజలి, నివేదా థామస్, అనన్య ప్రకాశ్‌ రాజ్‌లు కీలక పాత్రలు పోషించిన ఈ సినిమాకి థమన్ సంగీతం అందించగా.. పీ.ఎస్.వినోద్ కెమెరామెన్‌గా పని చేశాడు. హిందీలో బాలీవుడ్ మెగాస్టార్ అమితాబ్‌బచ్చన్ నటించిన సూపర్‌హిట్ చిత్రం ‘పింక్‌’ రీమేక్‌గా ఈ సినిమా తెరకెక్కింది.

from Telugu Movie News | Movie News in Telugu | Movie Gossips in Telugu https://ift.tt/3s75g66
v