బాలయ్యను మళ్లీ కెలికిన నాగబాబు.. మందు బాటిల్‌తో బ్రాండ్, బ్లడ్ అంటూ రచ్చ

మెగా బ్రదర్ ముక్కుసూటిగా మాట్లాడతారనే పేరుతో పాటు అనవసరమైన చౌకబారు వ్యాఖ్యలతో నవ్వుల పాలౌతుంటారనే విమర్శ కూడా ఉంది. ముఖ్యంగా నందమూరి నటసింహం విషయంలో నాగబాబు రగిల్చిన మంట నేటికీ చల్లారలేదు. తాజాగా మరోసారి బాలకృష్ణను సోషల్ మీడియా వేదికగా కెలికారు నాగాబాబు. ఈ మధ్యకాలంలో ఇన్‌స్టాగ్రామ్ లైవ్ చాట్‌లో పాల్గొంటున్న నాగబాబు తన అభిమానులు అడిగే ప్రశ్నలకు సమాధానం ఇస్తున్నారు. అయితే నాగబాబు పర్సనల్ విషయాలతో పాటు సిల్లీ క్వచ్ఛన్స్‌కి కూడా గమ్మత్తైన ఆన్సర్‌లు ఇస్తూ హాట్ టాపిక్ అవుతుండగా ఓ నెటిజన్.. ‘మంచి కిక్ ఇచ్చే బ్రాండ్ పేరు చెప్పండి మాస్టారూ’? అని నాగబాబుని అడగ్గా.. మేన్సన్ హౌస్ బ్రాందీ బాటిల్‌ని షేర్ చేశారు నాగబాబు. అంతటితో ఆగకుండా.. ఆ బ్లడ్ వేరు.. ఆ బ్రాండ్ వేరు అంటూ బాలయ్య అభిమానుల్ని కెలికారు. నందమూరి బాలకృష్ణ తాగే బ్రాండ్.. మేన్సన్ హౌస్ బ్రాంది. చాలా సందర్భాల్లో ఈ విషయాన్ని ఆయనే స్వయంగా చెప్పారు. ఇక తరచూ తన వంశం గురించి, బ్లడ్ గురించి మాట్లాడుతూ ఉంటారు బాలయ్య. అయితే నాగబాబు బాలయ్య బ్రాండ్‌ని షేర్ చేయడమే కాకుండా బ్లడ్ గురించి కూడా మాట్లాడటంతో ఇన్ డైరెక్ట్‌గా బాలయ్యని టార్గెట్ చేసినట్టు అర్థమౌతోంది. ఎన్నికల ముందు బాలకృష్ణను టార్గెట్ చేస్తూ.. అంతా నా ఇష్టం అంటూ యూట్యూబ్ ఛానల్‌లో పెద్ద రచ్చే చేశారు నాగబాబు. అసలు బాలయ్య అంటే ఎవరో తనకి తెలియదని.. ఆయన్ని వ్యక్తిగతం టార్గెట్ చేస్తూ వరుస వీడియోలను షేర్ చేసి బాలయ్యతో సై అంటే సై అని కాలుదువ్వారు. ఇక లాక్ డౌన్‌లో షూటింగ్‌ల నిమిత్తం ఇరు రాష్ట్రాల సీఎంలతో చిరంజీవి నేతృత్వంలో సినీ పెద్దలు పలు దఫాల చర్చలు జరపగా.. వాటికి బాలయ్యను ఆహ్వానించకపోవడంతో ఆయన ఫైర్ అయ్యారు. చిత్రీకరణ అంశాలపై ప్రభుత్వంతో సినీ పెద్దలు జరుపుతున్న చర్చల విషయం తనకు పేపర్లో వచ్చే వార్తల ద్వారా మాత్రమే తెలిసిందని.. భూములు పంచుకోవడానికి రియల్ ఎస్టేట్ కోసం ఈ చర్చలు జరుపుతున్నారంటూ బాలయ్య వివాదాస్పద వ్యాఖ్యలు చేయడంతో అప్పట్లో కూడా నాగబాబు సీరియస్‌గానే రియాక్ట్ అయ్యారు. నోరు అదుపులో పెట్టుకుని మాట్లాడాలని.. బాలక్రిష్ణ ఇండస్ట్రీకి కింగ్ కాదు.. కేవలం హీరో మాత్రమే అని గుర్తించుకుని మాట్లాడాలని భవిష్యత్‌లో ఇలాంటి వ్యాఖ్యలు చేస్తూ చూస్తూ ఊరకోం అంటూ ఘాటుగా స్పందించారు నాగబాబు. అయితే తాజాగా ఇన్ స్టాగ్రామ్ చాట్ ద్వారా మరోసారి బాలయ్యను ఇన్ డైరెక్ట్‌గా కెలికినట్టైంది.

from Telugu Movie News | Movie News in Telugu | Movie Gossips in Telugu https://ift.tt/3dnmA1a
v