ఇటీవలే నిహారికకు పెళ్లి చేసిన మెగా బ్రదర్ తాత అయ్యేందుకు రెడీగా ఉన్నారు. ఇక వరుణ్ తేజ్‌కి కూడా పెళ్లి వయసు ఎప్పుడో వచ్చేయడంతో కోడల్ని వెతికిపట్టే పనిలో ఉన్నారు. ఈఏడాదో.. లేదంటే వచ్చే ఏడాదో వరుణ్ తేజ్‌ని కూడా ఓ ఇంటి వాడిని చేయడం ఖాయంగానే కనిపిస్తుంది. ఇక నాగబాబు పిల్లలిద్దరి పెళ్లిళ్లు అయిపోయిన తరువాత మనవడు, మనవరాళ్లతో ఆడుకుండా ఇంట్లో రామ క్రిష్ణ అనుకుంటారులే అని అనుకుంటే పొరపాటే.. అరవై ఏళ్లు వచ్చినా ఆయనలో మరో పెళ్లి ఆశ మాత్రం చావనే లేదు. ఈ వయసులో కూడా రెండో పెళ్లి సై అంటూ నాగబాబు సరదాగా చేసిన పోస్ట్ సోషల్ మీడియాలో వైరల్ అవుతోంది. ఇప్పటికే పవన్ కళ్యాణ్ మూడు పెళ్లిళ్లు చేసుకున్నాడంటూ సమయం సందర్భం కాకపోయినా నోటికొచ్చినట్టు మాట్లాడుతూ ఉంటారు చాలామంది. ఈ మూడు పెళ్లిళ్ల విషయంలో మింగలేక కక్కలేక.. పవన్ కళ్యాణ్ మౌనం వహిస్తూ ఉంటారు. అయితే తమ్ముడు తీర్చుకున్న మూడు పెళ్లిళ్ల ముచ్చటను తాను ఫాలో కావాలని అనుకుంటున్నారో ఏమో కానీ.. నాగబాబు తన మనసులో కోరికను బయటపెట్టారు. ఎవరో పిచ్చ అభిమాని.. ‘సార్.. మీరు మళ్లీ పెళ్లి చేసుకుంటారా?’ అని నాగబాబుని అడగ్గా.. హుందాగా స్పందించాల్సింది పోయి.. ‘ఈ వయసులో నాకు పెళ్లా.. మీరంతా ఓకే అంటే నాకు ఓకే’ అంటూ సమాధానం ఇచ్చారు నాగబాబు. తమ్ముడు విషయంలో చేసుకున్న మూడు పెళ్లిళ్ల విషయంలోనే సమాధానం చెప్పలేక నానా తిప్పలూ పడుతుంటూ.. ఇప్పుడు కొత్తగా ఈ వయసులో ఈ పెళ్లి ప్రస్తావనలు అవసరం అంటారా? నాగబాబు గారూ అంటూ సెటైర్లు వేస్తున్నారు నెటిజన్లు.
from Telugu Movie News | Movie News in Telugu | Movie Gossips in Telugu https://ift.tt/3sDyb2y
v
No comments:
Post a Comment