జబర్దస్త్ షోలో ఉన్నంత కాలం అక్కడి టీం లీడర్స్, కంటెస్టెంట్లు ఆయన మీద.. మెగా ఫ్యామిలీ మీద ఎంత ప్రేమించారో అందరికీ తెలిసిందే. ప్రతీ స్కిట్లలో మెగా భజన కూడా ఎక్కువగా ఉండేది. కొందరైతే ఏకంగా చిరంజీవి, పవన్ కళ్యాణ్‌ల మీదే స్కిట్లు వేసేశారు. ఇక అందరూ కూడా మెగా అభిమానులే అని చెప్పుకునే వారు. అలా కొందరు నాగబాబుకు చాలా దగ్గరయ్యారు. అందులో సుధీర్, గెటప్ శ్రీను, రాం ప్రసాద్, హైపర్ ఆది ఇలా చాలా మంది సన్నిహితులుగా మారారు. ఆ మధ్య మెగా ఈవెంట్లు ఎక్కడున్నా సరే వీరు వచ్చేవారు. మెగా ఇంట్లో ఒకరిలా బాగానే ఉన్నారు. అయితే నాగబాబు జబర్దస్త్‌ను వీడి వచ్చిన సమయంలో వీరంతా హ్యాండ్ ఇచ్చారు. నాగబాబు అంటే ప్రాణం, ఏదైనా చేస్తాం అని చెప్పుకునే సుధీర్, శ్రీను, రాం ప్రసాద్, ఆదిలు జబర్దస్త్‌లోనే ఉండిపోయారు. బాండ్, అగ్రిమెంట్లకు భయపడి అక్కడే ఉన్నారని ఆ మధ్య టాక్ కూడా నడిచింది. అయితే వారు నాగబాబుతో మాత్రం ఇంకా మంచి సంబంధాలు కొనసాగిస్తున్నారని తెలుస్తోంది. ఎందుకంటే నిహారిక పెళ్లిలో గెటప్ శ్రీను తెగ సందడి చేశాడు. మెగా ఈవెంట్లలో ఇప్పటికీ హైపర్ ఆది కనిపిస్తున్నాడు. అయితే సుధీర్ విషయంలో మాత్రం ఏదో తేడా కొడుతోంది. సుధీర్‌కు మెగా ఫ్యామిలీకి మధ్య దూరం పెరిగినట్టు కనిపిస్తోంది. సుధీర్‌ను నాగబాబు దూరం పెట్టినట్టు తెలుస్తోంది. తాజాగా నాగబాబు తన ఫాలోవర్లతో ముచ్చట్లు పెట్టేశారు. నెటిజన్లు అడిగిన ప్రశ్నలకు వెరైటీ సమాధానాలు ఇస్తూ వస్తున్నారు. అలా కొందరు జబర్దస్త్ మీద కూడా ప్రశ్నలు అడిగేశారు. మీకు రాం ప్రసాద్ ఇష్టమా? గెటప్ శ్రీను ఇష్టమా? అంటే గెటప్ శ్రీను ఫోటో పెట్టేసి ఆన్సర్ చెప్పేశాడు నాగబాబు. ఇక సుధీర్ గురించి ఏదైనా చెప్పండి సర్ అని ఓ నెటిజన్ అడిగాడు. ఆ ప్రశ్నకు నాగబాబు ఇచ్చిన సమాధానం ఎన్నో అనుమానాలు తెరపైకి తీసుకొచ్చింది. సుధీర్ అంటే అందరికీ తెలిసింది ఒక్కడే. అది జబర్దస్త్ . కానీ నాగబాబు మాత్రం వెరైటీగా.. శతకోటి సుధీరుల్లో ఏ సుధీరు గురించి నువ్వడిగేది అంటూ పరువు దీసేశాడు. అంటే ఈ లెక్కన సుధీర్ గురించి మాట్లాడటం నాగబాబుకు ఇష్టం లేనట్టు కనిపించింది. అందుకే శతకోటి బోడిలింగాల్లో అన్నట్టుగా అలా సుధీర్ మీద కామెంట్ చేసినట్టు అనిపిస్తోంది.
from Telugu Movie News | Movie News in Telugu | Movie Gossips in Telugu https://ift.tt/31ub3rx
v
No comments:
Post a Comment