ఇటీవల తన కొడుకు బెనిడిక్ మైఖేల్ (బెన్నీ) సినిమాల్లోకి వస్తున్నాడని ప్రకటన చేశారు సీనియర్ కమెడియన్, ప్రముఖ హీరో సుధాకర్. తెలుగు, తమిళ, కన్నడ, మలయాళ భాషల్లో సుమారు 600 చిత్రాలకు పైగా నటించి.. స్టార్ హోదా అనుభవించిన సుధాకర్.. అనారోగ్య సమస్యలతో సినిమాలకు దూరం అయ్యారు. బ్రెయిన్ స్టోక్ రావడంతో కోమాలోకి వెళ్లిన ఆయన.. ప్రస్తుతం ఇండస్ట్రీకి దూరంగా ఉంటున్నారు. మెగాస్టార్ చిరంజీవి రూమ్ మేట్ అయిన సుధాకర్‌కి ఇండస్ట్రీలోని స్టార్ హీరోలందరితోనూ మంచి అనుబంధం ఉంది. అనారోగ్యంతో ఉన్న సుధాకర్ పూర్తి స్థాయిలో కోలుకోలేకపోవడంతో సినిమాలకు రిటైర్‌మెంట్ ప్రకటించారు. ఇక సినిమాలు చేసే ఉద్దేశం లేదని చెప్పిన ఆయన.. తన కొడుకు బెన్నీ సినిమాల్లోకి రావాలనే కోరికతో ఉన్నాడని.. తన బ్లడ్‌లోనే నటన ఉందని అంటున్నాడంటూ కొడుకు అరంగేట్రంపై క్లారిటీ ఇచ్చారు సుధాకర్. ఇక బెన్నీ టాలీవుడ్ ఎంట్రీపైనా.. తన తండ్రి అనారోగ్యం పాలైనప్పుడు ఎదుర్కొన్న ఇబ్బందులపై ఓపెన్ అయ్యారు. ‘నేను డిగ్రీ మేనేజ్‌మెంట్ చేసి.. అమెజాన్‌లో జాబ్ చేస్తున్నా.. ఉద్యోగం చేయడం ఇష్టం లేదు.. చేయాలని చేస్తున్నా.. అంతే. నాకు యాక్టింగ్ అంటే ఇష్టం. మొదటి నుంచి నాన్నగారు నా లైఫ్ నాకే వదిలేశారు. నీకు నచ్చింది చేయమని చెప్పారు. నేను చాలామందికి సుధాకర్ కొడుకుని అని తెలియదు. వాళ్లే నాన్న చేసిన సినిమాల గురించి చెప్తుంటే హ్యాపీగా ఉంటుంది. నాన్నకి హెల్త్ బాలేకపోయినప్పుడు చాలా ఫీల్ అయ్యేవాళ్ళం. నేను అప్పుడు పదో తరగతి చదువుతున్నా.. కానీ న్యూస్ ఛానల్స్‌లో ఏవేవో వార్తలు వచ్చేవి. వాటిని చూసి చాలా బాధ వేసేది. భయం కలిగేది. కానీ చర్చ్‌కి వెళ్లి ప్రేయర్స్ చేయడం వల్ల నాన్నగారు చాలావరకూ రికవరీ అయ్యారు. ఆయన త్వరగానే కోలుకున్నారు. ప్రస్తుతానికైతే నాకు యాక్టింగ్ చేయాలని ఉంది. నాన్నగారు టిప్స్ చెప్తున్నారు. నటనలో ట్రైనింగ్ తీసుకుంటున్నా. వర్క్ షాప్ నడుస్తుంది. నరేష్ అనే కొత్త దర్శకుడు కథ చెప్పాడు.. ప్రస్తుతం స్క్రిప్ట్ వర్క్ జరుగుతుంది. కేవలం హీరోగానే చేయాలని లేదు.. నాన్నగారిలా ఏ పాత్ర చేసినా మంచి పేరు తెచ్చుకోవాలని ఉంది. ఏ పాత్ర వచ్చినా చేస్తా’ అని అన్నారు కమెడియన్ సుధాకర్ కొడుకు బెన్నీ (బెనిడిక్ మైఖేల్).
from Telugu Movie News | Movie News in Telugu | Movie Gossips in Telugu https://ift.tt/39nVLc4
v
No comments:
Post a Comment