@139 రేప్ కేసు: ప్రదీప్‌ని నన్ను దారుణంగా ట్రోల్ చేశారు.. బాధగా ఉంది కాని ఆమెకు అండగా ఉంటాం: హీరో కృష్ణుడు

ర్యాలగూడకు చెందిన పాతికేళ్ల మహిళ ఇటీవల పంజాగుట్ట పోలీస్ స్టేషన్‌లో తనను 139 మంది 5000 సార్లు రేప్ చేశారని సంచలన ఆరోపణలు చేసింది. ఇందులో యాంకర్ ప్రదీప్‌తో పాటు హీరో కృష్ణుడు పేరు కూడా ఉండటంతో ఈ కేసు సంచలనంగా మారింది. అయితే యువతిపై అత్యాచారం చేసిన మాట వాస్తవమే కాని.. డాలర్ బాబు అనే వ్యక్తి కుట్ర చేసి ఈ అమ్మాయిని ఉపయోగించుకుని ఆర్థికపరమైన అబ్ధి పొందడం కోసమే ఈ కుట్ర చేశాడని సోమవారం నాడు ప్రెస్ మీట్‌లో సంచలన విషయాలు వెల్లడించింది ఆ యువతి. అయితే ఈ కేసుతో కాని తనతో కాని యాంకర్ ప్రదీప్, హీరో కృష్ణుడికి ఎలాంటి సంబంధం లేదని కుట్రలో భాగంగానే ఇదంతా చేశానని వాళ్లకి క్షమాపణ చెప్పింది ఆ దళిత యువతి. అయితే తమపై వచ్చిన ఆరోపణలపై ముందే స్పందించిన ప్రదీప్, హీరో కృష్ణుడు.. తమకేం తెలియదని ఎవరో కుట్ర చేసి తమపై ఇలాంటి నిరాధారమైన ఆరోపణలు చేస్తున్నారని ఖండించారు. తాజాగా ఆ దళిత యువతి ప్రెస్ మీట్ తరువాత ఈ ఇష్యూపై హీరో కృష్ణుడు స్పందిస్తూ వీడియో విడుదల చేశారు. ఆయన మాట్లాడుతూ..‘రీసెంట్‌గా మీరు చూసే ఉంటారు.. పంజాగుట్ట పోలీస్ స్టేషన్‌లో 139 మంది నన్ను రేప్ చేశారని ఓ సంచలన కేసు నమోదైంది. అందులో యాంకర్ ప్రదీప్ పేరుతో పాటు నా పేరుని కూడా చేర్చడం జరిగింది. ఆ విషయంలో నేను చాలా షాక్‌కి గురయ్యా. ఆ తరువాత కొన్ని యూట్యూబ్ ఛానల్స్.. నన్ను, ప్రదీప్‌ని దారుణంగా టార్గెట్ చేశారు. నిజా నిజాలు తెలుసుకోకుండా ట్రోల్ చేశారు. వీటిని చూసి.. చాలా మంది మీడియా మిత్రులు నన్ను సంప్రదించారు.. దాన్ని నేను ఖండించా. ఆ తరువాత నిజా నిజాలు ప్రెస్ మీట్ ద్వారా తెలుసుకున్నారు. నిజంగా ఆ అమ్మాయికి ఇలా జరగడం దారుణమే. ఈ విషయంలో ఆమెకు మా సపోర్ట్ ఉంటుంది. తప్పు ఎవరు చేసినా తప్పే. ఈరోజు మందక్రిష్ణ మాదిగ ప్రెస్ మీట్‌లో చెప్పారు.. ఎస్సీ ఎస్టీ లాంటి కేసును దుర్వినియోగం చేయకూడదు.. అమాయకుల్ని ఇరికించకూడదని. దీని వెనుక ఎవరు ఉన్నారో అన్ని వివరాలు తెలియజేస్తూ.. నేను కాని ప్రదీప్ కాని లేరని చెప్పారు. వారికి ధన్యవాదాలు. అలాగే నా మిత్రులు, కుటుంబ సభ్యులకు ధన్యవాదాలు. పార్టీలకు అతీతంగా నాకు సపోర్ట్ చేశారు.. కష్ట కాలంలో నా వెంట ఉన్నారు. ఈ సందర్భంగా నేను మహిళలందరికీ రిక్వెస్ట్ చేస్తున్నా.. ఇలాంటివి జరిగినప్పుడు వెంటనే స్పందించండి.. ముందుకు రండి. దిశా ఘటనలో ఏం జరిగిందో చూశాం. వెంటనే స్పందిస్తూ పోలీస్ వారు చర్యలు చేపడతారు. మేం ఎంత సెలబ్రిటీలమైనా మాకూ కుటుంబాలు ఉన్నాయి. నా కూతురు, భార్యలతో పాటు బయటవాళ్లను గౌరవిస్తాను. రీసెంట్ నాన్న పోయిన బాధలో ఉన్న నా తల్లికి ఈ ఘటన ఎంత వేదన మిగిల్చిందో నాకు తెలుసు. మా తమ్ముడు కూడా చాలా బాధపడ్డాడు. నిజా నిజాలు తెలుసుకోకుండా ట్రోల్ చేయడం సరికాదు. మాకు కుటుంబాలు ఉంటాయి. ఈరోజు నాకు జరిగింది.. రేపు ఇంకో సెలబ్రిటీకి జరగొచ్చు. దయచేసి నిజా నిజాలు తెలుసుకోండి’ అంటూ ఎమోషనల్ అయ్యారు హీరో కృష్ణుడు.

from Telugu Movie News | Movie News in Telugu | Movie Gossips in Telugu https://ift.tt/3js0ewY
v