దేశంలో ప్రస్తుతం జనాల నోటిలో బాగా నానుతోన్న పదం ‘కరోనా’. ఈ మహమ్మారి గురించి తప్ప వేరే విషయం గురించి ఎవరూ పెద్దగా మాట్లాడుకోవడం లేదు. ఈరోజు కేసులెన్ని.. మన రాష్ట్రంలో ఎన్ని కేసులు నమోదయ్యాయి.. పక్క రాష్ట్రంలో కేసులెన్ని.. ఇదే సరిపోతోంది. అందుకే, బయట దేని కోసం జాగ్రత్త తీసుకున్నా అది కరోనా కోసమే అనే అనుమానం ప్రజల్లో కలుగుతోంది. ఆఖరికి, బాలీవుడ్ బాద్షా షారుఖ్ ఖాన్ తన ఇంటిని ప్లాస్టిక్ షీట్లతో కప్పితే.. కరోనా భయంతోనా అని అడుగుతున్నారు చాలా మంది. ముంబైలో ఉన్న తన భవంతి ‘మన్నత్’ను షారుఖ్ ఖాన్ ప్లాస్టిక్ షీట్లతో కప్పించారు. ఈ ఫొటోలు ఇప్పుడు సోషల్ మీడియాలో వైరల్గా మారాయి. ట్విట్టర్, ఇన్స్టాగ్రామ్లలో షారుఖ్ ఇంటి ఫొటోలు చూసిన ఆయన అభిమానులు కరోనా వైరస్ నుంచి రక్షణ కోసం ఆయన ప్లాస్టిక్ షీట్లు కప్పించి ఉంటారని నమ్ముతున్నారు. దీనికి ఒక కారణం ఉంది. ముంబైలో ఇప్పటికే కరోనా పాజిటివ్ కేసులు 3 లక్షలు దాటాయి. సినిమా రంగంలో చాలా మందికి కరోనా సోకింది. ముఖ్యంగా బిగ్ బీ అమితాబ్ బచ్చన్తో పాటు ఆయన కుమారుడు అభిషేక్, కోడలు ఐశ్వర్యరాయ్, మనవరాలు ఆరాధ్యకు పాజిటివ్ వచ్చింది. Also Read: ఈ నేపథ్యంలోనే షారుఖ్ ఖాన్ కరోనా వైరస్ నుంచి తన కుటుంబాన్ని కాపాడుకోవడానికి ఈ ప్లాస్టిక్ షీట్లతో తన భవంతి కప్పించారని అభిమానులు అభిప్రాయపడుతున్నారు. కానీ, అసలు కారణం అదికాదు. ప్రస్తుతం వర్షకాలం. ముంబైలో విపరీతంగా వర్షాలు పడుతున్నాయి. ఈ వర్షాల నుంచి తన ఇంటిని కాపాడుకోవడం కోసం ఇలా ప్లాస్టిక్ షీట్లను కప్పించారు. కింగ్ ఖాన్ ఇలా చేయడం ఇదే తొలిసారి కాదు. ప్రతి ఏడాది వర్షాకాలంలో ఇలానే చేస్తున్నారు. కాగా, ‘మన్నత్’లో తన భార్య గౌరీ ఖాన్, పిల్లలు ఆర్యన్, సుహానా, అభ్రామ్తో కలిసి షారుఖ్ ఖాన్ ఉంటున్నారు. ఇక షారుఖ్ ఖాన్ సినిమాల విషయానికి వస్తే.. ఆయన చివరిగా 2018లో వచ్చిన ‘జీరో’ సినిమాలో కనిపించారు. కత్రినా కైఫ్, అనుష్క శర్మ హీరోయిన్లుగా తెరకెక్కిన ఈ సినిమా ఆశించిన స్థాయిలో ఆడలేదు. ప్రస్తుతం ఆయన రాజ్కుమార్ హిరాణి దర్శకత్వంలో సినిమాను అంగీకరించారు. ఇదొక సోషల్ మెసేజ్తో కూడిన కామెడీ డ్రామా. ‘వలసదారులు’ కాన్సెప్ట్ ఆధారంగా కథ నడుస్తుంది. ఈ సినిమాలో పంజాబ్కు చెందిన వ్యక్తిగా షారుఖ్ కనిపించనున్నారు. పంజాబ్ నుంచి కెనడాకు వలస వెళ్లే వ్యక్తి పాత్రలో ఆయన నటించనున్నారు. ఆయన పాత్ర చాలా కామెడీగా, ఎమోషనల్గా ఉంటుందని సమాచారం.
from Telugu Movie News | Movie News in Telugu | Movie Gossips in Telugu https://ift.tt/2CxCDv3
v
No comments:
Post a Comment