‘పరాన్నజీవి’లో కత్తి మహేష్: పీకే ఫ్యాన్ అట.. బూతులు తిడుతోన్న జనసైనికులు!!

సినీ విమర్శకుడు పేరు చెబితే పవర్ స్టార్ పవన్ కళ్యాణ్ అభిమానులు అంతెత్తున లేస్తారు. ఎందుకంటే, కత్తి మహేష్ సినిమాలపై చేసే విమర్శలకన్నా పవన్ కళ్యాణ్‌పై చేసే విమర్శలే ఎక్కువ. నిజం చెప్పాలంటే పవన్ కళ్యాణ్ అభిమానులు, కత్తి మహేష్ బద్దశత్రువులు. కత్తి మహేష్‌పై పవన్ అభిమానులు దాడి చేసిన ఘటనలు కూడా ఉన్నాయి. అలాంటిది, ఇప్పుడు కత్తి మహేష్ అందరినీ ఆశ్చర్యపరుస్తూ పవన్ కళ్యాణ్ అభిమానిగా మారిపోయారు. అది కూడా రామ్ గోపాల్ వర్మపై పవన్ ఫ్యాన్స్ తీస్తోన్న ‘పరాన్నజీవి’ సినిమా కోసం. ‘బిగ్ బాస్’ సీజన్ 2 కంటెస్టెంట్ డాక్టర్ నూతన్ నాయుడు దర్శకత్వంలో ‘పరాన్నజీవి’ సిద్ధమవుతోన్న సంగతి తెలిసిందే. పవన్ కళ్యాణ్‌పై సెటైరికల్‌గా ‘పవర్ స్టార్’ అనే సినిమా తీస్తున్నందుకు రివేంజ్‌ తీర్చుకుంటూ మరికొంత మంది పవన్ ఫ్యాన్స్‌తో కలిసి ‘పరాన్నజీవి’ని రూపొందిస్తున్నారు. సరిగ్గా ‘పవర్ స్టార్’ సినిమాను ఆర్టీవీ వరల్డ్ థియేటర్‌లో విడుదల చేస్తోన్న రోజే (ఈనెల 25న) ‘పరాన్నజీవి’ని శ్రేయాస్ ఈటీలో రిలీజ్ చేస్తున్నారు. Also Read: ‘పరాన్నజీవి’లో వర్మ పాత్రను షకలక శంకర్ పోషిస్తున్నారు. ఈరోజు ఆయన లుక్‌ను కూడా విడుదల చేశారు. అలాగే, కత్తి మహేష్ లుక్‌ను కూడా లాంచ్ చేశారు. కత్తి పాత్రను పరిచయం చేస్తూ ‘పరాన్నజీవి’ చిత్ర రచయిత విజయ నాగేశ్ ట్వీట్ చేశారు. ‘‘కత్తిలాంటోడు, ఖతర్నాక్ వీడు, మాట మహా స్పీడు, రాతల్లో వీడ్ని మించినోడు లేడు, కాంట్రవర్సీల అమ్మ మొగుడు, అమ్మతోడు.. ఇప్పుడు పవన్ ఫ్యాన్ అయ్యాడు చూడు!’’ అని నాగేశ్ ట్వీట్‌లో పేర్కొన్నారు. అయితే, కత్తి మహేష్ పాత్రపై రకరకాల వాదనలు వినిపిస్తున్నాయి. ఆర్జీవీ ‘పవర్ స్టార్’లోనూ కత్తి మహేష్ ఉన్నారు. ట్రైలర్‌లో పవన్ కళ్యాణ్‌ను సెటైరికల్ ఇంటర్వ్యూ చేస్తూ కనిపంచారు. పవన్‌ను ఆయన ఎప్పుడూ విమర్శిస్తూ ఉంటారు కాబట్టి ఆర్జీవీ సినిమాలో నటించడంలో ఆశ్చర్యం లేదు. కానీ, ఓ వైపు పవన్‌పై సెటైరికల్‌గా తీసిన సినిమాలో నటిస్తూ మరోవైపు జనసేనానికి మద్దతుగా తీస్తోన్న సినిమాలోనూ ఆయన అభిమానిగానే నటిస్తుండటం అనుమానాలకు తావిస్తోంది. Also Read: ఇది కచ్చితంగా పబ్లిసిటీ స్టంటే అని కొంత మంది వాదన. ఇక కొంత మంది పవన్ కళ్యాణ్ అభిమానులు అయితే ఈ సినిమాలో కత్తి మహేష్‌ను తీసుకోవడాన్ని తప్పుబడుతున్నారు. బూతులు తిడుతున్నారు. అసలు ఈ సినిమా తీస్తున్నవాళ్లు పవన్ కళ్యాణ్ అభిమానులేనా అని ప్రశ్నిస్తున్నారు. డబ్బుల కోసం పవన్ ఫేమ్‌ను వాడుకుంటున్నారని ఆరోపిస్తున్నారు. నిజానికి ఈ సినిమాలో ఒక పాత్ర కోసం శ్రీరెడ్డిని కూడా సంప్రదించారు. ఆమె చేయనని చెప్పారు. వర్మకు వ్యతిరేకంగా తీసే సినిమాలో తాను నటించనని చెప్పినట్టు ఆమె వెల్లడించారు.

from Telugu Movie News | Movie News in Telugu | Movie Gossips in Telugu https://ift.tt/2E17K2m
v