సాహో సినిమాలో ఓ డైలాగ్ ఉంటుంది..ప్రభాస్ హీరోయిన్‌తో ఓ సంద‌ర్భంలో మాట్లాడుతూ వాళ్లు నా ఫ్యాన్స్ అంటారు. అంత వ‌యొలెంట్‌గా ఉన్నారేంటి? అని ఆమె అడిగితే డై హార్డ్ ఫ్యాన్స్ అని అంటారు. నిజ‌మే! గమనిస్తే డై హార్డ్ ఫ్యాన్స్ ఆలోచ‌న‌లు అంత వ‌యొలెంట్‌గా ఉంటాయా? అని కొన్ని సంద‌ర్భాల్లో అనిపిస్తుంది. ఇలాంటి చెత్త నిర్ణ‌యాలు వ‌ల్ల వాళ్లే కాదు.. వాళ్లు కుటుంబం ఎంతో న‌ష్ట‌పోతుంటుంది. క‌ర్నూలుకి చెందిన ర‌వితేజ అనే అభిమాని అనాలోచిత నిర్ణ‌యం త‌న కుటుంబాన్ని శోక సాగ‌రంలో ముంచేసింది. అస‌లేం జ‌రిగిందనే వివ‌రాల్లోకెళ్తే.. ప్రభాస్ హీరోగా న‌టించిన పాన్ ఇండియా మూవీ ‘’ మార్చి 11న ప్రపంచ వ్యాప్తంగా విడుదలైంది. ఈ సినిమాకు మిక్స్‌డ్ టాక్ వ‌చ్చింది. దీంతో భరించ‌లేక కర్నూలు తిలక్ నగర్‌కు చెందిన 24 ఏళ్ల ర‌వితేజ అనే యువ‌కుడు బ‌ల‌న్మ‌ర‌ణానికి పాల్ప‌డ్డారు. త‌ల్లితో చెప్పి మ‌రీ ఇంట్లోని ఉరి వేసుకుని ఆత్మహత్య చేసుకోవ‌డం ఎంతో బాధాక‌రం. విష‌యం తెలుసుకున్న పోలీసులు ఘ‌ట‌నా స్థ‌లాన్ని చేరుకుని ద‌ర్యాప్తు చేప‌ట్టారు. అభిమానం ఉండాలి.. అందులో త‌ప్పు లేదు. కానీ ప్రాణాలు తీసుకునేంత పిచ్చి అభిమానం ఉండ‌కూడ‌దు. దాని వ‌ల్ల మ‌న‌కే కాదు.. మ‌న చుట్టు ప‌క్క‌ల ఉన్న వారికి చాలా నష్టం క‌లుగుతుంది. చిన్న చిన్న విష‌యాల‌కే నేటి యువ త‌రం ఎంతో ఎమోష‌న‌ల్‌గా క‌నెక్ట్ అయిపోతున్నారు. ఎవ‌రూ ఉహించ‌ని చ‌ర్య‌ల‌కు పాల్ప‌డి కుటుంబ స‌భ్యుల‌ను, స్నేహితుల‌ను క‌ష్ట పెడుతున్నారు. రాధే శ్యామ్ సినిమాకు మిక్స్‌డ్ టాక్ వ‌చ్చిన‌ప్ప‌టికీ సినిమాకు మంచి వ‌సూళ్లే వ‌చ్చాయి. 1976 బ్యాక్ డ్రాప్‌లో సాగే పీరియాడిక్ ల‌వ్‌స్టోరిగా మూడు వంద‌ల కోట్ల రూపాయ‌ల భారీ బ‌డ్జెట్‌తో రూపొందించారు. భారీ అంచ‌నాల న‌డుమ విడుద‌లైన రాధే శ్యామ్ చిత్రానికి మిక్స్‌డ్ టాక్ రావ‌డం గ‌మ‌నార్హం.
from Telugu Movie News | Movie News in Telugu | Movie Gossips in Telugu https://ift.tt/XIdGCw2
v
No comments:
Post a Comment