కొంద‌రు మా ఫ్యామిలీపై కుట్ర చేసి కేసు పెట్టారు.. ప‌రువు న‌ష్టం దావా వేస్తా : బెల్లంకొండ సురేష్‌

హీరో బెల్లంకొండ శ్రీనివాస్‌, నిర్మాత త‌న వ‌ద్ద రూ.85 ల‌క్ష‌లు అప్పు తీసుకున్నార‌ని, ఇంకా తిరిగి ఇవ్వ‌లేద‌ని, అడిగితే బెదిరింపుల‌కు పాల్ప‌డుతున్నారంటూ శ‌ర‌ణ్ అనే ఫైనాన్సియ‌ర్ బంజారా హిల్స్ పోలీస్ స్టేష‌న్‌లో కేసు వేసిన సంగ‌తి తెలిసిందే. దీనిపై హీరో తండ్రి, నిర్మాత అయిన బెల్లం కొండ సురేష్ స్పందించారు. ‘‘నాకు ఫైనాన్సియర్ శరణ్ అనే వ్యక్తి ఒక పైసా కూడా డ‌బ్బుల‌ను అప్పుగా ఇవ్వ‌లేదు. నన్ను నా ఫ్యామిలీ ని ఇబ్బంది పెట్టేందుకు కొంత మంది పన్నిన కుట్రలో భాగంగానే నాపై కేసు పెట్టారు. మాకు ఆయ‌న డ‌బ్బులు ఇచ్చిన‌ట్లు సాక్ష్యాలు ఉంటే పోలీసుల‌కు ఆధారాలు చూపించాలి. కావాల‌నే మా బెల్లం కొండ ఫ్యామిలీ ఎదుగుద‌ల‌ను చూసి ఓర్వ‌లేక కొంత మంది ఇలాంటి కేసులు కుట్ర‌లు చేసి పెట్టిస్తున్నారు. శ‌ర‌ణ్ నాకు డ‌బ్బులు ఇచ్చిన‌ట్లు ఆధారాలు చూపెట్ట‌క‌పోతే ప‌రువు న‌ష్టం దావా వేస్తాను. నాపై త‌ప్పుడు ప్ర‌చారాన్ని చేస్తూ న‌న్ను బ్యాడ్ చేయ‌డానికి శ‌ర‌ణ్‌ ఆరోప‌ణ‌లు చేస్తున్నాడు. శ‌ర‌ణ్ వెనుక ఎవ‌రున్నార‌నే సంగ‌తి నాకు తెలుసు. వాళ్ల‌ని కూడా నేను వ‌దిలి పెట్ట‌ను. శ‌ర‌ణ్ ఏమైనా ఆధారాలుంటే పోలీస్ డిపార్ట్‌మెంట్‌కు అప్ప జెప్తే వాళ్లు న‌న్ను పిలిచి అడిగితే నేను నిజానిజాలేంట‌నేది మాట్లాడేవాడిని. అలాంటి ఏమీ లేకుండా శ‌ర‌ణ్ కోర్టులో త‌ను ప్రైవేటుగా పిటిష‌న్ వేశాడు. కోర్టు కూడా ఆధారాలు ఉంటే తీసుకు రావాల‌ని శ‌రణ్‌కు నోటీసులు ఇచ్చింది. నాకు నా పిల్ల‌లంటే పంచ ప్రాణాలు. శ‌ర‌ణ్ నా పిల్ల‌ల జోలికి వ‌చ్చాడు. శ‌ర‌ణ్‌కు వ‌దిలి పెట్టే ప్ర‌శ్నే లేదు. అత‌నిపై చ‌ట్ట ప‌ర‌మైన చ‌ర్య‌లు తీసుకుంటా. ప‌రువు న‌ష్టం దావా వేస్తాను. క్రిమిన‌ల్ కేసు పెడ‌తాను. నాకు కోర్టు నుంచి సీసీఎస్ నుంచి ఎలాంటి నోటీసులు అంద‌లేదు. హీరోగా బెల్లంకొండ శ్రీనివాస్ స‌క్సెస్‌ఫుల్ సినిమాలు చేస్తున్నాడు. ఇప్పుడిప్పుడే పెద్ద బ్యాన‌ర్స్‌లో అవ‌కాశాలు వ‌స్తున్నాయి. అత‌ని ఇమేజ్‌ను డ్యామేజ్ చేసే ప్ర‌య‌త్నాలు చేస్తున్నాడు. శ‌ర‌ణ్ ఎప్పుడూ మా అబ్బాయిని క‌ల‌వ‌నే లేదు.రూపాయి కూడా ఇవ్వ‌కుండా త‌ప్పుడు కేసు వేశాడు’’ అని బెల్లం కొండ సురేష్ తెలిపారు.

from Telugu Movie News | Movie News in Telugu | Movie Gossips in Telugu https://ift.tt/69JXIoK
v