క్యాన్సర్‌ని జయించి సోనాలీ రీ- ఎంట్రీ! ఆమె ఆలోచన, ఆశ అదేనట..

ఉత్తరాది నుంచి దక్షిణాది ప్రేక్షకుల వరకు హీరోయిన్ అంటే తెలియని ప్రేక్షకుడు ఉండడు. ఒకానొక సమయంలో బాలీవుడ్, టాలీవుడ్ తెరలపై హంగామా చేస్తూ ఫుల్ పాపులర్ అయింది సోనాలీ. వరుస సినిమాలతో తనకంటూ ఒక ప్రత్యేక గుర్తింపు తెచ్చుకొని స్టార్ హీరోయిన్‌గా ఎదిగింది. 'మురారి' సినిమాతో టాలీవుడ్‌ ప్రేక్షకులకు పరిచయమైన సోనాలీ.. ఆ తర్వాత ''ఖడ్గం, మన్మథుడు, ఇంద్ర'' లాంటి సూపర్ హిట్ సినిమాలతో ఫేమస్ అయింది. తెలుగులో సోనాలీ చేసిన ప్రతి సినిమాలో కూడా ఏదో ఒక విధంగా హైలెట్ అయ్యేది. అప్పట్లో బాక్సాఫీస్ వద్ద వరుస విజయాలు అందుకున్న ఈ బ్యూటీ.. 2004లో 'శంకర్ దాదా MBBS' అనే సినిమాతో సూపర్ సక్సెస్ ఖాతాలో వేసుకొని ఆ తర్వాత తెలుగు తెరపై కనిపించలేదు. హిందీ, మరాఠీ పరిశ్రమలకు కూడా క్రమంగా దూరమైంది. ఇందుకు ప్రధాన కారణం ఆమెకు క్యాన్సర్ అని తేలడం. క్యాన్సర్ సోకిన తర్వాత ఈ వ్యాధి చికిత్స కోసం అమెరికాలోని న్యూయార్క్‌ వెళ్ళింది సోనాలీ. కొన్నేళ్లుగా అక్కడే ఉంటూ మెరుగైన వైద్యసేవలు పొంది క్యాన్సర్ వ్యాధిని జయించింది. అలా చాలా కాలం పాటు విశ్రాంతి తీసుకొని ఇక ఇప్పుడు తిరిగి కెమెరా ముందుకు రాబోతోందట సోనాలి బింద్రే. 18 ఏళ్ల తర్వాత సినిమాల్లోకి రీ- ఎంట్రీ ఇవ్వబోతోందట. అది కూడా టాలీవుడ్ స్టార్ హీరో సినిమాతో. RRR తర్వాత ఎన్టీఆర్‌ మరో బిగ్ ప్రాజెక్టులో భాగం కాబోతున్న సంగతి తెలిసిందే. డైరెక్టర్ కొరటాల శివ దర్శకత్వంలో ఈ సినిమా రూపొందనుంది. ఈ చిత్రంలోనే సోనాలి బింద్రే కీ రోల్ పోషించనుందని సమాచారం. పాన్‌ ఇండియా సినిమాగా రాబోతున్న ఈ సినిమాతో తిరిగి పూర్వ వైభవం తెచ్చుకోవాలని సోనాలి తాపత్రయ పడుతోందట. సెకండ్ ఇన్నింగ్స్‌లో ప్రేక్షకులను మరింత అలరించి, మరోసారి వెండితెరపై తన మార్క్ చూపించాలని భావిస్తోందట. సో.. చూడాలి మరి ఏం జరుగుతుందనేది!.

from Telugu Movie News | Movie News in Telugu | Movie Gossips in Telugu https://ift.tt/bm7NUSJ
v