‘భీమ్లా నాయక్’ విషయంలో త్రివిక్రమ్‌పై నెటిజన్ సెటైర్... కౌంటర్ ఇచ్చిన డైరెక్టర్

ప్ర‌స్తుతం టాలీవుడ్ చిత్ర ప‌రిశ్ర‌మ‌లో స్టార్ డైరెక్ట‌ర్‌గా అగ్ర క‌థానాయ‌కుల‌తో సినిమాలు చేయ‌డ‌మే కాకుండా, స్టార్ రైట‌ర్‌గానూ ప్ర‌ముఖ సినిమాల‌కు త‌న వంతు సాయాన్ని అందిస్తున్నారు త్రివిక్ర‌మ్ శ్రీనివాస్‌. తెలుగు సినీ ప్రేక్ష‌కుల‌కు ఈయ‌న గురించి ప్ర‌త్యేక‌మైన ప‌రిచ‌యం అక్క‌ర్లేదు. గ‌త రెండేళ్లు ముందు ఈయ‌న డైరెక్ట‌ర్‌గా చేసిన అల వైకుంఠ‌పుర‌ములో సినిమా సాధించిన స‌క్సెస్ గురించి అంద‌రికీ తెలిసిందే. కాగా.. త‌ర్వాత ఆయ‌న ద‌ర్శ‌క‌త్వంలో మ‌రో సినిమా ఏదీ రాలేదు. అయితే రీసెంట్‌గా ప‌వ‌న్ క‌ళ్యాణ్ హీరోగా న‌టించిన చిత్రం ‘భీమ్లా నాయక్’కి .. స్క్రీన్ ప్లే, మాటలు అందించడంతో పాటు ఓ పాట‌ను కూడా రాసిన సంగ‌తి తెలిసిందే. ఈ సినిమాకు వ‌ర్క్ చేసినందుకు త్రివిక్ర‌మ్ శ్రీనివాస్‌కు భారీ మొత్తంలో రెమ్యున‌రేష‌న్ అందింద‌నే టాక్ సినీ సర్కిల్స్‌లో వినిపిస్తున్నాయి. అంతే కాకుండా త‌దుప‌రి ఆయ‌న చేస్తున్న మ‌హేష్ సినిమాకు కూడా యాబై కోట్ల‌కు పైగానే రెమ్యున‌రేష‌న్ అందుకోబోతున్న‌ట్లు వార్త‌లు హ‌ల్ చ‌ల్ చేశాయి. అలాగే త‌దుప‌రి ప‌వ‌న్ క‌ళ్యాణ్ చేయ‌బోతున్న మ‌రో రీమేక్ సినిమాకు కూడా త్రివిక్ర‌మ్ ప‌ని చేస్తున్నారు. దీనికి కూడా ఆయ‌న‌కు మంచి రెమ్యున‌రేష‌న్ అందుతుంద‌ని స‌మాచారం. అయితే ఈ వార్త‌ల‌పై ఓ నెటిజ‌న్ స్పందిస్తూ ‘ఏ మాత్రం క‌ష్ట‌ప‌డకుండా..సెట్‌లో లుంగీ క‌ట్టుకుని రీమేక్ స్టోరికి నా కొడ‌కా.. నా కొడ‌కా అనే డైలాగ్ రాసేసి కోట్లు జేబులో వేసుకుంటున్నాడు. ఏం లైఫ్ రా’ అంటూ సెటైర్ వేశాడు. అయితే నెటిజ‌న్ సెటైర్‌పై త్రివిక్ర‌మ్‌కు మ‌ద్ద‌తుగా హృద‌య కాలేయం డైరెక్ట‌ర్ స్పందించారు. ‘రూ.1500 షేరింగ్ రూమ్ స్థాయి నుంచి యాబై సినిమాల‌కు పైగా ఘోస్ట్ రైట‌ర్‌గా ప‌నిచేసి, మొద‌టి హిట్ కొట్టేందుకు ప‌దేళ్ల‌కు పైగానే క‌ష్ట‌ప‌డ్డారు. ఏదీ ఊరికే రాదు’ అంటూ సాయి రాజేష్ ఇచ్చిన కౌంట‌ర్ నెట్టింట తెగ వైర‌ల్ అవుతుంది.

from Telugu Movie News | Movie News in Telugu | Movie Gossips in Telugu https://ift.tt/QL5KuP8
v