గుర్తుతెలియని వ్యక్తులు ఇంటికి తన మూడో భార్య బండారం బయటపెట్టిన నరేష్

తన మూడో భార్య రమ్య రఘుపతికి తనకి ఎలాంటి సంబంధం లేదంటూ వివరణ ఇచ్చారు సినీ నటుడు . లక్షల్లో అప్పులు తీసుకుని తిరిగి చెల్లించడం లేదంటూ కొంతమంది బాధితులు మంగళవారం నాడు గచ్చిబౌలి పోలీసులకు ఫిర్యాదు చేయడంతో ఆమెపై ఛీటింగ్ కేసు నమోదైన విషయం తెలిసిందే. అయితే ఈ కేసుకి తనకి ఎలాంటి సంబంధం లేదంటూ తన మూడో భార్య గురించి పలు ఆసక్తికరమైన విషయాలను తెలియజేశారు నరేష్. ‘రమ్య రఘుపతి గారి ఫైనాన్సియల్ ఇష్యూస్ మీడియాలో బ్లాస్ట్ కావడంతో నాకు వరుసగా ఫోన్లు వస్తున్నాయి.. నా బంధువులు, మీడియా మిత్రులు జరిగిన దానిపై నిజానిజాలు తెలుసుకోవడానికి ఫోన్లుచేస్తున్నారు. వాళ్లందరికీ నేను చెప్పేది ఒక్కటే.. జరిగిన దానికి నాకు ఎలాంటి సంబంధం లేదు. ఇలా జరిగిందని నాకు నిన్నమొన్నటి వరకూ తెలియదు. రమ్య రఘుపతికి నాకు పెళ్లై దాదాపు తొమ్మిదేళ్లు అవుతుంది.. పెళ్లైన రెండు మూడేళ్లే మేం విడిపోయాం.. వేరుపడి ఐదేళ్లుపైనే అయ్యింది.. ఇలాంటి సమస్యలు ఉన్నాయి.. మరింత పెరుగుతుందనే కారణంతోనే మేం విడిపోయాం. విడిపోయిన తరువాత ఎవరికి వారే గౌరవంగా మా బతుకు మేం బతుకుతున్నాం. ఆమెకు నాకు ఎటువంటి సంబంధం లేదు.. వేరు వేరుగా ఉన్నాం. ఆమెకు సంబంధించి హిందూపూర్ ఇష్యూతో పాటు.. కొన్ని కొత్త విషయాలు కూడా వెలుగులోకి రావడంతో.. నాకు భయం వేసి.. నేనుకూడా రెండు నెలల క్రితమే.. పబ్లిక్ నోటీసు పేపర్‌లో ఇచ్చాను. నాకు ఈమెకు ఎలాంటి సంబంధం లేదని పేపర్‌లో నోటీసు ఇచ్చాను. ఎందుకంటే ప్రజలకు తెలియాలని.. నా వరకూ మేం దూరంగా ఉంటున్నా. కానీ గత కొన్ని దినాలుగా పెద్ద పెద్ద వాళ్లు ఇంటికి రావడం.. ఇంటి ముందు కార్లు ఉండటం.. పెద్దవాళ్లు ఏం జరుగుతుందో అని భయపడుతున్నారు.. రాత్రుల్లు కూడా చాలామంది ఇంటికి వస్తున్నారని మా వాళ్లు భయపడ్డారు.. ఇది ఫైనాన్సియల్ మ్యాటర్ కావడంతో నేను ఇన్వాల్వ్ కాలేదు.. ఇందులో నాకు ఎలాంటి సంబంధం లేదు.. అర్ధరాత్రి సమయంలో గుర్తుతెలియని వ్యక్తులు ఇంటికి వచ్చేవారు.. ఆ సమయంలోనే రమ్యను హెచ్చరించాను.. అయితే ఆమెలో మార్పు రాలేదు.. రమ్య వసూలు చేసిన డబ్బులకూ నాకు ఎలాంటి సంబంధం లేదు’ అంటూ వివరణ ఇచ్చారు నరేష్. ఇదిలా ఉంటే.. నరేష్‌కి రమ్య రఘుపతి మూడో భార్య.. ఆంధ్రప్రదేశ్ కాంగ్రెస్ మాజీ అధ్యక్షుడు, మాజీ మంత్రి రఘువీరా రెడ్డి సోదరుని కుమార్తే ఈ రమ్య రఘుపతి. ఉన్నత విద్య అభ్యసించిన రమ్య.. ఆస్ట్రేలియాలో ఫిలిం మేకింగ్ కోర్స్ పూర్తి చేసింది. సినిమాలపై ఆసక్తితో దర్శకుడు నీలకంఠ దగ్గర నందనవనం సినిమాకి అసిస్టెంట్‌గా పనిచేస్తున్నప్పడు నరేష్‌తో పరిచయం ఏర్పడి ఆ పరిచయం ప్రేమగా మారింది. ఆ ప్రేమతో తన తల్లి విజయ నిర్మల దగ్గర కో డైరెక్టర్‌గా పెట్టించారు నరేష్. ఆ తరువాత ఇరువర్గాలను ఒప్పించి 2010 పెళ్లి చేసుకున్నారు. అయితే అంతకు ముందు నరేష్‌కి ఇద్దరితో పెళ్లై.. విభేదాలతో విడిపోయారు. ఇక రమ్యని పెళ్లాడిన తరువాత కూడా విడాకుల పరంపర కొనసాగింది. పెళ్లైన మూడేళ్ల తరువాత రమ్యకి కూడా విడాకులు ఇచ్చారు నరేష్.

from Telugu Movie News | Movie News in Telugu | Movie Gossips in Telugu https://ift.tt/wskC5cu
v