2021 ఏడాది బాల‌కృష్ణ అభిమానుల‌కు పెద్ద పండ‌గే అని చెప్పాలి. ఎందుకంటే ఆయ‌న హీరోగా న‌టించిన అఖండ చిత్రం బ్లాక్ బ‌స్ట‌ర్ అయ్యింది. ఈ స‌క్సెస్ వారిలో స‌రికొత్త ఎన‌ర్జీని నింపింద‌న‌డంలో సందేహం లేదు. ఇదే స్పీడులో ఇప్పుడు బాల‌కృష్ణ త‌న త‌దుప‌రి చిత్రాన్ని సెట్స్ పైకి తీసుకెళ్ల‌డానికి రెడీ అయిపోయారు. ప్ర‌ముఖ నిర్మాణ సంస్థ మైత్రీ మూవీ మేకర్స్ బ్యాన‌ర్‌పై NBK 107గా ఈ సినిమాను తెర‌కెక్కిస్తున్నారు. గోపీచంద్ మ‌లినేని ద‌ర్శ‌క‌త్వం వ‌హిస్తున్నారు. ఇటు బాల‌కృష్ణ అఖండ‌తో స‌న్సేష‌నల్ హిట్ కొట్ట‌గా, గోపీచంద్ మ‌లినేని కూడా ఈ ఏడాది క్రాక్‌తో బ్లాక్ బ‌స్ట‌ర్ హిట్ కొట్టాడు. ఇక నిర్మాణ సంస్థ మైత్రీ మూవీ మేకర్స్ పుష్ప ది రైజ్‌తో మ‌రో విజ‌యాన్ని ద‌క్కించుకుంది. ఇలా మూడు హిట్ కాంబినేష‌న్స్ చేస్తున్న సినిమా కావ‌డంతో సినిమాపై భారీ అంచ‌నాలున్నాయి. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. లేటెస్ట్ స‌మాచారం మేర‌కు ఈ సినిమాలో సీనియర్ హీరో, క్యారెక్ట‌ర్ ఆర్టిస్ట్ విల‌న్‌గా క‌నిపించ‌బోతున్నార‌ట. ఇంత‌కీ ఎవ‌రా సీనియర్ హీరో అని అనుకుంటున్నారా? జ‌గ‌ప‌తిబాబు కాదులెండి.. యాక్ష‌న్ కింగ్ అర్జున్. తెలుగు, త‌మిళ, క‌న్న‌డ సినీ ప్రేక్ష‌కుల‌కు సుప‌రిచితుడైన అర్జున్ ఈ మ‌ధ్య క్యారెక్ట‌ర్ ఆర్టిస్ట్‌గా, విల‌న్‌గానూ న‌టిస్తూ ఆక‌ట్టుకుంటున్నారు. నితిన్ హీరోగా చేసిన లై, విశాల్ మూవీ అభిమన్యుడు చిత్రాల్లో విల‌న్‌గా ఆక‌ట్టుకున్న అర్జున్.. ఇప్పుడు సూప‌ర్ స్టార్ మ‌హేష్ తాజా చిత్రం స‌ర్కారు వారి పాట‌లోనూ విల‌న్‌గా క‌నిపించ‌నున్నార‌నే సంగ‌తి తెలిసిందే. కాగా.. ఇప్పుడు అర్జున్ లిస్టులో మ‌రో క్రేజీ ప్రాజెక్ట్ చేరింది. అదే . జ‌న‌వ‌రి 20 నుంచి NBK 107 రెగ్యుల‌ర్ షూటింగ్ ప్రారంభం కానుంది. శ్రుతి హాస‌న్ హీరోయిన్‌గా న‌టించ‌నుంది. ఈ చిత్రానికి వేట‌పాలెం అనే టైటిల్ ప‌రిశీల‌న‌లో ఉన్న‌ట్లు వార్త‌లు సినీ వ‌ర్గాల్లో హ‌ల్ చ‌ల్ చేస్తున్నాయి. మ‌రో వైపు బాల‌కృష్ణ తెలుగు ఓటీటీ ఆహా కోసం చేస్తున్న అన్‌స్టాప‌బుల్ టాక్ షోను నాన్ స్టాప్‌గా పూర్తి చేసే ప‌నిలో బిజీగా ఉన్నారు. NBK 107లోనూ గోపీచంద్ మ‌లినేని బాల‌కృష్ణ‌ను డ్యూయెల్ రోల్‌లో చూపించ‌బోతున్నార‌నే వార్త‌లు నెట్టింట తెగ హ‌ల్ చేస్తున్నాయి.
from Telugu Movie News | Movie News in Telugu | Movie Gossips in Telugu https://ift.tt/3FFocAd
v
No comments:
Post a Comment