ఏజ్ ఎంత అని అడిగాడు బన్నీ.. ఏంటి ఇలా అడిగాడు అనుకుని నాకు ఇద్దరు కూతుళ్లన్నా..: పుష్ప తల్లి కల్పలత

‘పుష్ప’ సినిమాలో అల్లు అర్జున్‌కి తల్లిగా అద్భుత నటనతో ఆకట్టుకున్నారు . బన్నీ కాంబినేషన్స్‌లో వచ్చే మదర్ సెంటిమెంట్ సీన్లు సినిమాకే హైలైట్ అయ్యాయి. దాదాపుగా 50 పైగా సినిమాలు.. 10 సీరియల్స్‌లో నటించినా రాని గుర్తింపు పుష్ప సినిమాతో అందిపుచ్చుకుంది కల్పలత. బన్నీకి తల్లి పాత్రలో ఒదిగిపోయిందామె. ఎమోషనల్ సీన్లలో కళ్లు చెమ్మగిల్లేట్టు చేసింది. అయితే సినిమాలో పుష్పరాజ్‌కి తల్లి క్యారెక్టర్ చేసినప్పటికీ.. ఏజ్‌లో పుష్పరాజ్ కంటే పెద్ద ఎక్కువ కాదంటూ.. తన ఏజ్‌పై అల్లు అర్జున్ తనతో జరిపిన చర్చనంతా చెప్పుకొచ్చిందామె. ‘పుష్ప’ కారు కొని ఇంటికి తీసుకుని వచ్చే సీన్ షూట్‌లో బన్నీ నన్ను.. ‘అమ్మా మీ ఏజ్ ఎంత?’ అని అడిగాడు.. నేను షాక్ అయ్యా.. ఏంటి ఇలా అడిగాడు అనుకున్నా.. సార్ అని అనేసరికి.. మీ ఏజ్ ఎంత అని అడుగున్నా.. కంగారు పడమాకు అన్నారు. సార్ నాకు 42 అనేసరికి .. హా 42 ఏళ్లేనా?? అని ఆశ్చర్యంగా చూసి.. ఎంతమంది పిల్లలని అడిగారు. ఇద్దరు పిల్లలు అనేసరికి.. వాళ్లు ఏం చదువుకుంటున్నారని అడిగారు. సార్ వాళ్లిద్దరూ జాబ్ అనేసరికి.. ఆయన ఎక్స్ ప్రెషన్ ఛేంజ్ అయిపోయింది. జాబ్ చేయడం ఏంటమ్మా.. ఇంతకీ పెళ్లి ఎప్పుడైంది అని అడిగారు. 14 ఏళ్లకే పెళ్లైందని చెప్పాను. ఇంతలో సుకుమార్ సార్ వచ్చేసరికి షాట్ చేశాం.. ఆ షాట్ అయిపోయిన తరువాత మళ్లీ బన్నీ సార్.. నా ఏజ్ గురించే మాట్లాడారు. నాకు నీకు ఏజ్‌లో ఎంత తేడానో తెలుసా? రెండు సంవత్సరాలే తేడా.. అని అన్నారు. ఆయనతో ఏం మాట్లాడాలో తెలియలేదు. ఎందుకంటే ఆయన వయసులో నాకంటే పెద్దతను కాకపోయినా.. అనుభవంలో పెద్దవాడు. అందుకే ఓకే సార్ ఓకే సార్ అనేదాన్ని. ఆయన నా ఏజ్ తలుచుకుని నావైపు చూస్తాడు నవ్వుతాడు.. చూస్తాడు నవ్వుతాడు షూట్‌లో ఇలాగే జరిగేది. మరి ఆయన ఎందుకు అలా అనిపించిందో తెలియదు కానీ.. సుకుమార్ సార్ వచ్చేసరికి డార్లింగ్.. మా అమ్మకి నాకు రెండు సంవత్సరాలే తేడా తెలుసా? అని చెప్పారు. అవునయ్యా.. ఇప్పుడు నన్నేం చేయమంటావ్.. నా వయసు చెప్పమంటావా? అని సుకుమార్ సార్ నవ్వేవారు. ఎక్కువ డిస్కషన్ మా ఏజ్‌ గురించే జరిగేది.. లొకేషన్ మొత్తం సందడి సందడిగా ఉండేది. పుష్ఫ సినిమాలో నాకు బన్నీకి మధ్య లెంగ్తీ డైలాగ్‌లు ఉన్నాయి.. చివరికి ట్రిమ్ చేసీ చేసీ.. చిన్నగా అయ్యాయి’ అంటూ చెప్పుకొచ్చారు కల్పలత. పుష్ప సినిమాతో ప్రపంచ వ్యాప్తంగా పాపులర్ అవుతున్న కల్పలత స్వస్థలం తెలంగాణలోని ఖమ్మంజిల్లా మణుగూరు. పదో తరగతిలోనే కల్పలతకి పెళ్లైంది. ఆమె భర్త రియల్ ఎస్టేట్ వ్యాపారం చేస్తుండగా.. వీరికి ఇద్దరు కూతుళ్లు. వీళ్లిద్దరూ అమెరికాలో చదువుకుంటున్నారు. ఇప్పుడు పుష్ప చిత్రంలో నటించిన కల్పలత.. అంతకుముందు బాహుబలి, వకీల్ సాబ్, ఎక్ప్‌ ప్రెస్ రాజా, నేనే రాజు నేనే మంత్రి, అర్జున్ రెడ్డి, భాగమతి, హిట్ వంటి విజయవంతమైన చిత్రాల్లో నటించింది. అయితే పుష్ప చిత్రంతో ఆమెకు గుర్తింపు లభించింది.

from Telugu Movie News | Movie News in Telugu | Movie Gossips in Telugu https://ift.tt/3pEZYkb
v