అదృష్టం, కష్టం కాదు.. నన్ను నేను నమ్ముకుంటా: 'గాలోడు' సుడిగాలి సుధీర్!!

'జబర్దస్త్' షోతో కమెడియన్‌గా తనకంటూ ప్రత్యేకమైన ఫాలోయింగ్ కూడగట్టుకున్నాడు . బుల్లితెరపై రాణిస్తూ కూడా స్టార్ హీరో రేంజ్ పాపులారిటీ సంపాదించవచ్చు అని నిరూపించిన ఆయన ఆ క్రేజ్ క్యాచ్ చేసుకుంటూ వీలు చిక్కినప్పుడల్లా వెండితెరపై అలరిస్తున్నాడు. మొదట చిన్న చిన్న పాత్రలు చేస్తూ వచ్చిన ఈ సుడిగాడు హీరో అవతరమెత్తి 'గాలోడు' మూవీ చేస్తున్నాడు. బుల్లితెరపై వచ్చిన క్రేజ్ వెండితెరపై కూడా రావాలని ఆరాటపడుతూ విలక్షణ కథలతో తన అదృష్టాన్ని పరీక్షించుకుంటున్నాడు. ఈ క్రమంలోనే 'గాలోడు' సినిమాతో ప్రేక్షకుల ముందుకు రావడానికి రెడీ అయ్యాడు. తాజాగా ఈ సినిమా టీజర్ రిలీజ్ చేయగా ఇందులో డిఫరెంట్ మాస్ లుక్‌లో కనిపించి సడెన్ షాకిచ్చాడు ఈ సుడిగాలి సుధీర్. కేవలం 52 సెకనుల నిడివితో కట్ చేసిన ఈ టీజర్‌లో సుధీర్ లుక్స్, హీరోయిజం బాగా ఎలివేట్ చేసి చూపించారు. "అదృష్టాన్ని నమ్ముకున్నవాడు కష్టాల పాలవుతాడు .. కష్టాన్ని నమ్ముకున్నవాడు అదృష్టవంతుడవుతాడు. కానీ నేను ఈ రెండిటినీ నమ్ముకోను.. నన్ను నేను నమ్ముకుంటాను" అనే డైలాగ్‌తో అదరగొట్టేశాడు సుధీర్. ఇది పక్కా మాస్ మూవీ అని టీజర్ ద్వారా చెప్పకనే చెప్పిన గాలోడు యూనిట్ స్పెషల్ విజువల్స్‌తో సినిమాపై ఆసక్తి పెంచేశారు. ఈ సినిమాలో మాస్ యాక్షన్ సీన్స్ మెండుగా ఉంటాయని, ఇది సుధీర్ కెరీర్‌కి టర్నింగ్ పాయింట్ అవుతుందని ఈ వీడియో చూస్తుంటే అర్థమవుతోంది. రాజశేఖర్ రెడ్డి పులిచర్ల దర్శకత్వంలో రూపొందుతున్న ఈ సినిమాను సంస్కృతి ఫిలిమ్స్ బ్యానర్‌పై రూపొందిస్తున్నారు. చిత్రంలో ఇతర ముఖ్య పాత్రల్లో సప్తగిరి, పృథ్వీ కనిపించనున్నారు. త్వరలోనే ఈ సినిమా ప్రేక్షకుల ముందుకు రానుంది.

from Telugu Movie News | Movie News in Telugu | Movie Gossips in Telugu https://ift.tt/3sMTQbG
v