ప‌వ‌ర్ స్టార్ పవన్ క‌ళ్యాణ్, రానా దగ్గుబాటి హీరోలుగా రూపొందుతోన్న లేటెస్ట్ మూవీ ‘భీమ్లా నాయక్’. ఈ సినిమాను వ‌చ్చే ఏడాది సంక్రాంతికి విడుద‌ల‌వుతుంద‌ని పవన్ క‌ళ్యాణ్ ఫ్యాన్స్ ఎంతో ఆతృత‌గా, ఆశ‌గా, ఆస‌క్తిగా ఎదురు చూశారు. అయితే పాన్ ఇండియా సినిమాలైన RRR, రాధే శ్యామ్ వంటి సినిమాలు ఉండ‌టంతో బాక్సాఫీస్ ద‌గ్గ‌ర పోరు ఇబ్బందిగా మారి క‌లెక్ష‌న్స్‌పై ప్ర‌భావం చూపే అవ‌కాశం ఉండ‌టంతో పవన్ క‌ళ్యాణ్ పెద్ద మ‌న‌సు చేసుకుని త‌న భీమ్లా నాయ‌క్‌ను శివ రాత్రి సంద‌ర్భంగా ఫిబ్ర‌వ‌రి 25న విడుద‌ల చేయ‌డానికి నిర్ణ‌యించుకున్నారు. త‌మ అభిమాన స్టార్ హీరో మూవీ అనుకున్న తేదికి రిలీజ్ కాక‌పోవ‌డంతో పవన్ ఫ్యాన్స్ కాస్త నిరాశ‌కు లోన‌య్యారు. అయితే వారిని కూల్ చేయ‌డానికి భీమ్లా నాయక్ యూనిట్ ప్లాన్ చేసి, కొత్త సంవ‌త్స‌రం సంద‌ర్భంగా ఈ సినిమాలో పెద్ద హిట్ అయిన పాట ‘లాలా భీమ్లా..’ సాంగ్‌కు డీజే వెర్షన్‌ను రూపొందించి విడుద‌ల చేసింది. విడుదలైన కొన్ని నిమిషాల‌కే ఈ పాట మిలియ‌న్ వ్యూస్ దిశ‌గా ప‌రుగులు తీస్తోంది. పాట‌కు ఒక ల‌క్షా డెబ్బై వేలు లైక్స్ కూడా వ‌చ్చాయి. ఈ పాట‌తో పవన్ ఫ్యాన్స్ కొత్త సంవ‌త్స‌రం హుషారు వచ్చింది. మ‌ల‌యాళ చిత్రం అయ్య‌ప్ప‌నుమ్ కోశియ‌మ్ సినిమాకు రీమేక్‌గా భీమ్లా నాయక్ సినిమాను రూపొందిస్తున్నారు. ప్ర‌ముఖ నిర్మాణ సంస్థ సితార ఎంట‌ర్‌టైన్‌మెంట్స్ బ్యాన‌ర్‌పై సూర్య దేవ‌ర నాగ వంశీ ఈ చిత్రాన్ని నిర్మిస్తున్నారు. సాగ‌ర్ కె.చంద్ర ద‌ర్శ‌క‌త్వం వ‌హిస్తున్నారు. ప్ర‌ముఖ ద‌ర్శ‌కుడు, ర‌చ‌యిత త్రివిక్ర‌మ్ శ్రీనివాస్ ఈ చిత్రానికి స్క్రీన్ ప్లే, డైలాగ్స్ అందించ‌డంతో పాటు లాలా భీమ్లా సాంగ్‌ను కూడా రాయ‌డం విశేషం. పవన్ క‌ళ్యాణ్ జోడీగా ఇందులో నిత్యా మీన‌న్ నటిస్తే.. రానా దగ్గుబాటి జోడీగా సంయుక్తా మీన‌న్ నటించారు. ఇప్పటి వరకు ఈ సినిమా నుంచి విడుదలైన పాటలు, ప్రోమోలకు ప్రేక్షకుల నుంచి చాలా మంచి రెస్పాన్స్ వచ్చింది. పవన్ ఇందులో పాత్రలో నటిస్తే.. డానియల్ శేఖర్ అనే పాత్రలో రానా దగ్గుబాటి నటించారు. ఇద్దరు వ్యక్తుల ఇగోల కారణంగా వారి జీవితాల్లో చోటు చేసుకున్న మార్పులే ఈ సినిమా కథాంశం.
from Telugu Movie News | Movie News in Telugu | Movie Gossips in Telugu https://ift.tt/31hilCu
v
No comments:
Post a Comment