పాట మూగబోయింది.. స్నేహితుడిగా, ప్రేమికుడిగా, భర్తగా, భార్యగా, భక్తుడిగా, దేవుడిగా, విమర్శకుడిగా, ప్రేక్షకుడిగా ప్రతి పాటకు ఆయన ఆలోచనగా మారి పాటతో ప్రేక్షకుడ్ని ప్రశ్నించడమే కాదు.. ఉత్తేజాన్ని నింపిన పాటల ఇంద్రజాలీకుడు, మాంత్రికుడు, తాంత్రికుడు ఎవరైనా ఉన్నారా? అంటే అందుకు సమాధానంగా కనిపించిన వ్యక్తి సీతారామశాస్త్రి. దాదాపు మూడున్నర దశాబ్దాల ప్రయాణంలో ఆయన కలం ఎప్పుడూ ఆలపెరగలేదు. వేలాది పాటలు రాసి ప్రేక్షకుల గుండెల్లో తన ప్రశ్నల పరంపరతో, స్పూర్తితో జ్వాలను రగిల్చిన నిత్య చిరంజీవి సిరివెన్నెల సీతారామశాస్త్రి. మహా మహులు పోటీ పడుతున్న కాలంలో వచ్చి రావడంతోనే హ్యాట్రిక్ నందులను సొంతం చేసుకుని సీనియర్ రైటర్ వేటూరికి ప్రత్యామ్నాయంగా నిలిచిన దిగ్గజం మన సిరివెన్నెల సీతారామశాస్త్రి. ఈయన ఇంటిపేరు సిరివెన్నెల అని చాలా మంది నేటి తరానికి చెందినవారు అనుకోవచ్చు కానీ.. అది కాదు. సీతారామశాస్త్రి ఇంటిపేరు చేంబోలు. కానీ తొలిచిత్రం సిరివెన్నెల. ఈ సినిమాను డైరెక్టర్ కె.విశ్వనాథ్. ఆయన పరిచయం చేసిన రైటర్ సీతారామశాస్త్రి. తొలి చిత్రంతోనే తన పెన్ పవర్ ఏంటో తెలుగు సినీ పరిశ్రమకు రుచి చూపించి అందరి దృష్టిని తనవైపు తిప్పుకునేలా చేసుకోవడం ఆయనకే చెల్లింది. అందుకనే ఆయన ఇంటిపేరు సిరివెన్నెలగా మారిపోయింది. తార్కికం, తాత్వికత కలయికతో భావాన్ని వ్యక్తపరచడం ఎంతో ముఖ్యమనేది సిరివెన్నెల సీతారామశాస్త్రిగారి భావన. ఆ భావాలను దృష్ట్యాంతాలుగా ఆయన పాటలు మనకు కనిపిస్తాయి. జనం బలహీనతలకు లోబడి చౌకబారు పాటలు రాస్తున్నామని ఎవరైనా అంటే అందుకు సిరివెన్నెల ఒప్పుకోరు. ప్రేక్షకులను తక్కువ అంచనా వేయకూడదని, ఎలాంటి పాట రాసినా, దాన్ని రాయాల్సిన పద్ధతిలో రాస్తే వారు తప్పకుండా ఆమోదిస్తారని, జేజేలు పలుకుతారనేది సీతారామశాస్త్రి వాదన. సినిమా పాటపై చిన్నచూపు ఉండకూడదని వాదించేవారిలో ఆయనెప్పుడూ ముందుంటారు. అలాగే కోరికకు, ప్రేమకు మధ్య ఉన్న ఆ తేడాను గుర్తెరిగి పాటలు రాయాలంటారు సిరివెన్నెల. అందుకే ఆయన ఇంటికి నందులు తరలివచ్చాయి. సీతారామశాస్త్రికి నంది అవార్డులను తెచ్చి పెట్టిన పాటలు 1. విధాత తలపున ప్రభవించినది - సిరివెన్నెల (1986) 2. తెలవారదేమీ సామి - శ్రుతిలయలు (1987) 3. అందెల రవమిది పదములదా - స్వర్ణ కమలం (1988) 4. సురాజ్యమవలేని స్వరాజ్యమెందులకు - గాయం (1993) 5. చిలకా ఏ తోడు లేక - శుభలగ్నం (1994) 6. మనసు కాస్త కలతపడితే - శ్రీకారం (1996) 7. అర్ధశతాబ్దపు అజ్ఞానాన్ని - సింధూరం (1997) 8. దేవుడు కరుణిస్తాడని - ప్రేమకథ (1999) 9. జగమంత కుటుంబం నాది - చక్రం (2005) 10. ఎంత వరకు ఎందు కొరకు - గమ్యం (2008)
from Telugu Movie News | Movie News in Telugu | Movie Gossips in Telugu https://ift.tt/3llssNe
v
No comments:
Post a Comment