అయ్యయ్యో వద్దమ్మా శరత్‌కి మూడు సినిమా ఆఫర్లు.. ఒక యాడ్ కూడా.. ఇక సుఖీభవే!!

భాగ్యనగరంలో తీన్మార్ డప్పులు ఏదో మూలన వినిపిస్తూనే ఉంటాయి. వేడుకలు, వినోదాలు, ఊరేగింపులలో తీన్మార్ దరువుకు అదిరిపోయే స్టెప్పులు వేస్తుంటారు యువకులు. మొన్న ఓ పెళ్లి వేడుకలో బుల్లెట్ బండి పాటకు నవ వధువు చేసిన డాన్స్ ఎంత వైరల్ అయ్యిందో అందరికీ తెలిసిందే. ఆ వెంటనే.. .. సుఖీభవా.. సుఖీభవా అంటూ నెట్టింట వైరల్ అయ్యాడు హైదరాబాద్ నల్లగుట్ట యువకుడు శరత్. ఏంటి ఇతనిలో స్పెషాలిటీ.. ఓవర్ నైట్‌లో పాపులర్ అయిపోయేటంతతా ఏం చేశాడబ్బా అంటే.. ఓ టీపొడి యాడ్‌ని రీ క్రియేట్ చేసి.. దానికి తీన్మార్ దరువు సాయంతో చిన్న వీడియో చేశాడు. ఏ టీ పొడి.. ఏం యాడ్ అంటే.. ‘రెడ్ లేబుల్ టీ పొడికి సంబంధించిన యాడ్ మన టీవీల్లో వస్తూనే ఉంటుంది. ఆ యాడ్‌లో ఓ ట్రాన్స్‌జెండ‌ర్‌ వర్షంలో ట్రాఫిక్ సిగ్న‌ల్ వ‌ద్ద ఆగి ఉన్న ఓ కారు ద‌గ్గ‌రికి వెళ్లి డోర్ కొడుతుంది. ఆమెను చూసి కారులో కూర్చున్న‌పెద్దావిడ‌ భిక్షం అడిగేవాళ్లు అనుకుని.. విసిగించ‌డానికి వ‌స్తారు ఎక్క‌డి నుంచో అని కారు గ్లాస్ తీసి 10 రూపాయ‌లు ఇవ్వ‌బోతుంది. అప్పుడు ఆ ట్రాన్స్ జెండర్.. అయ్య‌య్యో వ‌ద్ద‌మ్మా.. ఈ ప‌క్క‌నే నా టీకొట్టు ఉంద‌మ్మా.. అంద‌రికీ ఓ క‌ప్పు టీ ఇద్దామ‌నుకున్నాను అని చెప్పి ఓ కప్పు టీ ఫ్రీగా ఇస్తుంది. దీంతో పెద్దావిడ‌ ఆ ట్రాన్స్ జెండర్‌ని దగ్గరకు పిలిచి డ‌బ్బులు ఇవ్వ‌డం లేదు కానీ.. సుఖీభ‌వ‌ అంటుంది.. ఆ తరువాత ‘బ్రూక్ బాండ్ రెడ్ లేబుల్.. మ‌మ‌కార‌పు మాధుర్యం.. అంటూ యాడ్ ముగుస్తుంది. నిజానికి ఈ యాడ్.. అంతగా పాపులర్ కాలేదు.. ఎప్పుడైతే శరత్ రీక్రియేట్ చేశాడో.. క్షణాల్లో వీడియో వైరల్ అయ్యింది.. ఈ పోరగాడ్ని సెలబ్రిటీగా మార్చేసింది. నల్లగుట్ట శరత్.. అయ్యేట్టు చేసింది. ఇదిలాఉంటే.. శరత్‌పై కొంతమంది యువకులు దాడి చేయడంతో వార్తల్లో నిలిచాడు. కొంతమంది హిజ్రాలు ఇతనిపై దాడి చేశారని మొదట్లో వార్తలు రాగా.. అయ్యయ్యో కాదమ్మా.. నన్ను కొట్టింది వాళ్లు కాదూ.. కుమ్మిందైతే నిజమే కానీ.. కొట్టడానికి పెద్ద కథే ఉందమ్మా అంటూ అసలు నిజం చెప్పాడు. పాత గొడవల నేపథ్యంలోనే తనపై దాడి జరిగిందని చెప్పాడు శరత్. తన ఫ్రెండ్ చెల్లెల్ని ఎవడో ఏడిపిస్తే వాళ్లని కొట్టానని వాళ్లు కేసు పెట్టడంతో జైలుకి కూడా వెళ్లానని.. జైలు నుంచి వచ్చిన తరువాత దారి కాచి కొట్టారంటూ అసలు విషయం చెప్పాడు శరత్. సుఖీభవ వీడియోతో తాను బాగా పాపులర్ అయిపోవడంతో.. అది చూసి తట్టుకోలేక తనని తొక్కేయడానికే కొట్టారంటూ పాత గొడవల్ని బయటపెట్టాడు శరత్. నిన్ను తొక్కేయడం ఏంట్రా నాయనా.. వీడియో చేసినందుకే తొక్కేస్తారా అని అంటే.. ఈ వీడియో వల్ల తనకి మూడు సినిమా ఆఫర్లు వచ్చాయని చెప్పాడు శరత్. ఈ వీడియో చూసిన తరువాత వరుసగా నాకు మూడు సినిమా ఆఫర్లు వచ్చాయి.. అంతే కాదు.. ఒక యాడ్‌లో కూడా చేస్తున్నా.. నేను ఎదుగుతుండటం చూడలేక నన్ను తొక్కేయడానికి దాడి చేసి కొట్టారు.. టైంకి పోలీసులు వచ్చారు కాబట్టి వదిలేశారు కానీ.. లేదంటే చంపేసేవారు అంటూ సుభీభవ శరత్ జరిగిన విషయాలను పూసగుచ్చినట్టు చెప్పుకొచ్చాడు.

from Telugu Movie News | Movie News in Telugu | Movie Gossips in Telugu https://ift.tt/3jekQuW
v