గత ఏడాదిన్నర కాలంగా సినిమా, టీవీ పరిశ్రమల్లో వరుసగా విషాదాలు చోటు చేసుకుంటున్నాయి. యువ హీరోలు, హీరోయిన్లు.. వివిధ కారణాల వల్ల ఈ లోకాన్ని విడిచి వెళ్తున్నారు. అయితే ఇందులో ఎక్కువశాతం మంది ఆత్మహత్య చేసుకొని ప్రాణాలు విడవటం తీవ్ర బాధకు గురి చేస్తోంది. తాజాగా కన్నడ సినీ పరిశ్రమలో కూడా ఇలాంటి విషాదకర ఘటనే చోటు చేసుకుంది. కన్నడ టీవీ నటి బెంగళూరులోని తన అపార్ట్‌మెంట్‌లో ఆత్మహత్య చేసుకుంది. కుంబల్గోడు ప్రాంతంలోని ఆమె అపార్ట్‌మెంట్‌లోనే ఉరి వేసుకొని ఆత్మహత్యకు పాల్పడింది. ఆమె చాలా సమయం వరకూ ఆమె తలుపు తెరుచుకోకపోవడంతో.. బలవంతంగా ఆమె అపార్డ్‌మెంట్ తలుపులు బద్దతుకొట్టి లోపలికి వెళ్లిన వారికి ఆమె విగతజీవిగా కనిపించింది. దీంతో పాటు ఆమె రాసిన నాలుగు పేజీల.. సూసైడ్ నోట్ కూడా దొరికింది. అయితే ఆమె రాసిన సూసైడ్ నోట్‌లో తన చావుకి ఎవరు కారణం కారు అని.. వ్యక్తిగత కారణాల వల్లే తాను ఆత్మహత్య చేసుకున్నట్లు పేర్కొంది. ఇంగ్లీష్, కన్నడ భాషల్లో రాసిన సూసైడ్ నోట్ ద్వారా పోలీసులు ప్రాధమిక విచారణ ప్రారంభించారు. ఆమె తోటి నటీనటులు, కుటుంబ సభ్యులను వాళ్లు విచారిస్తున్నారు. ముఖ్యంగా తన కుటుంబసభ్యులను ‘క్షమించండి’ అంటూ ఆమె సూసైడ్ నోట్‌లో కోరడంతో మరింత చర్చనీయాంశం అయింది. అంతేకాక.. ఆమెకు ఎలాంటి ఆరోగ్య సమస్యలు లేవని.. మానసికంగానే ఆమెకు కొన్ని సమస్యలు ఉన్నాయి అంటూ తెలిసింది. సౌజన్య పలు కన్నడ సీరియల్స్‌తో పాటు సినిమాల్లో కూడా నటించింది. ఆమె మరణం ఇప్పుడు కన్నడ చిత్ర పరిశ్రమలో చర్చనీయాంశంగా మారింది. ఓవైపు పోలీసులు ఈ కేసుపై క్షుణ్ణంగా విచారణ చేస్తుండగా.. అభిమానులు, తోటి కళాకారులు సౌజన్య ఆత్మకు శాంతి చేకూరాలని కామెంట్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/39Yh83r
v
No comments:
Post a Comment