స్టార్ హీరోతో నటించనున్న కియారా.. తెలుగుతో పాటు.. తమిళ ఆడియన్స్‌ని ఫిదా చేసేందుకు రెడీ!

తెలుగులో సినిమాలు చేసి.. ఇక్కడ సరైన అవకాశాలు లభించకపోవడంతో చాలా మంది హీరోయిన్లు బాలీవుడ్ బాటపడుతుంటారు. అయితే కొందరికి అక్కడ మంచి సక్సెస్ లభించడంతో బాలీవుడ్‌లో సెటిల్ అవుతారు. కానీ, కొందరు మాత్రం అక్కడ సినిమాలు చేస్తూనే మళ్లీ తెలుగు లేదా ఇతర దక్షిణ ఇండస్ట్రీల్లో అవకాశాలు కోసం చూస్తుంటారు. రీసెంట్‌గానే తాప్సీ.. ఇదే పని చేసింది. ఓవైపు బాలీవుడ్‌లో సినిమాలు చేస్తూనే.. తమిళంలో సేతుపతితో కలిసి ఓ సినిమాలో నటించింది. ఇక నటి కూడా ఇదే బాటలోకి వచ్చింది. ఇప్పటికే తెలుగులో ‘భరత్ అనే నేను’, ‘వినయ విధేయ రామా’ సినిమాల్లో నటించింది. కానీ, బాలీవుడ్‌ నుంచి ఎక్కువగా అవకాశాలు రావడంతో అక్కడకు చెక్కేసింది ఈ భామ. అయితే ఇప్పుడు మళ్లీ దక్షిణాది ఇండస్ట్రీపైపు అడుగులు వేస్తోంది కియారా. రామ్ చరణ్ హీరోగా, సెన్సేషనల్ దర్శకుడు శంకర్ రూపొందిస్తున్న సినిమాలో ఇప్పటికే హీరోయిన్‌గా కియారాను ఫిక్స్ చేసింది. అయితే ఇప్పుడు మరో స్టార్ హీరోతో నటించి.. ఇటు తెలుగు అటు తమిళ ప్రేక్షకులను అలరించేందుకు రెడీ అయింది కియారా. వంశీ పైడిపల్లి, దళపతి విజయ్, దిల్ రాజు కాంబినేషన్‌లో త్వరలో ఓ సినిమా రూపొందతున్న విషయం తెలిసిందే. ‘మహర్షి’ సినిమా తర్వాత మహేష్‌ బాబుతో కలిసి మరో సినిమా చేయాలని భావించారు. అయితే డేట్స్ కుదరకపోవడంతో అదే కథని.. విజయ్‌కి తగ్గట్లుగా మార్పులు చేసి.. సినిమా తెరకెక్కిస్తున్నట్లు సమాచారం. అయితే ఈ సినిమా కోసం దర్శకుడు వంశీ పైడిపల్లి స్టార్ హీరోయిన్‌ను సెలెక్ట్ చేసుకుంటున్నట్లు తెలుస్తోంది. కియారా అడ్వాణీనే ఈ సినిమాలో హీరోయిన్‌గా ఎంపిక చేశారట దర్శకుడు వంశీ పైడిపల్లి. అయితే ఇటు తెలుగుతో పాటు అటు తమిళంలో కూడా మంచి గుర్తింపు వచ్చే అవకాశం ఉండటంతో కియారా కూడా ఈ సినిమాకు వెంటనే ఓకే చెప్పినట్లు సమాచారం. త్వరలోనే దీనిపై అధికారికంగా ప్రకటన వెలువడే అవకాశం ఉంది.

from Telugu Movie News | Movie News in Telugu | Movie Gossips in Telugu https://ift.tt/3uoAPeq
v