ఒక్కరు ఇద్దరయ్యారు.. ఇద్దరు ముగ్గురయ్యారు.. ముగ్గురు నలుగురయ్యారు.. అది ఇప్పటివరకే కానీ.. ఈ చతుర్ముఖ పోరులో ఐదో వ్యక్తి చేరారు.. ఆయన ఎవరో కాదు . ‘మా’ ఎన్నికల వేడి టాలీవుడ్ని హీటెక్కిస్తోంది.. ఇప్పటికే మంచు విష్ణు, ప్రకాష్ రాజ్ల మధ్య పోరు రసవత్తరంగా మారగా.. జీవిత రాజశేఖర్, హేమలు కూడా పోటీలో ఉన్నారు. వీరితో పాటు.. సీవీఎల్.. మరో ఇద్దరు ముగ్గురు కూడా పోటీలు నేనంటే నేను అని అంటుండగా.. వాళ్లు వీళ్లు కాదు.. అసలు పోటీ నేనే గెలిచేది కూడా నేనే అంటూ ఎంట్రీ ఇచ్చారు సీనియర్ నటుడు కాదంబరి కిరణ్. ‘మా’ ఎన్నికల్లో పోటీ చేస్తున్నానంటూ బాంబ్ పేల్చిన ఆయన.. కీలక వ్యాఖ్యలు చేశారు. ‘‘ఇప్పటివరకూ మూవీ ఆర్టిస్ట్ అసోసియేషన్ను వదిలేశా కానీ.. ఈ ఎలక్షన్స్లో మాత్రం వదిలేది లేదు.. వచ్చే ‘మా’ ఎలక్షన్స్లో ప్రెసిడెంట్గా నిలబడతా. ఖచ్చితంగా పోటీ చేస్తా.. ప్రస్తుతం పోటీలో ఐదుగురు కాదు.. ఎనిమిది మంది ఉన్నా పర్లేదు.. నేను మాత్రం ఉంటా. ప్రస్తుతం పోటీ చేస్తున్న వాళ్లలో నటి హేమ ప్రెసిడెంట్ పదవికి మంచి ఛాయిస్. జీవిత ది బెస్ట్ లీడర్.. అలాగే కాదంబరి కిరణ్ ఏంటో అందరికీ తెలిసిందే. కానీ గెలిచేది మాత్రం నేను. ఫైట్ టఫ్గా ఏమీ ఉండదు.. నేనే గెలుస్తున్నా కాబట్టి. ప్రకాష్ రాజ్, విష్ణు, సీవీఎల్, జీవిత ఇలా ఎంతమంది పోటీలో ఉన్నా గెలిచేది నేనే. ఇందులో ఎలాంటి సందేహం లేదు. ఎందుకంటే.. మూవీ ఆర్టిస్ట్ అసోసియేషన్లో 900 మంది మెంబర్లు ఉన్నారు.. కానీ ఓటింగ్కి నాలుగైదు వందలమంది మాత్రమే వస్తారు.. రాని వారు ఎలాగూ రారు కాబట్టి.. 415 ‘మా’ మెంబర్లు ఓటింగ్లో పాల్గొంటారు. అందులో నాకు 300 ఓట్లు రావడం పక్కా. అప్పుడు నేను గెలుస్తానా? లేదా?? ఒకవేళ 900 మంది ఓటింగ్లో పాల్గొన్నా నాకు 300 ఓట్లు వస్తాయి.. నో డౌట్.. నన్ను అంత అభిమానిస్తారు.. కాదంబరి కిరణ్ ఉంటే వాడు వచ్చి ఓట్లు వేయమని అడగాల్సిన పని లేదు.. వచ్చి ఓటు వేస్తాం అని చాలామంది ఫిక్స్ అయ్యి ఉంటారు’’ అంటూ ధీమా వ్యక్తం చేశారు కాదంబరి కిరణ్.
from Telugu Movie News | Movie News in Telugu | Movie Gossips in Telugu https://ift.tt/3zaUvnx
v
No comments:
Post a Comment