‘బిగ్‌బాస్’ బ్యూటీకి మరో షాక్ ఇచ్చిన కోర్టు.. మీరా ఇంకొంత కాలం జైల్లో ఉండాల్సిందేనట..!

కొన్ని రోజులుగా త‌మిళ న‌టి, బిగ్ బాస్ ఫేం ఇష్యూ తీవ్ర చర్చనీయాంశం అవుతోంది. షెడ్యూల్డ్ కులాలకు చెందిన దర్శకులు, నటీనటులను ఉద్దేశిస్తూ షాకింగ్ కామెంట్స్ చేసిన ఆమె చిక్కుల్లో పడింది. ద‌ళితుల‌ను ఇండ‌స్ట్రీ నుండి తరిమేయాలని మీరా చెప్పడంతో ఆమెపై ఎస్సీ, ఎస్టీ ప్రివెన్షన్ ఆఫ్ అట్రోసిటిస్ యాక్ట్ క్రింద సెక్షన్ 153A(1)(a), 505(1)(b), 505 (2) ప్రకారం కేసులు నమోదయ్యాయి. ఆమెను అరెస్టు చేయటం ఖాయమన్న మాట వినిపించినంతనే.. ఆమె పోలీసులకు సవాలు విసిరారు. తనను అరెస్ట్ చేయడం అంటే అది కలలోనే జరగాలి అని.. పోలీసులకు దమ్ముంటే తనని అరెస్ట్ చేయాలని ఆయన ట్వీట్‌లో పేర్కొంది. సాధ్యమైతే తనను నిర్భయంగా అరెస్ట్ చేసుకోవచ్చని ఛాలెంజ్ చేసింది. తనను అరెస్ట్ చేయడం జరిగే పని కాదని... ఒకవేళ అది జరిగినా కలలోనే సాధ్యమని పేర్కొంది. అయితే ఆమె అరెస్ట్ విషయంలో భయపడి పారిపోయారు. దీంతో ఆమె కోసం వెతుకులాడిన పోలీసులు ఆమె కేరళలో తలదాచుకున్నట్లు గుర్తించారు. వెంటనే.. స్పెషల్ సైబర్ క్రైమ్ పోలీసులు కేరళకు వెళ్లి.. ఆమె ఎక్కడ ఉందో అక్కడకు వెళ్లి ఆమెను అరెస్టు చేశారు. అనంతరం చెన్నైకి తీసుకొచ్చి రిమాండ్ చేశారు. తాజాగా కోర్టు షాక్ ఇచ్చింది. ఆమె తనకు బెయిల్ ఇవ్వాలని పేర్కొంటూ పిటిషన్ దాఖలు చేశారు. ఆమె స్నేహితుడు అభిషేక్ సైతం పిటిషన్ దాఖలు చేశారు. అయితే వీటిపై విచారణ చేపట్టిన న్యాయస్థానం.. ఆమె బెయిల్‌కు నిరాకరించింది. దీంతో ఆమె మరికొన్ని రోజులు జైలులోనే ఉండాల్సిన పరిస్థితి ఏర్పడింది. తదుపరి విచారణ జరిగే వరకూ ఈ అమ్మడుకు ఈ తిప్పలు తప్పువు అనేది స్పష్టం అయింది.

from Telugu Movie News | Movie News in Telugu | Movie Gossips in Telugu https://ift.tt/2UH3f5M
v