చిరంజీవి- ఈ కాంబోకి థియేటర్లలో పడినన్ని ఈలలు ఇంకే కాంబోకి పడలేదని చెప్పుకోవచ్చు. బిగ్ బాస్తో కలిసి ''మావోయ్.. మావ మావ మావా'' అంటూ అప్పట్లో ఆడియన్స్ని హూషారెత్తించారు రోజా. 'ముఠా మేస్త్రి'కి మంచి జోడీ అనిపించుకొని ఆ తర్వాత ''ముగ్గురు మొనగాళ్లు, బిగ్ బాస్'' సినిమాల్లో చిరుతో పోటీపడి నటించారు. వెండితెరపై ఈ ఇద్దరు పండించిన కెమిస్ట్రీ ఆడియన్స్ని ఉర్రూతలూగించింది. ఆ తర్వాత పొలిటికల్గా చిరంజీవితో నువ్వా నేనా అన్నట్లుగా ఫైట్ చేసిన రోజా.. తాజాగా తన సినీ కెరీర్ సంగతులపై ఓపెన్ అయ్యారు. పుట్టిన రోజు సందర్భంగా తన భర్త ఆర్కే సెల్వమణితో కలిసి ఓ వీడియో చాట్లో పాల్గొన్న రోజా.. మెగాస్టార్ చిరంజీవికి ప్రత్యేకంగా జన్మదిన శుభాకాంక్షలు తెలుపుతూ ఆయనతో పంచుకున్న సినీ జర్నీని నెమరు వేసుకున్నారు. చిరంజీవితో, ఆయన ఫ్యామిలీతో తనకున్న అనుబంధాన్ని తెలిపారు. తాను కాలేజీలో చదివేటప్పుడు చిరంజీవి ఫ్యాన్ని అని, ఇప్పటికీ ఆయన్ను కలిస్తే అలాగే అనిపిస్తుందని చెప్పారు. ''చెన్నైలో ఉన్నప్పుడు షూటింగ్లో ఏ మాత్రం విరామ సమయం దొరికినా చిరంజీవి గారి ఇంట్లోనే ఉండేవాళ్ళం. సురేఖ అక్క అయితే అందరినీ చాలా బాగా చూసుకుంటుంది. ఎవ్వరైనా సరే ఇంటికొచ్చారంటే మళ్ళీ ఆ ఇల్లును వదిలిపెట్టరు. ప్రభుదేవా, రమ్యకృష్ణ, సొందర్య ఇలా అందరం వెళ్ళేవాళ్ళం. ఎవరెవరికి ఏ ఫుడ్ ఇష్టమో అది చేసి పెట్టేది సురేఖ అక్క'' అని చెప్పిన రోజా సినీ కెరీర్లో జరిగిన ఓ సంఘటనను వివరించింది. అది ఓ దెయ్యం సాంగ్. ఆఫ్టర్ 6 చిరంజీవి గారు ఏదో చేస్తారని బ్రహ్మానందం గారు వచ్చి భయపెట్టిస్తారు. బూత్ బంగ్లాలో షూటింగ్ చేస్తుండగా ఈ అమ్మాయికి చాలా పొగరు కదా అని, ఆ పొగరు దించాలని ప్లాన్ చేశారు. ప్రొడ్యూసర్తో పాటు అంతా దయ్యాల్లా మాస్కులు వేసుకొని నా వెనుక కూర్చొని ఉన్నారు. వాళ్ళను అలా చూసి భయంతో కళ్ళలోంచి నీళ్లు వచ్చాయి, వాంతి చేసుకున్నా. నన్నలా చిరంజీవి అయితే భయపడి కారేసుకొని ఇంటికి పరుగు పెట్టారు. ఆ తర్వాత ఫోన్ చేసి ఎలా ఉందని అడిగి, అప్పుడు రిలాక్స్ అయ్యారు అని చెబుతూ అప్పటి సీక్రెట్ రివీల్ చేసింది రోజా.
from Telugu Movie News | Movie News in Telugu | Movie Gossips in Telugu https://ift.tt/3yjbwLe
v
No comments:
Post a Comment