రాజమండ్రి ఎంపీ మార్గాని భరత్‌కు సంబంధించిన వీడియోలు నెట్టింట్లో ఎప్పుడూ వైరల్ అవుతుంటాయి. ప్రజలతో ఆయన మమేకయ్యే తీరు అందరినీ ఆకట్టుకుంటుంది. సినీ పరిచయం ఉన్న తాజాగా ఓ చిన్న చిత్రం కోసం కదిలివచ్చారు. బాలు, అప్స‌ర హీరో , హీరోయిన్లుగా స‌త్య ద‌ర్శ‌క‌త్వంలో డైమండ్ హౌస్ బ్యాన‌ర్‌పై రామ్‌ప్ర‌సాద్ రెడ్డి వ‌ట్ర‌పు నిర్మిస్తోన్న చిత్రం ‘భానుమ‌తి రెడ్డి’. ఈ సినిమా ఫస్ట్ లుక్‌ను ఎం.భరత్ రామ్ విడుదల చేశారు. గ్రామీణ నేప‌థ్యంలో తెర‌కెక్కుతోన్న ప్రేమ‌క‌థా చిత్రానికి ఎంపీ సాయమందించారు. ఈ మూవీ చిత్రీక‌ర‌ణ తుది ద‌శ‌కు చేరుకుంది. ఈ సినిమా ఫస్ట్ లుక్‌ను ఎంపీ భరత్ విడుదల చేస్తూ.. పెద్ద స‌క్సెస్ కావాల‌ని, న‌టీన‌టులు, టెక్నీషియ‌న్స్‌కు మంచి పేరు రావాల‌ని, నిర్మాత రామ్ ప్ర‌సాద్ రెడ్డికి సినిమా అన్ని ర‌కాలుగా పెద్ద స‌క్సెస్ కావాల‌ని అభినంద‌న‌లు తెలిపారు. ఇక ఈ కార్యక్రమంలో ద‌ర్శ‌కుడు స‌త్య మాట్లాడుతూ.. భానుమ‌తి రెడ్డి అనే సినిమా గ్రామీణ నేప‌థ్యంలో రూపొందుతోన్న ల‌వ్‌స్టోరి. ఫైన‌ల్ స్టేజ్ షూటింగ్‌కు చేరుకున్నాం. సినిమా అనుకున్న‌ట్లు బాగా వస్తోంది. రాజమండ్రి ఎం.పి భరత్ రామ్‌గారు మా సినిమా ఫస్ట్ లుక్‌ను విడుదల చేసి అభినంద‌న‌లు తెలిపారు. ఆయ‌నకు స్పెష‌ల్ థాంక్స్‌. ఈ సినిమా విష‌యానికి వ‌స్తే...ప్రేమ‌క‌థలో ఉండాల్సిన సెన్సిబుల్ అంశాల‌తో పాటు రా ఎలిమెంట్స్ కూడా ప్రేక్ష‌కుల‌ను మెప్పించేలా రూపొందిస్తున్నాం. నిర్మాత పూర్తి స్వేచ్ఛ నిచ్చారు. సినిమా బాగా వస్తోంది అని అన్నారు. నిర్మాత రామ్ ప్ర‌సాద్ రెడ్డి వ‌ట్ర‌పు మాట్లాడుతూ.. భరత్ రామ్ గారికి థాంక్స్‌. మా సినిమా ఫస్ట్ లుక్‌ను విడుదల చేసి టీమ్‌కు ఆయన అభినందించ‌డం మాకు ఓ బూస్ట‌ప్ ఇచ్చిందని అన్నారు.
from Telugu Movie News | Movie News in Telugu | Movie Gossips in Telugu https://ift.tt/3mLTKxJ
v
No comments:
Post a Comment