Suriya : హిందిలోకి ‘సూరారై పొట్రు’.. మళ్లీ మ్యాజిక్ క్రియేట్ చేయనున్న టీం!

నటించిన సూరారై పొట్రూ (తెలుగులో ఆకాశం నీ హద్దురా) ఇప్పుడు హిందిలోకి వెళ్తోంది. ఈ మేరకు తాజాగా అధికారిక ప్రకటన వచ్చేసింది. ఈ చిత్రం గత ఏడాది అమెజాన్ ప్రైమ్‌లో విడుదలైంది. దేశ వ్యాప్తంగా ఈ సినిమా గురించిచర్చలు జరిగాయి. ఎయిర్ డెక్కన్ అధినేత కెప్టెన్ గోపీనాథ్ నిజ జీవితంపై తెరకెక్కించిన ఈ మూవీ ప్రజల ఆదరణను పొందింది. తమిళ, తెలుగు భాషల్లో విడుదలైన ఈ మూవీ అందరినీ కట్టిపడేసింది. ఎంతో కాలం నుంచి సక్సెస్ కోసం ఎదురుచూసిన సూర్యకు సరైన ఫలితం దక్కింది. అంతేకాకుండా ఆస్కార్ బరిలోనూ నిలిచిన ఈ చిత్రం దేశ వ్యాప్తంగా వైరల్ అయింది. అయితే ఇప్పుడు ఈ మూవీని హిందీలో రీమేక్ చేసేందుకు రెడీ అయ్యారు. ఈ క్రమంలో సూర్య కూడా తన 2డీ ఎంటర్టైన్మెంట్‌ను నిర్మాణ భాగస్వామిగా చేర్చారు. విక్రమ్ మల్మోత్రాతో కలిసి సూర్య ఈ చిత్రాన్ని హిందీలో రీమేక్ చేయబోతోన్నారు.అక్కడ కూడా సుధా కొంగరయే దర్శకత్వం వహించబోతోన్నారు. కానీ చిత్ర నటీనటులపై ఇంకా క్లారిటీ రాలేదు. హిందీ రీమేక్ గురించి సూర్య, వేసిన ట్వీట్లు వైరల్ అవుతున్నాయి. ఈ కథ విన్న క్షణం నుంచి ఇది ప్యాన్ ఇండియా స్థాయి ఉన్న స్టోరీ అని అనిపించింది. ఎందుకంటే ఈ కథలో ఉన్న ఆత్మ, ప్రాణం అటువంటిది. హిందీలో కెప్టెన్ గోపీనాథ్ స్ఫూర్తివంతమైన జీవత చరిత్రను చూపించబోతోన్నాం. దీని కోసం విక్రమ్ మల్హోత్రతో చేతులు కలపడం ఎంతో ఆనందంగా ఉందని అన్నారు. హిందీ రీమేక్ గురించి సుధా కొంగర మాట్లాడుతూ.. కెప్టెన్ గోపీనాథ్ జీవిత ప్రయాణం ఎంతో అద్భుతమైంది. 90వ దశకంలో ఆయనది ఓ చరిత్ర. ఇప్పటి వరకు మాకు వచ్చిన ప్రేమ, ఆదరణలే హిందీ రీమేక్‌కు కూడా వస్తాయని ఆశిస్తున్నాను అని చెప్పుకొచ్చారు.

from Telugu Movie News | Movie News in Telugu | Movie Gossips in Telugu https://ift.tt/3k6ZHEg
v