ఆసక్తిరేపుతోన్న చిత్రయూనిట్.. సిగరేట్‌తో హీరో నిఖిల్ హల్చల్

ప్రస్తుతం సినీ పరిశ్రమ తన ప్రాభవాన్ని కోల్పోయింది. ఒక వేళ సెకండ్ వేవ్ ఇంత ఉధృతంగా లేకపోయి ఉంటే.. ఈ పాటికి సినిమాల జాతర ఉండేది. వరుసబెట్టి సినిమాలు లైన్‌లోకి వచ్చాయి. వెంటనే వెంటనే డేట్స్ ప్రకటిస్తూ కర్చీప్‌లు వేసుకున్నారు. కానీ ఈ సెకండ్ వేవ్ అన్నింటిని తలకిందులు చేసేసింది. పెద్ద పెద్ద సినిమాలన్నీ కూడా మళ్లీ వాయిదా పడ్డాయి. అయితే కొన్ని చిన్న సినిమాలు మాత్రం ఓటీటీకి మొగ్గుచూపుతున్నాయి. కొందరేమో అప్డేట్లు ఇచ్చేందుకు వెనకా ముందు ఆలోచిస్తున్నారు. ప్రస్తుతం ఉన్న పరిస్థితుల్లో సినిమా అప్డేట్లు అంటూ హడావిడి ఎందుకని సైడ్ అయిపోతోన్నారు. అయితే అనుపమా కాంబినేషన్‌లో రాబోతోన్న 18Pages అనే సినిమా మాత్రం అందరినీ ఆకట్టుకునేందుకు రాబోతోంది. ఈ మూవీ నుంచి ఫస్ట్ లుక్ రాబోతోందంటూ చిత్రయూనిట్ ప్రమోషన్స్ కార్యక్రమాలను చేపట్టింది. జూన్ 1న 18Pages ఫస్ట్ లుక్ రాబోతోన్న విషయం తెలిసిందే. అయితే దానికి ఇంకా సమయం ఉండటంతో ప్రీ లుక్‌తో అందరినీ ఆశ్చర్యపరిచారు. తాజాగా నిఖిల్‌కు సంబంధించిన ప్రీ లుక్‌ను సుకుమార్ షేర్ చేశారు. ఇందులో సుకుమార్ క్రియేటివిటీ కనిపిస్తోంది. ఫస్ట్ లుక్ జూన్ 1న రాబోతోందంటూ చెబుతూనే. ఆ పేపర్‌ను తన సిగరేట్ కాల్చుతున్నట్టు కనిపిస్తోంది. మొత్తానికి నిఖిల్ మాత్రం మంచి మాస్ లుక్కులో దర్శనమివ్వబోతోన్నట్టు కనిపిస్తోంది. ఈ మూవీని సుకుమార్ రైటింగ్స్, జీఏ2 సంయుక్తంగా నిర్మిస్తోంది. కుమారి 21ఎఫ్ ఫేమ్ సూర్య ప్రతాప్ దర్శకత్వంలో ఈ చిత్రం తెరకెక్కుతోంది.

from Telugu Movie News | Movie News in Telugu | Movie Gossips in Telugu https://ift.tt/3usVbBp
v