సావిత్రి జీవిత చరిత్ర ఆధారంగా తెరకెక్కించిన ‘మహానటి’ సినిమా ఎంతటి ఘన విజయాన్ని సొంతం చేసుకుందో ప్రత్యేకంగా చెప్పనక్కర్లేదు. తెలుగులో బయోపిక్ చిత్రాలకు నిఘంటువుగా మారింది ఈ చిత్రం. సావిత్రి జీవితాన్ని కళ్లకు కట్టినట్టు చూపించడం, ఆ పాత్రలో పరకాయ ప్రవేశం చేసినట్టుగా నటించడంతో తెలుగు ప్రేక్షకులకు సినిమాను తమ గుండెల్లో పెట్టుకున్నారు. విమర్శకుల ప్రశంసలతో పాటు కాసుల వర్షం కూడా కురిసింది. 2018లో విడుదలైన ఈ మూవీ ఇప్పటికీ ఏదో ఒక చోట చర్చకు దారి తీస్తూనే ఉంటుంది. పలు అంతర్జాతీయ వేదికల్లో ఈ సినిమాను ప్రదర్శించారు. జాతీయ స్థాయిలో ఎన్నో అవార్డులు దక్కాయి. అసలు ఈ సినిమా ప్రయాణం కూడా ఓ సాహసంతో కూడుకున్నదే. 2018లో ఈ సినిమా ప్రేక్షకుల ముందుకు వచ్చింది. కానీ మహానటికి పునాదులు మాత్రం అంతకు ముందు రెండేళ్ల క్రితమే పడ్డాయి. 2016లోనే మహానటి సినిమా పనులను నాగ్ అశ్విన్ ప్రారంభించారట. అలా రెండేళ్లుగా పడిన కష్టానికి తగిన ప్రతిఫలం వచ్చింది. నేను లోకల్ సినిమా చేస్తున్న సమయంలో మహానటి కోసం కీర్తి సురేష్‌ను సంప్రదించారట. మొదట్లో కీర్తి సురేష్ ఖంగారు పడినా కూడా దర్శకుడు ఇచ్చిన ధైర్యంతోనే ఇదంతా సాధ్యమైందని కీర్తి సురేష్ చెబుతుంటారు. అయితే సావిత్రిలా తెరపై కనిపించి మ్యాజిక్ చేయాలంటే అదేమీ సులభమైన విషయం కాదు. అందుకోసం కీర్తి సురేష్‌కు లుక్ టెస్ట్ కూడా పెట్టారట. ఆ విషయాన్ని కీర్తి సురేష్ తాజాగా పంచుకున్నారు. ఈ మేరకు నాడు కట్టుకున్న చీరను, అక్కడ లుక్ టెస్ట్ చేస్తోన్న సమయంలో దిగిన ఫోటోను కీర్తి సురేష్ షేర్ చేశారు. హహ.. లుక్ టెస్ట్ చేసిన మొదటి రోజు.. ఈ ఫోటో వెనకాల ఎన్నో మెమోరీస్ ఉన్నాయ్ అంటూ చెప్పుకొచ్చారు.
from Telugu Movie News | Movie News in Telugu | Movie Gossips in Telugu https://ift.tt/2RRJerT
v
No comments:
Post a Comment